Akisy. 32:26 - Ebaibul

²⁶ Tema nai ekile ŋol neni a Yakob, “Kimyekinae ayoŋ olot, anerae ewala akwap.” Toboŋok Yakob tema, “Nyekemyekini ayoŋ iyoŋ tolot, mati kikiterereŋ iyoŋ ayoŋ.”

Akisy. 32:26 Iomraidhean Croise

Akisy. 32:25

Ani eyenuni ekile ŋol atemar pa apedorit iŋes akiloun Yakob, kidicak ekile ŋol Yakob lokalokot kai aloŋole, tolomu akai aloŋole alokalokot a Yakob apaki ŋina elyakatar ikes.

Akisy. 32:27

Kiŋit nai ekile ŋol Yakob tema, “Ŋae ekiro kon?” Toboŋok Yakob tema, “Yakob.”

1 Ŋakiro a ŋirwa 4:10

Abu Yabes kilip neni ka Akuj a Ŋisirael tema, “Okoe kiterereŋoe ayoŋ Akuj, inakinae ayoŋ akwap ŋina alalan. Oruko ka ayoŋ, ido kiuryarae ayoŋ anibore a ŋini aronon a daadaŋ a ŋini eyauni aryeba neni kaŋ.” Abu nai Akuj inak iŋes ŋakiro ŋuna elipa.

Ŋikiru. 67:1

Elipi ikisyon ka ikiterereŋ iwon Akuj, ikitoodik iwon arimao keŋ,

Awos. 32:10

Kimyekinae ayoŋ, ikotere etonomo ka omunya ikes a aŋoit a ŋina eyai lotau kaŋ. Nai eketuruwori ayoŋ iyoŋ ka ŋiletok kon ŋituŋa ŋulu alalak nooi.”

Eete a Ŋie. 3:4

Alunyar bon ayoŋ aneni kec, abu ayoŋ oryamu ŋolo emina etau kaŋ, abu ayoŋ otunakin iŋes ka nyemyek iŋes tolot akitodol ŋina ayaunia ayoŋ iŋes kai a toto kaŋ, nagule ŋina akapotiunio iŋes ayoŋ.

Eete a Ŋie. 7:5

Ikisibusit iyoŋ akou kon, lopite ŋolo isibusitor emoru Karimel akwap, ikwaan ŋitim kon ka ausi ŋina kipurat-areŋan, ikitisibito iyoŋ nakoku a erwosit.

Isa. 45:11

Alimu Ekapolon Akuj ŋina asegan ŋina a Isirael, akasuban kec ebe, “Ikiŋisete kire iyes ayoŋ ŋakiro aŋuna a ŋituŋa kaŋ, kori ikireikinete iyes ayoŋ akitiya ŋadi aŋuna a ibore a ŋini abu ayoŋ etiyau a?

Isa. 64:7

Mam ituŋanan enyarit ekiro kon, kori ikatakini arubakin eyai neni kon, anerae iwua iyoŋ ereet kon aneni kosi ka ikimyek iyoŋ isua ikilounete ŋasecisya kosi.

Osea 12:4

Abu Yakob kisilek emalaika tari ŋina elounia, abu kigwor, kiŋit emalaika akiterereŋ iŋes. Abu Yakob kiryamunos ka Akuj ka kirworo ka iŋes alo Besel.

Ŋirom. 8:37

Nai alotooma ŋakiro ŋun daadaŋ, ikiloit iwon tari ŋikelounak aŋuna a ŋolo abu ikiminak iwon.

1 Ŋikor. 15:58

Aŋun nai, ŋikaitotoi kaŋ ŋuluminan, kicata ka nyiryaŋiryaŋasi. Kitiyata ka agogoŋu etic ŋolo ke Ekapolon ikwapei iyeniata iyes atemar emam etic ŋolo itiyaete iyes anakimorikina ke Ekapolon, ŋolo eruwor ekoŋinait.

Ŋikis. 9:14

Kimyekinae ayoŋ, ikotere amunyari ikes, etoŋopiya ekiro kec anakwap, ido eketuruwo iyoŋ papa a ŋituŋa a ŋulu agogoŋok ka alalak akilo ikes.”

Ŋibur. 5:7

Ani eriŋa Yesu eyari anakwap, elipenene, todyekitoi a etoil a ŋolo apolon, kigwori daŋ neni ka Akuj a ŋina eyakar apedor aiun iŋes anatwanare. Ikwapei araakar iŋes ŋolo ainakina neni ka Akuj, abu Akuj kiira ŋakiro keŋ.