Akisy. 34:7 - Ebaibul

⁷ Ani edolunete ŋidwe a Yakob ŋulusapa anacokor, kiirasi ŋakiro a Dina atipei. Toumokis ka toŋoa nooi, anerae kebu Sekem kitiya ŋuna a ŋileec aneni a Ŋisirael, aŋuna kebunio kikamunia nakoku a Yakob kituruwo aberu keŋ, torae bo ŋun ŋuna pa amaikina akitiya.

Akisy. 34:7 Iomraidhean Croise

Akisy. 20:9

Tonyarau Abimelek Aburaam kiŋit tema, “Anukiro nu, ŋuna itiya iyoŋ neni kosi? Alipite aseca ayoŋ aneni kon, ŋolo iyaunia iyoŋ akiilit ŋina apolon neni kaŋ ka nakwap kaŋ? Itiya iyoŋ neni kaŋ ŋuna nyemaikina kitiyakin.”

Akisy. 34:6

Tolot Amor papa a Sekem neni a Yakob akisirwor iŋes.

Akisy. 34:8

Nai abu Amor kisirwor ikes tema, “Emina nooi Sekem lokoku kaŋ nakoku kus; ekelipit inakis Sekem kiit iŋes.

Akisy. 46:7

iŋes ka ŋidwe keŋ ŋulusapa ka ŋipapae keŋ ŋulusapa ta ŋidwe keŋ ŋulupesur ka ŋipapae keŋ ŋulupesur. Yau Yakob ŋiletok keŋ daadaŋ Ijipit.

2 Sam. 13:21

Ani iirari erwosit ŋakiro ŋun daadaŋ, toŋo iŋes nooi, nai abu iŋes nyisican lokoku keŋ Aminon, anerae amina Daudi Aminon aŋuna araakar ikoku keŋ ŋini kiyae.

Ŋikiru. 93:5

Okoe Ekapolon, erae ŋikisila kon ŋulu a jik, erae Akai kon ŋina asegan ŋikaru ka ŋikaru.

Ŋakit. 7:7

abu eŋolik ŋisorok ŋulu emam ŋakiro eyenete, abu ayoŋ eŋolik alokidiŋ ŋisorok ŋul esorokit epei ŋolo pa ayeni ŋuna etiyae.

Yer. 29:23

anerae etiyata ikes ŋuna aronok nooi alo Isirael, apotu toloma ŋaberu a ŋikidunyet kec, erworo alokiro kaŋ ŋakiro ŋuna ka alyokonu, ŋakiro ŋuna nyelimokina ayoŋ ikes, ayoŋ ayeni ka arae esuuda a ŋakiro kec.”

Ŋilep. 4:13

Ani kerae Ŋisirael daadaŋ esecete pa iredakinito, nyeyenete atemar abila ikes akiciket adio ŋina ke Ekapolon, tari daŋ pa keyenete ŋituŋa atemar itiyakina ŋun, esecito ikes.

Ŋilep. 4:2

“Tolimok Ŋisirael ebe, ‘Ani kesec ituŋanan idio pa iredakinit, kitiya ŋuna nyecamakinito ŋakiciketa ŋuna ke Ekapolon, emaikina kiwuap nu:

Ŋilep. 4:27

Ani kerae ipei alokidiŋ ŋituŋa ŋuluce daadaŋ eseci pa iredakinit akitiya ŋuna nyecamakinito ŋakiciketa ŋuna ke Ekapolon, esecit iŋes.

1 Ŋikor. 10:8

Nyitemokino iwon etiyata ŋuna ka amalao ikwa kitiyaata ikes ŋice; aŋun, apotu ŋalipyo ŋatomoniarei ka ŋiuni totwaka apeikoloŋit bon.

1 Ŋikor. 6:18

Toŋero amalao. Nyetapito ŋasecisya ŋunace ŋuna itiyae ituŋanan akuwan keŋ, nai ituŋanan ŋini itiyae amalao, itiyae asecit nakuwan keŋ a ilope.

Ŋiep. 5:3

Ikwapei iraakatar iyes ŋituŋa ŋulu ka Akuj, nyitemokino ŋakiro daadaŋ ŋuna ka amalao kori ŋuna ka asiilyanut kori arorokanut elimitoe alokidiŋ kus.

Ŋikis. 22:20

Nai ani kiyookino ŋuna elimunit ekile ŋol ka pa keryamunitae akitoodikinet ŋina itoodiunit atemar kerae apese ŋin ŋina pa eryamakina ka ekile,

Ŋikis. 22:21

emaikina yaarae apese ŋin kiŋa epuke ŋolo a akai a papa keŋ, tosodi tocaka ŋikilyok a etaun iŋes a ŋamoru toara, anerae etiya iŋes ŋakiro ŋuna a ŋileec alo Isirael aŋuna abunio kiryamakinotor ka ekile eriŋa nyiita. Aŋun, ilemarete iyes aronis alotuŋa kus.

Ŋikis. 23:17

Mam adiopese alodwe a Ŋisirael ŋina emaikina eruwor amalaat anakiboisyo a ŋuna ilipere ŋakujo, mam edya edio alodwe a Ŋisirael ŋolo emaikina eruwor emalaat anakiboisyo a ŋuna ilipere ŋakujo.

Ŋikol. 3:5

Itemokino iyes kitoŋopiyasi ekibure ŋolo aronon ŋolo alotooma kus ikwapei amalao, asiilyanut, akitiya ŋuna a ŋileec, ekibure ŋolo aronon, arorokanut (anerae ikwaan arorokanut ka akilip akuj ace.)

1 Tim. 5:13

Nabo eyenikinete ikes akalanyanut anakirimit ŋakais; meere ŋun bon, eyenikinete daŋ akirworor ŋituŋa ka apanapanat emam ediotic itiyaete ta akirworo ŋakiro ŋuna nyitemokino ikes irworosi.

Ŋibur. 13:4

Itemokino ŋituŋa daadaŋ kitopoloorito ekiitanu. Itemokino ŋikilyok ka ŋaberu torae ŋulu ikinyoma make, anerae etubokini Akuj ŋulu emalaaka ka ŋikalomak.

Yak. 3:10

Itorunito akipuro ka ŋilam nakituk ŋinapei ŋin. Ŋikaitotoi kaŋ, nyitemokino ŋun totakanut!

Yos. 7:15

Ani nai ŋini eseunio toryamunae eyakar ŋiboro ŋulu icenen, eponio akicunyakin iŋes ka ŋiboro keŋ daadaŋ kaapei ka ŋituŋa keŋ, anerae abil iŋes Acamunet ŋina ke Ekapolon ka nabo etiya ŋuna a ŋileec nooi alo Isirael.”

1 Pet. 2:9

Nai irae iyes ebuku ŋoloseuna, ŋisacaradotin ŋulurwosi, ŋituŋa ŋulu etyakaritae neni ka Akuj, ŋituŋa keŋ ka alope. Ikiseu iŋes iyes akisera ŋiticisyo ŋulu apolok nooi, ŋulu a ŋolo ikinyarau iyes anakiryonut tooma nakica keŋ, ŋina ka aumokin.

Ŋikat. 20:6

Abu nai ayoŋ olemu akuwan a aberu kaŋ otubutubu, ido eyakiya ŋatubutubeta ŋun nakwap a ŋituŋa a Isirael daadaŋ, anerae etiyata ikes akapil alo Isirael.