Akisy. 39:9 - Ebaibul

⁹ Mam ituŋanan epol alokai a na akilo ayoŋ, mam ibore ŋini nyeinakina iŋes neni kaŋ mati iyoŋ bon; anerae irae iyoŋ aberu keŋ. Ekokini nai ayoŋ etiyae ŋakiro ŋuna aronok ŋun ai, osec alokiŋaren Akuj?”

Akisy. 39:9 Iomraidhean Croise

Akisy. 13:13

Nai aneni ke Ekapolon, aroko ka arae ŋikasecak nooi ŋikilyok ŋulu alo Sodoma.

Akisy. 20:3

Nai, abu Akuj bu neni ka Abimelek anakiruja nakwaare, tolimok iŋes tema, “Kiira, eapi iyoŋ atwanare aŋuna ka aberu a ŋina iya iyoŋ, anerae erae iŋes aberu ŋina iitit.”

Akisy. 20:6

Tolimok Akuj iŋes anakiruja tema, “Ee, ayeni ayoŋ atemar ibu iyoŋ kitiya ŋun iyeni atemar iyookinit ka abu ayoŋ ekeretak iyoŋ nyisec aneni kaŋ. Aŋakiro a ŋun, abu ayoŋ nyakacamak iyoŋ itapi iŋes.

Akisy. 20:9

Tonyarau Abimelek Aburaam kiŋit tema, “Anukiro nu, ŋuna itiya iyoŋ neni kosi? Alipite aseca ayoŋ aneni kon, ŋolo iyaunia iyoŋ akiilit ŋina apolon neni kaŋ ka nakwap kaŋ? Itiya iyoŋ neni kaŋ ŋuna nyemaikina kitiyakin.”

Akisy. 24:2

Tolimok Aburaam eketiyan keŋ ŋolo apoloiyorit alokal keŋ ka torae iŋes apolokinit ibore daadaŋ ŋini ayakar Aburaam tema, “Kiwuak akan kon kwap amuro kaŋ,

Akisy. 39:10

Torubak iŋes elimonokini Yosepu ŋakiro a ŋinakoloŋit, nai nyecamu Yosepu akiirar ŋakiro keŋ, akiper alodiyete keŋ, kori akiryamakin ka iŋes.

Akisy. 41:40

Eruwor iyoŋ ipol alokai a ŋina ka apukan kaŋ, ido emaikina ŋituŋa kaŋ daadaŋ kiwuapa ŋakiro ŋuna ilimokini iyoŋ ikes. Erae ca aŋuna araakar ayoŋ ekepukan iŋes ekeloitor ayoŋ iyoŋ.”

Akisy. 42:18

Ani epete ŋirwa ŋiuni, tema Yosepu neni kec, “Kitiyata nu ikotere toyara, anerae etopoloorit ayoŋ Akuj:

2 Sam. 11:27

Ani elunyar ŋirwa ŋulu ka akigworo lokile keŋ, kiyakiya Daudi ituŋanan ayaun aberu ŋin kai keŋ, ido abu iŋes toruwor aberu a Daudi, kidou ikoku a Daudi ŋinisapat. Nai apotu nyitalakasi Ekapolon ŋakiro ŋuna abu Daudi kitiya.

2 Sam. 12:13

Tema Daudi neni a Nasan, “Asec ayoŋ alokiŋaren Ekapolon.” Tema Nasan neni a Daudi, “Ikisyon tokona iyoŋ Ekapolon aŋuna ka asecit kon, nyikiari iŋes iyoŋ.

Neem. 5:15

Ŋikepukak ŋuluce daadaŋ ŋulu epukato eriŋa ayoŋ, atiŋito ŋituŋa erono nooi, ejaununeete akimuj ka epiini aneni kec, pa imaritae ŋicekelya ŋatomoniomwon ŋulu ke esilipa ŋulu alemununeete ŋituŋa. Ŋiketiyak kec daŋ arae ŋikepukak. Nai nyitiya ayoŋ ŋun, anerae etopoloorit ayoŋ Akuj.

Neem. 6:11

Nai abu ayoŋ otema, “Emaikina mono ekile ŋolo ikoni ayoŋ toem a? Epedori mono ekile ŋolo ikoni ayoŋ akiem Kai ka Akuj aiun akiyar keŋ a? Nyalosi ayoŋ inaa!”

Yob 31:23

Nai etopoloorit ayoŋ ayeni atemar ketiya ŋun ekesicani Akuj ayoŋ; ido pa kapedorit ayoŋ akitijiore ailiil keŋ.

Ŋikiru. 51:4

Asecit ayoŋ aneni kon, neni kon bon asecitor ayoŋ; adau ayoŋ akitiya aronis alokiŋaren kon, aŋun, iyookino iyoŋ anakiro a ŋuna irworo; ido iyookinit iyoŋ ikitubokinit ayoŋ akisicanio.

Awos. 20:14

“Nyilom.

Ŋakit. 6:29

Ikokinete ŋakiro nenipei nen aneni a ituŋanan a ŋini elomi aberu a ikidunyet keŋ; mam ituŋanan ŋini ani keloma ka aberu a ŋinice nyisicani.

Ŋakit. 6:32

Ebaŋaana ituŋanan ŋini elosi akilom aberu a ŋinice, ituŋanan ŋini itiyae ŋun, eaunit atwanare nakuwan keŋ.

Ekal. 7:26

Abu ayoŋ oryamu ibore ŋini erono nooi akilo atwanare, iŋes aberu ŋina erae aloketait ŋina erae etau keŋ ŋaunoi ta ŋatibae, aberu ŋina erae ŋakan keŋ ŋiriko. Ituŋanan ŋini elakara Akuj aŋuna keŋ, iŋes bon epedori abucar anaberu a ŋin, nai epedori aberu ŋin amodiun neni keŋ ituŋanan ŋini erae ikasecan.

Yer. 28:16

Aŋun, alimu Ekapolon ebe, ‘Akalemari ayoŋ iyoŋ anakwap ekaru lopei lo, itwani iyoŋ; anerae irworo iyoŋ itepegit Ekapolon.’ ”

Yer. 50:7

Amunyasi ŋituŋa ŋulu aryamununeete ikes ŋituŋa kaŋ ka irworosi ŋimoe kec ebasi, ‘Mam ŋuna aronok etiyatae isua, anerae aseca ikes aneni a Ekapolon a ŋolo erae neni keŋ eyarikinito ikes, Ekapolon ŋolo arae akigeno atapapaa kec.’

Ŋilep. 20:10

“‘Ani kelom ekile edio aberu a ekidunyet keŋ, emaikina toarae ekaloman ŋol kaapei ka akaloman ŋin.

Ŋilep. 6:2

“Ani kesec ituŋanan idio alokidiŋ kus aneni ke Ekapolon; tomodiya ekidunyet keŋ ibore ŋini icikakinitae iŋes aŋuna ke edeni, kori todema ekidunyet keŋ ibore keŋ, kori tomodiya,

Ekim. 32:23

Nai ani pa kitiyata iyes ŋun, isecete iyes aneni ke Ekapolon, ido emaikina toyenete atemar ikisicanio iyes aŋuna ka asecit kus.

Luk. 12:48

Nai ŋolo itiyae ŋuna aronok pa eyeni ŋuna ecamit ekapolon keŋ, ibuŋae ekapolon keŋ iŋes iwadio. Ituŋanan daadaŋ ŋini einakinitae ibore ŋini alalan, iitanio ŋini alalan aneni keŋ ka ŋini icikakinito ŋituŋa ŋiboro ŋulu alalak, iitanio aneni keŋ ŋulu alalak adepar.

1 Ŋikor. 4:2

Ibore ŋini iitana aloketiyan a ŋolo epolokinit etic, iŋes akikinyoma alokiŋaren ekapolon keŋ.

Tito 2:10

kori nyekokoyete aneni kec. Akilo, itemokino ikes kitoodiunito atemar ejokak ka ikinyoma ikes jwi jwi, ikotere itopoloorete ikes akitatam ŋina ka Akuj a ŋina erae Akaiunan yok, anibore a daadaŋ a ŋini itiyaete ikes.

Ŋibur. 13:4

Itemokino ŋituŋa daadaŋ kitopoloorito ekiitanu. Itemokino ŋikilyok ka ŋaberu torae ŋulu ikinyoma make, anerae etubokini Akuj ŋulu emalaaka ka ŋikalomak.

1 Yoa. 3:9

Ituŋanan daadaŋ ŋini erae ikoku ka Akuj, nyesecenene, anerae eyakar iŋes epite ŋolo eyakar Akuj; nyepedori asecenen, anerae erae iŋes ikoku ka Akuj.

Akis. 21:8

Nai ŋikakuryanak, ŋikalukinok, ŋulu nyenupito, ŋikaarak, ŋimalaanotin, ŋikekukujak, ŋulu ilipete neni a ŋakujo ka ŋikalyokonok daadaŋ imasakinio ikes nanam ŋina ka akim ka ŋina a Sulpa. Erae ŋin atwanare ŋina a ŋaarei.”

Akis. 22:15

Nai kiŋa etaun ŋolo apolon eyakaunosi ŋisiilyanotin, ŋikapilak, ŋimalaanotin, ŋikaarak, ŋulu ilipete neni a ŋakujo car ka daadaŋ ŋulu irworosi ka kitiyaete alyokonu.