Akisy. 4:10 - Ebaibul

¹⁰ Kiŋit Akuj iŋes tema, “Nyo itiya iyoŋ? Igworosi neni kaŋ ŋaokot alokaato kon analup.

Akisy. 4:10 Iomraidhean Croise

Akisy. 18:20

Tema Ekapolon, “Epol nooi akigworo aŋuna a ŋituŋa a Sodoma ka Gomora, epol daŋ nooi ka elal asecit kec.

Akisy. 3:13

Kiŋit Ekapolon Akuj aberu tema, “Anukiro nu ŋuna itiya iyoŋ?” Tema aberu, “Emun akamodikini ayoŋ, ido abu onyam.”

Akisy. 9:5

Nai kire, ŋini ebukori ŋaokot kon, eŋisi ayoŋ ŋuna kebukorya. Eŋisi ayoŋ ŋun ŋolotyaŋ ka ŋinituŋanan. Eŋisi ayoŋ ituŋanan kirwor ŋuna kebukorya iŋes ŋaokot a ŋinice.

2 Ŋirw. 9:26

‘Eŋolik bien ayoŋ Nabos ka ŋidwe keŋ ŋulusapa earyo. Nai kire jik, akaari ayoŋ iyoŋ daŋ Yoram alomanikor alopei a lo.’ Todakutu tokona akuwan keŋ kiŋa, kimasakis lomanikor, lopite ŋolo erworitor Ekapolon.”

2 Ŋakiro a ŋirwa 28:9

Nai ayai Samaria ekadwaran ŋolo ke Ekapolon ŋolo anyaritae Oded. Abu iŋes toloma kiŋa etaun akisiryam ŋasigarya ŋuna aboŋunete alojie. Tema neni kec, “Aŋuna aŋoikinitor Ekapolon ŋolo erae Akuj atapapaa kus ŋituŋa a Yudaya, abu itojalak iyes ŋituŋa a Yudaya, nai iara iyes ikes nooi ka anyunyura, ido eira Akuj ŋakiro ŋun.

Yob 16:18

“Okoe ikikwaanikin ayoŋ ka ituŋanan ŋini adaun akiar, nyemaikina kimunoniyarae ŋun; nyemaikina ituŋanan idio ekesililiŋ ayoŋ aŋuna ka akiŋita akiyookino.

Yob 24:12

Eumenete alotaun ŋulu iridete iworoete ŋulu ewanana ecamito akiŋarakino; nai nyemisit Akuj akiirar akilip kec.

Ŋikiru. 50:21

Idaut iyes akitiya ŋakiro ŋun, ido eliliŋi ayoŋ cek; itamete iyes atemar kori ekoni ayoŋ iyes. Nai tokona ekeyeyakini ayoŋ iyes, ido akalimokini tokona ŋuna ekesitakinitor.

Ŋikiru. 72:14

Elakununui iŋes akiyar a ŋituŋa a ŋul aneni a ŋulu isicanito ikes ka toryenyanikinito; epol nooi akiyar a ŋituŋa a ŋul anakonyen keŋ.

Ŋikiru. 9:12

anerae isicani Akuj ŋinituŋanan ŋini isicani ŋituŋa keŋ; nyimuryakini iŋes akigworo kec.

Ŋikiru. 9:13

Okoe Ekapolon, kiŋolik epite ŋolo ekesicanitotor ayoŋ ŋimoe kaŋ! Kisyoni ayoŋ, ido toiunae nyaloma natwanare,

Awos. 3:7

Tema nai Ekapolon, “Adau ayoŋ akiŋolikin epite ŋolo iteryamunitere ŋituŋa kaŋ ŋican alo Ijipit. Eira ayoŋ akigworo kec ŋina isigworyoto ŋikapolok ŋulu isitiyaete ikes. Kire jik akanomosi ayoŋ ŋican kec

Isa. 5:7

Erae Isirael emanikor ŋolo a epiini ŋolo a Ekapolon a ŋolo a ŋajoresyo, ido erae ŋituŋa a Yudaya ŋikito a epiini ŋulu ajokak ŋulu edupakinit Ekapolon. Eitanit Ekapolon atemar kitiyata ŋituŋa a Yudaya ŋuna iyookino, nai abu kiŋolik aara. Eitanit iŋes atemar toruwor ikes ŋulu iyookino, nai abu kiira akigworo bon!

Ekim. 35:33

Nyinyasa akwap ŋina iboiyoto iyes, anerae inyasete ŋaokot akwap ka emam epite ŋolo emookunere akwap mati ŋaokot a ituŋanan a ŋini abu toar ŋinice.

Ŋitic. 5:3

Nai tolimok Petero Anania tema, “Anania, kaanukiro imyekinia iyoŋ Satan ilelebikin lotau kon, ido tomodik iyoŋ Etau ŋolo Asegan, aŋuna iwuaya ŋisiliŋa ŋice ŋulu igyelarya iyoŋ emanikor?

Ŋitic. 5:9

Tolimok Petero iŋes tema, “Kaanukiro iponiata iyoŋ ka lokile kon tocamut akikatakin Etau ŋolo ke Ekapolon? Topupok! Ipupi iyoŋ ŋakejen alopuke a? Erae ŋuna a ŋisorok a ŋulu sek alosito akinuk lokile kon, ikidakarete ikes iyoŋ daŋ kiŋa.”

Ŋikis. 21:1

Anakwap a ŋina ikiini iyes Ekapolon Akuj kus aruwor ŋina kus, ani keryamun ituŋanan etwanikinit nariet nai nyeyenio ituŋanan ŋini keari,

Ŋibur. 11:4

Anupit iŋes etelemuni Abel amuronot ŋina ajokan akilo ŋina a Kain. Anupit iŋes abunio Akuj tocamunia iŋes erae ŋolo iyookino, anerae Akuj alope abu kiteyenu ŋun anacamun ŋainakineta ŋuna ka Abel. Aŋuna ka anupit keŋ, eriŋa ŋakiro ŋuna abu iŋes kitiya irworosi neni yok, tari ketwanit iŋes.

Ŋibur. 12:24

Arae neni a Yesu iponito iyes, ŋolo abu kitemok Acamunet ŋina Kitete ka anaokot a ŋuna etesegunak anasecisya, ŋuna eyai apolou nooi akilo ŋuna ka Abel.

Yak. 5:4

Emam nyetaca iyes eropit ŋolo a ŋiketiyak lomanikorin kus. Topupokisi ŋakiro ŋuna iburaata ikes! Adol akigworo a ŋulu elemete ŋimanikorin kus neni ka Akuj, Ekapolon ŋolo etiron.

Yos. 7:19

Tema Yosua neni ka Akan, “Lokoku, kitopoloo Ekapolon ŋolo erae Akuj a Ŋisirael, tolimok iŋes asecit kon. Tolimokinae ayoŋ ŋakiro ŋuna itiyat iyoŋ. Nyiwua ŋakiro ŋun aneni kaŋ.”

1 Sam. 13:11

Kiŋit Samuel iŋes tema, “Anukiro itiya iyoŋ?” Toboŋok Saul tema, “Ani eŋolikini ayoŋ atemar asiwa ŋituŋa aneni kaŋ ka ididi iyoŋ abunore alotooma ŋirwa ŋulu sek etemokino ibunio, nabo acunakinosi Ŋipilistin Mikimas, abu