Akisy. 37:2 - Ebaibul

² Eemut a ekal a Yakob lo: Ani eriŋa Yosepu erae edya ŋolo a ŋikaru a ŋitomon ka ŋikanikaarei, kisyak akiyok ŋakinei kaapei ka ŋikaipapae keŋ; ŋidwe ŋulusapa ŋulu a Bila ka Silpa aŋuna arae ŋaberu a papa keŋ. Apei koloŋit, tolimok Yosepu papa keŋ ŋakiro ŋuna aronok ŋuna etiyaete ŋikaipapae keŋ.

Akisy. 37:2 Iomraidhean Croise

Akisy. 10:1

Erae lu ŋirorwa a ŋipapae a ŋidwe a Noa a lu: Sem, Am ka Yapes; erae lu ŋidwe ŋulu a potu ikes touruut ekaku ka akalele.

Akisy. 2:4

Erae ŋol epite ŋolo asubia Akuj kidiama ta akwap. Akoloŋit ŋina asubia Ekapolon Akuj akwap ka kidiama,

Akisy. 30:4

Aŋun, abu Rakel inak Yakob aketiyan keŋ Bila, toruwor aberu keŋ; kiryamakinos Yakob ka Bila,

Akisy. 30:9

Ani eanyuni Lea atemar ajoŋo iŋes akidounun, ya aketiyan keŋ Silpa neni a Yakob toruwor aberu keŋ.

Akisy. 35:22

Ani eriŋa Isirael iboi anakwap a ŋin, kebu Ruben tolot tolom Bila, apese a papa keŋ ŋina pa eisitae, kiira Isirael ŋakiro ŋun. Ayakar Yakob ŋidwe ŋitomon ka ŋiarei:

Akisy. 41:46

Arae ŋikaru a Yosepu ŋatomoniuni apaki ŋina alomarya lotic a Parao a erwosit a Ijipit. Torotok Yosepu aneni sek eboiyoto ka Parao, tolot kirimo nakwap a Ijipit daadaŋ.

Akisy. 42:8

Tari daŋ ŋina ayenitor Yosepu ŋikaitotoi keŋ, pa ayenito ikes Yosepu.

Akisy. 45:6

Eyai tokona eron nakwap ŋikaru ŋiarei lu, ka iyatakin nabo ŋikaru ŋice ŋikan ŋulu emamukaunor akitare, kori akilem.

Akisy. 46:34

Toboŋokisi iŋes temasi, ‘Isua ŋiketiyak kon, ikirae ŋikeyokok a ŋibaren ŋinapei anasorokanut kosi tari tokona, isua kaapei ka atapapaa kosi.’ Tolimutu ŋun ikotere ilomete nakwap ŋina a Gosen, anerae aneni a Ŋijipitian, erae ŋikeyokok a ŋamesekin ŋisiilyanotin.”

Akisy. 5:1

Erae lu ŋirorwa a ŋipapae ka Adam. Apaki ŋina asubunia Akuj ituŋanan, abu tosub ikwaan ka iŋes.

Akisy. 6:9

Erae lu ŋirorwa a ŋiletok a Noa a ekile a ŋolo eyookino, a ŋolo amam ŋuna etoronitotor ŋituŋa keŋ ka etopoloorit Noa Akuj anakiyar keŋ.

Yoa. 7:7

Nyepedori akwap akitidiŋ iyes, nai eketidiŋit ayoŋ, anerae arubakinit alimonokini iŋes atemar eroko nooi ŋikeeticisyo.

1 Ŋikor. 1:11

Ŋikaitotoi kaŋ, akalimokis ayoŋ ŋituŋa ŋulu a Kilowe atemar iburaete iyes make.

1 Ŋikor. 11:18

Ŋuna esyaunak, eira ayoŋ atemar ŋina iryamiryamyata iyes ikwapei atukot a ŋikanupak, eyai atyakatyaka kidiŋ kus; aneni kaŋ, esibit ŋakiro ŋun ŋuna a kire.

1 Ŋikor. 5:1

Elimunitoe kire atemar eyai amalao kidiŋ kus ŋina aronon nooi, ŋina nyeryamun tari aneni a ŋulu nyenupito Akuj ŋina a kire. Anerae elimunitoe ebe eyai ekile ŋolo elomenene aberu a papa keŋ ŋinace!