Akisy. 4:5 - Ebaibul

⁵ Nai nyelakar Ekapolon aŋuna a Kain ka ainakinet keŋ. Aŋun, toŋo Kain nooi, tonyoridid ereet.

Akisy. 4:5 Iomraidhean Croise

Akisy. 31:2

Toanyu daŋ Yakob atemar pa amina Laban iŋes apaki ŋin lopite ŋolo sek aminar ekiŋaren.

Akisy. 31:5

Tolimok ikes tema, “Aanyu ayoŋ atemar nyeriŋa papa kus akamina ayoŋ lopite ŋolo paaran akaminar. Nai ŋinapei nyimyekina Akuj apapa kaŋ ayoŋ.

Akisy. 39:19

Ani iirari ekapolon a Yosepu ŋakiro ŋuna alimokini aberu keŋ iŋes ebala, “Arae epite ŋol abu eketiyan kon kitiya neni kaŋ,” tonoma ŋakiro etau, toŋo.

Yob 15:13

ido iremokin iyoŋ alotau kon Akuj ka imyekinit ŋakiro ŋuna itoroniaritor Akuj itorunito nakituk kon?

Yob 5:2

Kire jik, eari alilit ebaŋ ka eari arakao ŋini emam ŋuna eyeni.

Ŋikiru. 20:3

Elipi atemar tocamu iŋes ŋainakineta kon daadaŋ, elipi tocamu iŋes ŋainakineta kon ŋuna epeyo.

Ŋakit. 19:3

Epedori abaŋao akinyasun ibaŋaanot, nai epedori ibaŋaanot ŋin atemar Ekapolon akacaka.

Ŋakit. 29:10

Nyecamito ŋituŋa ŋulu italit akiar ŋituŋa arukit ka ŋulu iyookino, iwarito ikes epite ŋolo earyata ŋulu iyookino.

Ekal. 4:4

Abu nai ayoŋ oyenu atemar itiyaete ŋituŋa eŋirikinito nooi ŋolotic daadaŋ ka ŋinapiiryanut daadaŋ, anerae erakaana ŋinituŋanan aŋuna a ŋinice. Erae ŋun daŋ ŋakoŋinae, erae akirisit ekuwuam.

Isa. 3:9

Elimorit epite ŋolo etakaniata ŋireetin kec aremokino kec Ekapolon, iseraete ikes asecit kec lopite ŋolo etiyaata ŋituŋa a Sodoma nyimunonito ikes asecit kec. Aca kec! Ayaut ikes ŋilam neni kec.

Ekim. 16:15

Abu nai Moses toŋo nooi, ido tema neni ke Ekapolon, “Nyicamu ŋainakineta kec. Mam nyeyaa ayoŋ aneni kec tari ŋolo arae esigirya epei daŋ ka nyewana ayoŋ idio alokidiŋ kec.”

Mat. 20:15

Amamukar mono ayoŋ apedori ŋinakisitiyaet ŋiboro kaŋ ikwaŋina acamitor a? Kori eyai iyoŋ arakao aŋuna ka arimaanut kaŋ?’”

Ŋitic. 13:45

Nai ani iŋolikinete Ŋiyudayan ŋasepico, min arakao nooi neni kec, kitepega erwor a Paulo ka kiyanya iŋes.

Ŋibur. 11:4

Anupit iŋes etelemuni Abel amuronot ŋina ajokan akilo ŋina a Kain. Anupit iŋes abunio Akuj tocamunia iŋes erae ŋolo iyookino, anerae Akuj alope abu kiteyenu ŋun anacamun ŋainakineta ŋuna ka Abel. Aŋuna ka anupit keŋ, eriŋa ŋakiro ŋuna abu iŋes kitiya irworosi neni yok, tari ketwanit iŋes.

Yud. 1:11

Ekaŋ neni kec! Anerae ewuapakis ikes epite a Kain. Aŋuna a ŋisiliŋa, amaryaarosi ikes nadyakaret ŋina koloŋ a Balaam. Ikwapei Kora, awout ikes eboŋito ka inyasunio ikes.

1 Sam. 16:7

Nai tema Ekapolon neni a Samuel, “Nyemaikina iyoŋ kiŋolik etakane, kori aoyau keŋ, adau ayoŋ akiŋer iŋes; anerae nyite Ekapolon lopite ŋolo iteoto ŋituŋa. Iteete ŋituŋa etakane ka akuwan, nai ite Ekapolon etau a ituŋanan.”