Akisy. 32:31 - Ebaibul

³¹ Aris akoloŋ kelomu apaki ŋina atubio Yakob alo Peniel icodo, anerae awanan ekalokot keŋ.

Akisy. 32:31 Iomraidhean Croise

Akisy. 16:13

Tolimok Agar ekiro ke Ekapolon a ŋolo erworo neni keŋ tema, “Irae iyoŋ Eliroi.” anerae abu Agar tema, “Eŋolik kire ayoŋ Ekapolon ka arubak ayari kadau akiŋolikin iŋes a?”

Akisy. 19:15

Ani ereŋuni akwap eapuuni akiwalar, todyeka ŋimalaikan Lot, temasi, “Tonyou, ya aberu kon ka ŋidwe kon ŋulupesur ŋulu eya ne, ani kemam, ikimunyaryo iyes daŋ anakisicanio a ŋina a etaun a lo.”

Akisy. 19:23

Aris akoloŋ kelomu apaki ŋina adolio Lot Soar.

Akisy. 32:25

Ani eyenuni ekile ŋol atemar pa apedorit iŋes akiloun Yakob, kidicak ekile ŋol Yakob lokalokot kai aloŋole, tolomu akai aloŋole alokalokot a Yakob apaki ŋina elyakatar ikes.

Akisy. 32:32

Aŋun, anyoun akoloŋit ŋin, nyenyamete Ŋisirael ŋamori ŋuna eya kai aloŋole alokalokot a ŋolotyaŋ daadaŋ, anerae aponi kidicakinae Yakob namoriit ŋina a alokai aloŋole.

1 Ŋirw. 12:25

Abu Yeroboam toduk etaun Sekem, nakwap a Epuraim ŋina a ŋikamukumukui, toruwor neni eboiyo iŋes nen, kedau akiduk nen, abu tolot toduk Penuel.

1 Ŋirw. 18:26

Aŋun, apotu ikes kipakasi emoŋ ŋolo ainio ikes, ido kitemokis. Tonyarata ikes ekiro a Baal ŋinapei taparacu akitodol kidiŋ apaaran. Tocela ikes ebasi, “Okoe Baal toboŋokinoe isua!” Nai mam etoil aponi kirarae, mam ŋini abu toboŋok ikes. Nai apotu torubakis idoŋaete irimete namuroet ŋina adukito ikes.

Ŋikiru. 38:17

Eyapi ayoŋ akimasar, ido erubakinit aryeba eyai neni kaŋ.

Awos. 24:10

Kiŋolikis a nen Akuj a Ŋisirael. Kwap ŋakejen keŋ, ayai ibore ŋini enaminamakina neni pus ŋini ekwaan ka amoru ŋina enyaritae Sapire. Eleere nen epusiyana ikoni kidiama eliilii.

Awos. 24:11

Nai abu Akuj nyisican ŋikarikok a Ŋisirael ŋul; apotu ikes kiŋolikis Akuj, apotu daŋ kimuja ka tomata.

Isa. 6:5

Otema nai ayoŋ, “Oitakoi! Acakar bare ca, anerae arae ayoŋ ituŋanan ŋini nyerworo ŋakiro ŋuna ajokak ka ikiboi ayoŋ ka ŋituŋa ŋulu nyirworosi ŋakiro ŋuna ajokak, nai adau ayoŋ akiŋolikin erwosit, Ekapolon ŋolo a ŋajoresyo!”

Mal. 4:2

Nai iyes ŋulu itopoloorito ekiro kaŋ, elomuni apedor kaŋ ŋina aiunan ikoni akoloŋ, ido bu apedor neni kus ikoni ŋikoi ŋulu ka akoloŋ, ikitaŋaleun iyes. Iruworosi iyes ŋulu ilacakina, ŋulu ilakara ikwa ŋimanaŋ ŋulu elacakinitae, ŋulu eŋaaritae ananok.

2 Ŋikor. 12:7

Aŋuna ka akiretakin ayoŋ nyeturo, aŋuna ka alalau a ŋakitoodikineta, aponi okoinakin ayoŋ apipilu ŋina ikoni aremot ŋina ke ekukwae, apipilu ŋina erae Satan iyakuunit, akisican ka akiretakin ayoŋ nyeturo.

2 Ŋikor. 12:9

Nai abu iŋes okolimok ayoŋ tema, “Ajokis kaŋ iŋes bon iitanit iyoŋ, anerae egogoŋ apedor kaŋ nooi apaki ŋina ipalagia iyoŋ.” Alakari ayoŋ nooi eturokin aŋuna ka apalagu kaŋ, ikotere min apedor ŋina a Kristo tooma kaŋ.

Ŋikis. 5:24

ido ipotu iyes temasi, “Kiŋolikisi, ikitoodik Ekapolon Akuj kus iyes akica ka apolou keŋ ka eirar isua etoil keŋ ŋolo abunit anarira. Nakoloŋit na eŋolikin isua atemar epedori Akuj akirwor neni a ituŋanan, ido erubakini ituŋanan ŋin eyari.

Ŋikis. 5:26

anerae ituŋanan ani ŋinapei koloŋ abu kiira etoil ŋolo ka Akuj a ŋina eyari torubak eyari, lopite ŋolo eirarere isua?

Ŋikat. 6:22

Toyenu nai Gideon atemar kerae ŋol emalaika ŋolo ke Ekapolon, tosodi tema, “Kiŋarakinae ayoŋ, okoe Ekapolon Akuj! Adau ayoŋ akiŋolikin emalaika ŋolo ke Ekapolon ediyediye.”

Ŋikat. 6:23

Nai tolimok Ekapolon iŋes tema, “Toyai ekisil neni kon! Nyikuryaniar, nyitwani iyoŋ.”

Ŋikat. 8:8

Abu Gideon toloto a nen ka ŋirukitos keŋ Penuel, kilip Gideon ŋituŋa a Penuel daŋ ŋamugati ŋadi aŋuna a ŋirukitos keŋ lopite ŋolo elipitor ŋituŋa a Sukos, ido apotu ŋituŋa a Penuel daŋ toboŋokis iŋes lopite ŋolopei aboŋokinitotor ŋituŋa a Sukos.