Akisy. 39:3 - Ebaibul

³ Ani eyenuni ekapolon a Yosepu atemar erukito Ekapolon kaapei ka Yosepu, ido elosi etic a Yosepu daadaŋ ejok,

Akisy. 39:3 Iomraidhean Croise

Akisy. 21:20

Abu Akuj kiŋarak idya, topolou iŋes, kiboi analoŋisat, toyenik nooi akisitiya ŋikaleŋeleŋe.

Akisy. 21:22

Apaki ŋin, temasi Abimelek ka Pikol ŋolo arae ekapolon a ŋasigarya keŋ neni ka Aburaam, “Irukito iyoŋ ka Akuj alotooma daadaŋ ŋuna itiyae iyoŋ.

Akisy. 21:23

Kikoŋ tokona a ne neni kaŋ alokiro ka Akuj atemar nyikimodikini iyoŋ ayoŋ, kori ŋidwe kaŋ, kori ŋituŋa kaŋ. Kikoŋ lopite ŋolo ekoŋio ayoŋ neni kon alotooma arimao. Kitiya ŋun neni kaŋ ka nakwap na ŋina idaunia iyoŋ akiboiyo irae egela.”

Akisy. 26:24

Nakwaare akoloŋit ŋinapei alomya Isaka nakwap ŋin, totakanu Ekapolon neni a Isaka tema, “Arae ayoŋ Akuj a papa kon Aburaam, nyikuryaniar, anerae ikiruki ayoŋ ka iyoŋ, eketerereŋi ayoŋ iyoŋ ka etalalauni ŋiletok kon nooi aŋuna a eketiyan kaŋ Aburaam.”

Akisy. 26:28

Temasi ikes, “Ikianyu isua kire jik atemar irukito iyoŋ ke Ekapolon; aŋun, ikitemari, ekoŋo iwon ŋinituŋanan neni a ŋinice ka ewuakisi acamunet yok, ŋinituŋanan neni a ŋinice,

Akisy. 30:27

Nai tema Laban neni a Yakob, “Kimyekinae ayoŋ okolimok ŋuna acamit alimun, adau ayoŋ ayenun anakisileerekinet ke Ekapolon atemar eketerereŋ ayoŋ Ekapolon aŋuna kon.

Akisy. 30:30

Kire, paaran eriŋa ayoŋ nyebuno akiyok, akudyoko ŋaatuk kon, ido tokona apitutu nooi ka ikiterereŋ Akuj iyoŋ aneni daadaŋ abu ayoŋ olosyo ikes. Nai tokona, ori mono etanunia ayoŋ ŋituŋa a ekal kaŋ daŋ.”

Akisy. 39:2

Arukito Ekapolon kaapei ka Yosepu, kituruwo Ekapolon iŋes ŋolo alosi etic keŋ kiŋaren ejok, itiyae kai a ekapolon keŋ a Potipar a Ejipitanoit.

Akisy. 39:21

Nai arukito Ekapolon ka Yosepu, kitoodik Ekapolon iŋes amina ŋina nyiryaŋiryaŋa, inak iŋes tojokyar alokiŋaren ŋolo apolokinit ŋimabus.

Akisy. 39:23

Tojoŋo ekapolokiniton ŋimabus amitakinit akiit ibore daadaŋ ŋini abu iŋes inak Yosepu akidar, anerae arukito Ekapolon ka Yosepu, ido ibore daadaŋ ŋini itiyakini iŋes, etolosi Ekapolon kiŋaren ejok.

2 Ŋirw. 18:7

Arukito Ekapolon ka iŋes. Ŋuna daadaŋ abu kitiya, abu kitiya ejok nooi. Abu Esekia toŋer erwosit ŋolo ka Asiriya towou daŋ akitiyanakin iŋes.

1 Ŋakiro a ŋirwa 22:13

Ipedori nai akilounun daadaŋ erae kiwuap ejok ŋitalyo ka ŋikisila ŋulu abu Ekapolon inak Moses aŋuna a Ŋisirael. Togogoŋior ka tomukyaniar. Nyikuryaniar, kori nyicamu ikikadanakini.

1 Ŋakiro a ŋirwa 9:20

Ekiŋaren sek, Pineas lokoku ke Eleasar iŋes apolokinit ŋulu edarito epuke, ayai Ekapolon kaapei ka iŋes.

2 Ŋakiro a ŋirwa 1:1

Abu Solomon lokoku a Daudi kisicat apukan keŋ ejok, arukito iŋes ke Ekapolon Akuj keŋ, ido abu Akuj kituruwo iŋes arwonit.

2 Ŋakiro a ŋirwa 26:5

Abu iŋes kitiyanak Akuj anakikinyomit alorwa a ŋulu a Sakariya a ŋolo abu kitatam iŋes akitopoloorit Akuj; ŋirwa daadaŋ ŋulu etiyanakinia iŋes Ekapolon, abu Akuj kiterereŋ iŋes.

Neem. 2:20

Tosodi abu ayoŋ oboŋok ikes otema, “Akuj ŋina anakuj iŋes ikiinakini isua akisiyookin etic kosi, ido elosyo isua ŋiketiyak keŋ ageun akiduk, nai imamukatar iyes idiobore ŋini erae ŋini kus alo Yerusalem, imamukatar iyes apedor ŋina ikiinakinitae iyes aŋuna a Yerusalem.”

Ŋikiru. 1:3

Ikote ikes ŋikito ŋulu edupakinitae diyete ŋayona ŋuna eya ŋakipi, ŋikito ŋulu eraete anapaki a ŋina emaikina eraeta, ka nyeiniyanarete ŋakwii kec. Ibore daadaŋ ŋini itiyaete ŋituŋa ŋul, elosi kiŋaren ejok.

Sakar 8:23

Alorwa a ŋul epote ŋituŋa ŋulugelaanotin ŋitomon neni ke Eyudayat ke epei temasi, ‘Ecamitae isua arukor ka iyoŋ neni ilosi, anerae adaun isua akiirar atemar irukito iyoŋ kaapei ka Akuj.’ ”

Mat. 5:16

Ikwaŋinapei, itemokino akica kus tocai kileere alotuŋa, ikotere ikes eanyuwarete ŋiticisyo kus ŋulu ajokak, kipuro Papa kus ŋolo eyai nakuj.

1 Ŋikor. 16:2

A ŋinakoloŋit a Esabit, itemokino ŋinituŋanan kus toseta nawae ŋisiliŋa ŋidi lotyae ŋolo ke ebari keŋ, kidiatakinos, ikotere ani abuni ayoŋ, nyecuni nabo ŋice.

Ŋikis. 2:7

Kire jik, ikiterereŋ Ekapolon Akuj kus iyes anakiro a daadaŋ a ŋuna itiyata iyes, eyeni iŋes alosit kus ŋina ilosyoto iyes analoŋisat na a ŋina apolon nooi. Ŋikaru ŋatomoniomwon lu daadaŋ irukito iyes ka Ekapolon Akuj kus, mam ibore ipotu iyes kicanakin.’ ”

Yos. 1:9

Tokona nai, ekeciki ayoŋ iyoŋ; togogoŋ ka totitiny. kiurya nyikikadanak, anerae ayoŋ Ekapolon Akuj kon, ikirukit ayoŋ ka iyoŋ aneni ilosi daadaŋ.”

Akis. 3:9

Kiira! Ayauni ayoŋ neni kon atukot ŋina a Satan, ŋikalyokonok ŋulu ebasi ikirae Ŋiyudayan, nai nyerae. Ayauni ikes eteryedik alokiŋaren kon, ikotere eyenunete atemar akamina ayoŋ iyoŋ.

1 Sam. 18:14

Eloununui Daudi ŋimoe kec, anerae ayai Ekapolon kaapei ka iŋes.

1 Sam. 18:28

Nai ani eyenuni Saul atemar erukito Ekapolon ka Daudi ka emina nakoku keŋ Mikal Daudi,

1 Sam. 3:19

Ayai Ekapolon kaapei ka Samuel apaki ŋina apolounio iŋes, ido abu Ekapolon kisiyook ŋuna aris kelimu.