Akisy. 34:14 - Ebaibul

¹⁴ Tolimokis ikes temasi, “Nyikipedori isua akitiya ŋun; nyeinio isua ekile ŋolo nyileŋeritae nakaato kosi, anerae eruwor ŋun ŋuna a ŋileec aneni kosi.

Akisy. 34:14 Iomraidhean Croise

Akisy. 17:11

Kileŋera ikes toruwor ŋol emacar ŋolo ka acamunet kaŋ ka iyes.

Akisy. 17:14

Isapat daadaŋ ŋini nyileŋeritae, eruwor igela alotuŋa keŋ, ido adau akimen acamunet kaŋ ka iyes.”

Akisy. 34:13

Aŋuna kebunio Sekem kinyasu Dina nakoku a Yakob, apotu ŋidwe a Yakob ŋulusapa kirworo amodiyo neni a Sekem ka papa keŋ Amor.

Akisy. 34:15

Ecamunoi iwon erae kicamut iyes ŋakiro nu ebe: Kileŋerae ituŋanan daadaŋ ŋinisapat anakwap kus ikwa isua.

2 Sam. 1:20

Nyemaikina ŋakiro nu tolimoroe alo Gas, kori kiserae alorotin a ŋulu ka Asikelon; anerae epedorete ŋidwe a Ŋipilistin ŋulupesur alelyan, epedorete ŋidwe a ŋul a ŋulu nyileŋeritae alakar.

2 Sam. 15:7

Ani elunyar ŋikaru ŋiomwon, tema Abusalom neni a erwosit, “Kimyekinae ayoŋ olot Eburon, ikotere esiyook ŋakiro ŋuna abu ayoŋ ekoŋ neni ke Ekapolon;

1 Ŋirw. 21:9

Egirit iŋes ŋakiro nu nabaruwae ŋun, “Kiserautu akoloŋit ŋina emaikina kiredakinae akiron, ido tocunakis ŋituŋa, kisiboikis Nabos alokiŋaren ŋituŋa.

Mat. 2:13

Ani kerotokis ikes, totakanu emalaika ŋolo ke Ekapolon neni a Yosepu anakiruja tema, “Tonyou, ya ikoku ka toto keŋ tosiya tari Ijipit. Kiboi aina tari ŋina akalimokinia ayoŋ iyoŋ, anerae ecamit Erode akimimaun ŋakiro a ikoku, ecamit akiar.”

Mat. 2:8

kiyakiya iŋes ikes Betelem tema, “Toloto akimimaun ejok ŋuna a ikoku, ani kiryamut, ipotu itolimokis, ikotere ayoŋ daŋ alosi oryedik, oma iŋes.”

Ŋirom. 4:11

Eleŋeryo iŋes ekaku, ido toruwor akileŋeryo keŋ emacar ŋolo itoodiunit atemar aŋuna ka anupit keŋ, aris Akuj kecamu iŋes erae ŋolo iyookino eriŋa nyileŋera. Aŋun, erae Aburaam papaa a daadaŋ a ŋulu enupito Akuj ka ŋulu adau iŋes acamun erae ŋulu iyookino, tari pa kileŋeritae.

Ŋikat. 14:3

Nai tolimokis papa keŋ ka toto keŋ Samuson temasi, “Emam mono aberu eyai nateker kus, kori alotuŋa yok a daadaŋ ilosyo iyoŋ aryamun aberu alo Pilistia, alotuŋa a ŋulu nyileŋeritae a?” Nai tolimok Samuson papa keŋ tema, “Kiitakinae ayoŋ iŋes, anerae akaminarit iŋes ayoŋ.”

1 Sam. 14:6

Tema Yonasan neni a ekile a ŋolo aryoŋit ŋiboro keŋ ŋulu ke ejie, “Bua, apena najore a ŋul a ŋulu nyileŋeritae; acepaki epedori Ekapolon ajiore aŋuna yok, anerae mam ŋuna iretakinete Ekapolon anaiun ŋituŋa kelalak, kori kekudyoko.”

1 Sam. 17:26

Kiŋit Daudi ŋikilyok ŋulu awuasi alodiyete keŋ, tema, “Anukiro itiyakinio neni a ekile a ŋolo epedori akiar Epilistait ŋol, tojoŋoi ajamuwarit Ŋisirael? Ŋae mono Epilistait ŋol ŋolo tari nyileŋeritae, ebuni ajamuwar ŋajorei ka Akuj a ŋina eyari?”

1 Sam. 17:36

Adau ayoŋ eketiyan kon akiar ŋiŋatunyo ka ŋityaŋ ŋice ŋulu adedeŋak; esikwaanikini ayoŋ Epilistait ŋol ŋolo nyileŋeritae ka epei a ŋityaŋ a ŋul, anerae adau iŋes ajamuwar ŋajorei a Akuj a ŋina eyari.”