Akisy. 35:2 - Ebaibul

² Aŋun, abu Yakob tolimok ŋituŋa a ekal keŋ ka ŋituŋa daadaŋ ŋulu arukitotor iŋes tema, “Tocakasi nariet ŋakujo ŋunagelaanotin ŋuna iyakatar iyes. Kitaleutu ŋawat kus ka tonapa ŋilowi ŋice;

Akisy. 35:2 Iomraidhean Croise

Akisy. 18:19

Nyemunoni, anerae adau ayoŋ aseun iŋes ikotere iciki ŋidwe keŋ ka ŋituŋa a ekal keŋ ŋulu iwuapete iŋes, kiwuapa erot ŋolo ke Ekapolon anakitiya ŋuna iyookino ka ŋuna ecamakinitae; ikotere nai isiyookini Ekapolon ŋuna adau akiikin Aburaam.”

Akisy. 31:19

Apaki ŋin, alosit Laban akitub ŋajul a ŋamesekin keŋ. Aŋun, abu Rakel kisitiya apaki ŋin akokoiyarya ŋakujo ŋuna a ekal a papa keŋ.

Akisy. 31:30

Tari ŋina amaikina iyoŋ tolosyo aŋuna ikiburitor nooi ekal a papa kon, nyo ikokoiyarya iyoŋ ŋakujo kaŋ.”

Akisy. 31:34

Kerae Rakel kelemunit ŋakujo ŋuna a ekal a Papa keŋ, kiwuakinit iŋes ikes nisaaja ŋini a ekaal ŋini eboiyo iŋes. Kiwar Laban ŋakujo keŋ loboro daadaŋ aloeema, nai nyeryamu jik.

Akisy. 34:2

Ani iŋolikini Sekem lokoku ke Eipiit a ŋolo anyaritae Amor, a ŋolo epukat akwap ŋin Dina, kikamu iŋes kituruwo aberu keŋ.

Akisy. 35:22

Ani eriŋa Isirael iboi anakwap a ŋin, kebu Ruben tolot tolom Bila, apese a papa keŋ ŋina pa eisitae, kiira Isirael ŋakiro ŋun. Ayakar Yakob ŋidwe ŋitomon ka ŋiarei:

2 Sam. 7:23

Ata ŋae ŋituŋa ikwaan ka ŋituŋa kon, Ŋisirael? Eya mono ŋituŋa ŋice ikwaanatar ikes anakwapin a akwap ŋulu abu Akuj kec tolot alakun ikwapei ŋituŋa keŋ, ido toruunio ekiro keŋ a? Eya mono ŋituŋa ŋulu abu Akuj kitiya ŋuna ka aumokin neni kec anakiritanar ŋituŋa a ŋakwapin ka ŋakujo kec alokiŋaren kec a?

2 Ŋirw. 17:29

Tari kikote nen daŋ, apotu ŋituŋa tolukanar a ŋatekerin, kitiyaununut ŋakujo kec a ŋilopeyek alotaunio a ŋulu alomito ikes, kiwuanakis ŋakujo kec nakais ŋuna adukonokinitae neni elipeneneere ŋakujo.

2 Ŋirw. 5:10

Kiyakiya Elisa ituŋanan alimokin Naaman ebe, “Tolot kiloŋari anaŋolol Yorodan ŋakiloŋaret ŋakanikaarei tosodi tojokyar akuwan kon toŋaleu.”

1 Ŋakiro a ŋirwa 16:26

Erae ŋakujo daadaŋ ŋuna eyakatar ŋituŋa ŋacaryo, nai Ekapolon iŋes abu tosub kidiama.

Yob 1:5

Ani elunyar ŋirwa ŋulu a ŋasuban, anyaraenene Yob ŋidwe keŋ akitaleun; taparacu sek, inak Akuj ŋainakineta ŋuna epeyo, ŋainakineta ŋuna erae ekimar a ŋidwe keŋ a daadaŋ, anerae abu Yob tema, “Acepaki aseca ŋidwe kaŋ, ecieno Akuj alotai kec.” Erae ŋun ŋuna etiyaenene Yob a ŋinakoloŋit.

Ŋikiru. 51:2

kilota aronis kaŋ jik, ido kitesegunae ayoŋ anasecit kaŋ.

Ŋikiru. 51:7

Kitesegunae ayoŋ oruwor ŋini aseg; kilotarae ayoŋ tokwaŋiar etau kya.

Awos. 19:10

tema Ekapolon neni a Moses, “Ape neni a ŋituŋa kitaleu ikes nakoloŋit na ka moi taparacu. Tolimok ikes kilotasi ŋilowi kec,

Awos. 19:14

Abu nai Moses totiyaiyar alomoru, tolot neni aya ŋituŋa kitaleu ikes, ido kilotasi ŋilowi kec.

Awos. 23:13

Tomitakinito ŋakiro daadaŋ ŋuna akalimok ayoŋ iyes. Nyinyarata ŋirorwa a ŋakujo a ŋace; nyikiirar iyes inyarito ikes a ŋakitukwa kus.”

Ekal. 5:1

Toceikinite epite daadaŋ ŋolo ilosyononoo iyoŋ Kai ŋina ka Akuj. Ape kai ŋin akiirar ŋakiro ka Akuj akilo alosit ainakin ŋamuronisya ŋuna eayeneneete ŋibaŋaanotin nen; anerae nyeyenete ikes epite ŋolo eŋeryoto akitiya aronis.

Isa. 1:16

Tomookunos, kitesegunos, tojoŋoto akitiya ŋuna aronok alokiŋaren kaŋ, tojoŋoto akitiya ŋuna aronok,

Isa. 52:11

Torotokisi, torotokisi toloto a nen! Nyitapa ibore idio ŋini itoroniyaritae, toloto aneni eya ŋiboro ŋulu itoroniyaritae, kitaleutu ŋawat kus iyes ŋulu iyakatar ŋiboro ŋulu ke Ekapolon.

Yer. 13:27

Adau ayoŋ akiŋolikin ŋiticisyo kus ŋulu aronok, epite ŋolo iloseneneoto iyes akilip neni a ŋitorubei aŋakujo alomoru ka anakadipaalae ikerete isibito ekile ŋolo imunit aberu a ekidunyet keŋ kori ikwa

Yer. 16:20

Epedorete mono ŋituŋa akitiyaun ŋakujo aŋuna kec a? Meere ibore ŋini itiyaunete ikes Akuj.

Yer. 5:7

Alipite nai ekesyonio ayoŋ iyoŋ? Akaŋero ŋituŋa kon ayoŋ, ido ikoŋete elimito ŋulu nyerae Akuj. Ani etani ayoŋ ikes kimwoko, aloto ikes akilip neni a ŋakujo, eloseneneete ka atoonyi nakais a ŋakujo.

Esek. 18:31

Togatasi aneni kus aronis daadaŋ ŋina idaut iyes akitiya, toryamutu akiyar ŋina kitete ka ŋatameta ŋunakiet. Okoe Ŋisirael, kaanukiro icamitotor iyes atwakare?

Esek. 20:7

Abu ayoŋ otema neni kec, ‘Tocaka ŋinituŋanan akuj keŋ ŋina aminaki ka nyimunaasi ŋawat kus anakiwuapit ŋakujo a Ijipit; ayoŋ arae Ekapolon Akuj kus.’

Esek. 36:25

Akawuatakini ayoŋ iyes ŋakipi ŋuna aliwak, ido italeunosi iyes anakiro a ŋuna aronok a daadaŋ ka eketaleuni ayoŋ iyes anakujo kus a daadaŋ.

Dan. 5:4

Apotu ikes tomata epiini kipuro ŋakujo ŋuna etiyaunitae a egolid, a esilipa, a eburonis, a asuwat, a akitoe ka amoru.

Ŋilep. 15:5

Ituŋanan daadaŋ ŋini etapi ibore ŋini eperyo ekile ŋol, emaikina kilota ŋilowi keŋ, kiloŋar, ido erubakini ituŋanan ŋin, erae ŋini itoroniyaritae akitodol eboŋ.

Ŋilep. 17:16

Nai ani pa kilota iŋes ŋilowi keŋ, ido kiloŋar, eruwor ŋun nakou keŋ ka ilope.’ ”

Ekim. 31:24

Emaikina iyes kilotasi ŋilowi kus epete ŋirwa ŋikanikaarei, ido iruworosi ŋulu italeuno, ani ekaku ipedorete iyes alomun nalomar.”

Ŋitic. 19:26

Iteete ka iirasi iyes ŋilopeyek Paulo lo. Ebala iŋes ebe nyerae ŋakujo ŋuna itiyaunito ŋituŋa ŋakujo tari iwadio ka etunup ŋituŋa daadaŋ a ne alo Epeso ka akwap ŋina ka Asia daadaŋ.

1 Ŋikor. 10:7

Nyitemokino iwon elipete neni a ŋakujo a ŋace, ikwa kilipyata ikes ŋice; ikwapei ebaakatar Ŋakigireta ebe, “Apotu ŋituŋa kiboikinos; kimuja, tomata ka tobolyata.”

2 Ŋikor. 7:1

Ŋikaakonei ŋuluminan, ikiinakinitae iwon ŋakiikineta nu daadaŋ. Aŋun, etesegutu ŋawat yok aloboro a daadaŋ a ŋulu nyitesegete akuwan ka etau, ido oruworos jik ŋulu ikisegak nooi alotooma akerit Akuj.

Ŋigal. 4:8

Koloŋ sek, pa iyenete iyes Akuj, ido ipotu toruworos ŋipi ŋulu a ŋakujo a ŋuna nyerae Akuj ŋina a kire.

Ŋikis. 11:28

ka iryamunete iyes ŋicen erae pa kiwuapa iyes ŋakiciketa ŋuna ke Ekapolon Akuj kus, ido toŋero akiwuap ŋakiro ŋuna ekecik ayoŋ iyes akiwuap nakoloŋit na, aŋuna ka akiwuap ŋakiro a ŋakujo a ŋuna nyiyenunito iyes.

Ŋikis. 32:16

Inakis iŋes tolilik ŋakujo ŋunagelae, kitoŋoa iŋes a ŋakiro a ŋuna eŋerit iŋes.

Ŋikis. 5:7

Nyiyakatar ŋakujo ŋace mati ayoŋ bon.

Ŋikis. 6:14

Nyiwuapa ŋakujo ŋace, nyiwuapa adio a ŋakujo a ŋituŋa a daadaŋ a ŋulu iboiyete alodiyete kus,

Ŋikis. 7:25

Icunyarete iyes ŋitorubei a ŋakujo kec. Nyikinira iyes esilipa, kori egolid ŋolo idelesikinitae lotorubei ŋul, ido iyaasi aŋuna kus, anerae anakiwuapit ŋakiro ka Akuj; epedorete ŋiboro ŋul akitooliyor iyes anerae eŋerit Ekapolon Akuj kus iyes akitiya ŋun.

Ŋibur. 10:22

Aŋun, oapiyasi neni ka Akuj a ŋitai a ŋulu iwuapito ŋuna a kire ka ananupit a ŋina egogoŋ; nabo a ŋitai a ŋulu iteseguna anasecisya ka ŋawat ŋuna adaun akilotar a ŋakipi a ŋuna asegak.

Yak. 4:8

Toapuutu neni ka Akuj, eapuuni iŋes daŋ neni kus. Kilotasi ŋakan kus iyes ŋikasecak! Kitesega ŋitai kus iyes ŋituŋa ŋulu a ŋitai a ŋiarei!

Yos. 23:7

nyirukito ka ŋituŋa lu ŋulu idoŋito nakwapin ŋuna iboiyoto iyes, nyinyarito ŋirorwa a ŋakujo kec, kori nyikoŋo ilimito ŋirorwa a ŋakujo kec, kori nyitiyata ediotic aŋuna a ŋakujo a ŋun, kori nyilipete neni kec.

Yos. 24:14

“Tokona nai, itemokino iyes tokerito Ekapolon ka kitiyanakis iŋes anakikinyoma kus a daadaŋ. Toŋero akitiyanakin ŋakujo ŋuna ewuapito atapapaa kus alokekwaye aŋolol Eupurate ka anakwap a Ijipit, nai kitiyanakisi Ekapolon.

Yos. 24:15

Nai ani pa kejok aneni kus akitiyanakin Ekapolon, toseutu nai iyes ŋilopeyek nakoloŋit na ŋini itiyanakinete; kerae ŋakujo ŋuna etiyanakinete atapapaa kus Alokekwaye Aŋolol Eupurate, kori ŋakujo a Ŋiamori a ŋulu iboiyete iyes nakwap kec. Ani ayoŋ ka ekal kaŋ, ikitiyanakini Ekapolon.”

Yos. 24:2

Tema nai Yosua lotuŋa daadaŋ, “Ebala Ekapolon ŋolo erae Akuj a Ŋisirael ebe, ‘Koloŋ sek apotu atapapaa kus kiboiyoto ayaaye aŋolol Eupurate, epei atapapaa kus a ŋul iŋes Tera papa keŋ ka Aburaam ka Naor. Apaki ŋin, elipete ikes neni a ŋakujo.

Yos. 24:20

Ani ca kiŋero iyes Ekapolon, kitiyanakis ŋakujo ŋunagelae, ikimani iŋes iyes, ido ikisican, itomunya iyes, torae bo sek ajok Ekapolon aneni kus.”

Yos. 24:23

Tolimok Yosua ikes tema, “Tokona nai toŋero ŋakujo ŋunagelae ŋuna iyakatar iyes, kiikisi atemar iwuapete iyes Ekapolon bon ŋolo erae Akuj a Ŋisirael.”

Yud. 1:23

toiutu ŋice anakopun ikes anakim. Eyakasi nabo ŋice ŋulu itemokino torimakinito, nai toyakatar acoit, tolwaka tari alolowi kec a ŋulu itooŋoryanit asecit.

Ŋikat. 10:16

Aŋun, apotu Ŋisirael kimasanasi aneni aya ikes ŋitorubei a ŋakujo a ŋunagelae, kilipa neni ke Ekapolon, ido abu Ekapolon tojoŋo akidaŋidaŋ akitere Ŋisirael eryamunito ŋican.

Rus. 1:15

Tolimok Naomi Rus tema, “Kiŋolik, aboŋo nakain kon lotuŋa keŋ ka nakujo keŋ. Toboŋo kiwuapak nakain kon.”

1 Sam. 16:5

Toboŋok iŋes tema, “Esilit; abunit ayoŋ ne ainakin amuronot neni ke Ekapolon; kitaleutu ŋawat kus, ido ipotu oloto ka ayoŋ namuronot.” Kitaleu iŋes Yese ka ŋidwe keŋ ŋulusapa, ido tonyarau ikes potu namuronot.

1 Sam. 7:3

Abu nai Samuel tolimok Ŋisirael tema, “Ani kiboŋunito iyes neni ke Ekapolon a ŋitai kus a daadaŋ, tolemasi nai alokidiŋ kus ŋakujo ŋunagelae, ikwapei Asitaros. Totama alotai kus ŋuna ke Ekapolon, kitiyanakisi iŋes bon, ido ikiuni iŋes iyes anakan a Ŋipilistin.”