Akisy. 40:6 - Ebaibul

⁶ Ani taparacu ebuni Yosepu neni kec, kiŋolik ikes ebulit iyalaara ŋawat.

Akisy. 40:6 Iomraidhean Croise

Akisy. 40:5

Akoloŋit apei nakwaare, kirujata alojera aneni aenitere ikes ŋienan ŋuluarei ŋul; ŋolo apolokinit ŋulu ayaununeete ekopo neni a erwosit ka ŋolo apolokinit ŋulu epoete ŋamugati a erwosit a ŋolo a Ijipit. Agelaaka ŋakiro ŋuna abu ŋinituŋanan kiruja ka agelaana apolou a ŋakiro a ŋuna erujat ŋinituŋanan.

Akisy. 40:7

Aŋun, kiŋit Yosepu ŋikapolok ŋulu sek arae ŋiketiyak a Parao ŋul, ŋulu aya ka iŋes lojera ŋulu edaritae alokai a esigarit a ŋolo apolokinit ŋisigarya tema, “Nyo enyorididyoto ŋireetin kus nakoloŋit na?”

Akisy. 40:8

Toboŋokis ikes temasi, “Irujatae isua, ido mam ituŋanan ikisileerekini isua apolou a ŋakiro a ŋuna irujatae.” Tema Yosepu neni kec, “Meere mono Akuj epedori akisileerekin apolou a ŋakiro a ŋuna irujatae a? Tolimokinae ayoŋ ŋakiro ŋuna irujato iyes.”

Akisy. 41:8

Nyeyakaun etau a Parao ejok taparacu; aŋun, abu iŋes kiyaki ŋituŋa anyarare ŋikekukujak ŋulu aya Ijipit ka ŋikaosok keŋ daadaŋ. Tolimok Parao ikes ŋakirujaeta keŋ, nai mam ipei daŋ ŋini abu topedo akisileerekin Parao apolou a ŋakiro a ŋuna abu iŋes kiruja.

Dan. 4:5

Abu ayoŋ eruja ŋakiro ŋuna apotu eketeryaŋakis ayoŋ. Ani aperi ayoŋ alokitaada kaŋ, abu ayoŋ eŋolik anakiruja ŋitorubei ka ŋakisileerekineta ŋuna apotu eketubulo ayoŋ.

Dan. 5:6

Anenipei togelaaniya ereet a erwosit, tokadak iŋes anatameta, kikelikelakis ŋakejen keŋ, tonaŋanakin ŋakuŋin keŋ.

Dan. 7:28

Ŋakiro daadaŋ ikes ŋun ŋuna aponi okolimokin ayoŋ apolou kec. Ani eruwor ayoŋ Daniel, apotu ŋatameta kaŋ eketubulo ayoŋ nooi, ido abu ereet kaŋ kilocokin, nai abu ayoŋ eric ŋakiro daadaŋ alotau kaŋ.

Dan. 8:27

Aŋun, abu ayoŋ Daniel eyaloloŋ nooi, odyakakin oper ŋirwa ŋulu alalak; ekaku abu ayoŋ onyou, olot akitiya ŋiticisyo a erwosit. Nai abu akisileerekinet anakiruja a ŋin okoinak ayoŋ akitakadakinet, ido pa apedorit ayoŋ ayenun apolou keŋ.