Akisy. 32:30 - Ebaibul

³⁰ Tolimok Yakob ekiro a akibois a ŋin Peniel, ebala, “Erae nu aŋuna ikiŋolikinor ayoŋ ka Akuj ŋireetin, ido nyeara Akuj ayoŋ.”

Akisy. 32:30 Iomraidhean Croise

Akisy. 16:13

Tolimok Agar ekiro ke Ekapolon a ŋolo erworo neni keŋ tema, “Irae iyoŋ Eliroi.” anerae abu Agar tema, “Eŋolik kire ayoŋ Ekapolon ka arubak ayari kadau akiŋolikin iŋes a?”

Akisy. 28:19

Tolimok ekiro a akibois a ŋin Besel; nai arae sek ekiro a etaun a ŋolo ayai nen Lus.

Akisy. 35:9

Totakanu nabo Akuj neni a Yakob apaki ŋina abunio iŋes alo Padanaram. Kiterereŋ Akuj iŋes.

1 Ŋirw. 12:25

Abu Yeroboam toduk etaun Sekem, nakwap a Epuraim ŋina a ŋikamukumukui, toruwor neni eboiyo iŋes nen, kedau akiduk nen, abu tolot toduk Penuel.

Awos. 33:14

Tema Ekapolon neni a Moses, “Ikirukori ayoŋ ka iyoŋ, ido ekesieŋari ayoŋ iyoŋ.”

Isa. 6:5

Otema nai ayoŋ, “Oitakoi! Acakar bare ca, anerae arae ayoŋ ituŋanan ŋini nyerworo ŋakiro ŋuna ajokak ka ikiboi ayoŋ ka ŋituŋa ŋulu nyirworosi ŋakiro ŋuna ajokak, nai adau ayoŋ akiŋolikin erwosit, Ekapolon ŋolo a ŋajoresyo!”

Isa. 9:5

Inokere akim ŋamuk a ŋikajiok a daadaŋ a ŋulu aloseneneete lojie kaapei ka ŋilowi kec daadaŋ ŋulu irwasito ŋaokot.

Ekim. 12:8

Erworo ayoŋ neni keŋ iteoi ŋireetin, ileerete ŋakiro, meere a ŋakitadapeta, ekete iŋes ayoŋ. “Kaanukiro nai pa ikeritotor iyes akirwor itoroniarito eketiyan kaŋ Moses?”

Yoa. 1:18

Emam ituŋanan eanyunit Akuj; nai Lokoku ŋolo donupei ŋolo erae epei ka Papa, iŋes ikitaanyu iwon Akuj.

1 Ŋikor. 13:12

Ibore ŋini ikite iwon tokona ikoni etorube ŋolo emuimui anaroet, nai moi, ikianyuni iwon Akuj; ŋuna ayeni ayoŋ tokona erae ŋuna eriŋa nyirikakina, nai moi, ayenuni ejok lopite ŋolopei akayenia Akuj ayoŋ.

2 Ŋikor. 3:18

Ikitoodiunit iwon daadaŋ akica ŋina ke Ekapolon a ŋireetin yok a ŋulu nyerapap ka akitambara. Ikiloconokinio iwon iwadio akitodol ŋina ikikwaanikinor ka iŋes ka erae lo etic ŋolo ke Ekapolon a ŋolo erae Etau ŋolo ka Akuj.

2 Ŋikor. 4:6

Arae Akuj abu tema, “Tocau akica anakiryonut”, Akuj ŋinapei ŋin etacau akica keŋ alotai yok, ainakinia iwon akica ŋina ka ayenut ka apolou ŋina ka Akuj ŋina etacaun aloreet a Kristo.

Ŋigal. 1:6

Aumokinit ayoŋ aŋuna kus! Alotooma apaki ŋina auruwuanan, iesikis iyes Akuj ŋina abu ikinyarau iyes aŋuna ka ajokis a Kristo ka icamut Ŋakiro ŋuna Ajokak ŋace!

Ŋiep. 1:17

Elipenene ayoŋ Akuj ŋina ke Ekapolon yok Yesu Kristo, Papa ŋolo eyai apolou daadaŋ, ikiinak iyes aosou ka ŋakitoodyanakineta, ikotere toyenut iyes iŋes ejok.

Ŋikis. 34:10

Mam nabo apaki ace ŋina ayakar ekadwaran Isirael ŋolo ekoni Moses ŋolo abu kirworo ka Ekapolon iteosi.

Ŋikis. 5:24

ido ipotu iyes temasi, “Kiŋolikisi, ikitoodik Ekapolon Akuj kus iyes akica ka apolou keŋ ka eirar isua etoil keŋ ŋolo abunit anarira. Nakoloŋit na eŋolikin isua atemar epedori Akuj akirwor neni a ituŋanan, ido erubakini ituŋanan ŋin eyari.

Ŋikol. 1:15

Erae Kristo etorube ŋolo ka Akuj a ŋina nyetakani. Erae iŋes ekiyai ŋolo ka Akuj Papa, akisyakinet ŋina a ŋisubuna a daadaŋ.

2 Tim. 1:10

nai tokona adau akisileerekin neni yok anabunore a ŋina ke Ekaiunan yok Yesu Kristo. Adau Kristo akiloun atwanare ka adau akisileereun alotooma Ŋakiro ŋuna Ajokak akiyar ŋina nyetwakere.

Ŋibur. 11:27

Anupit iŋes arotokinio Moses alo Ijipit pa ekuryana atemar eŋoi erwosit a Ijipit. Torubak iŋes etitinyikinit esibit etakani aneni keŋ Akuj ŋina nyetakani.

Yos. 5:13

Apaki apei eyai Yosua diyete Yeriko, abu iŋes kikeu ereet keŋ kiŋolik ekile ewoi alokiŋaren keŋ etiŋit ekileŋ. Tolot Yosua neni ayai iŋes kiŋit tema, “Irae iyoŋ epei a alokidiŋ kosi, kori irae emoit?”

Ŋikat. 13:17

Kiŋit nai Manoa emalaika ŋolo ke Ekapolon tema, “Ŋae ekiro kon? Ikotere ikitopolooryo isua iyoŋ akoloŋit ŋina iyookinotor ŋakiro kon,”

Ŋikat. 13:18

Nai toboŋok emalaika ŋolo ke Ekapolon Manoa tema, “Kaanukiro iŋitar iyoŋ ekiro kaŋ? Erae ekiro kaŋ ŋolo eiliili nooi.”

Ŋikat. 8:17

Abu daŋ iŋes toritak kwap aduketait ŋina aoyan ŋina a Penuel ka toar ŋikilyok daadaŋ ŋulu ke etaun a ŋol.

Ŋikat. 8:8

Abu Gideon toloto a nen ka ŋirukitos keŋ Penuel, kilip Gideon ŋituŋa a Penuel daŋ ŋamugati ŋadi aŋuna a ŋirukitos keŋ lopite ŋolo elipitor ŋituŋa a Sukos, ido apotu ŋituŋa a Penuel daŋ toboŋokis iŋes lopite ŋolopei aboŋokinitotor ŋituŋa a Sukos.