Akisy. 31:50 - Ebaibul

⁵⁰ Ani kiteryamu iyoŋ ŋidwe kaŋ ŋican, kori kiryamu iyoŋ ŋaberu ŋace kiyatak lodwe kaŋ, erae Akuj esuuda yok tari kemam ituŋanan ŋini ikirukit ka iwon a ne.”

Akisy. 31:50 Iomraidhean Croise

Akisy. 31:51

Tolimok nai Laban Yakob tema, “Kiŋolik atukot a ŋamoru na ka kiŋolik amoru ŋina esipo na, ŋuna ewuak ayoŋ kidiŋ yok.

Yob 16:19

Kiirasi, tari tokona, eyai esuuda kaŋ nakuj, ee, ebuni esuuda kaŋ ŋolo eyai nakuj akirwor aŋuna kaŋ ka atemar eyookino ayoŋ.

Yer. 29:23

anerae etiyata ikes ŋuna aronok nooi alo Isirael, apotu toloma ŋaberu a ŋikidunyet kec, erworo alokiro kaŋ ŋakiro ŋuna ka alyokonu, ŋakiro ŋuna nyelimokina ayoŋ ikes, ayoŋ ayeni ka arae esuuda a ŋakiro kec.”

Yer. 42:5

Tolimokis daŋ ikes Yeremia temasi, “Ikilipi toruwor Ekapolon ŋolo iyookino ka esuuda ŋolo ikinyoma anakisican isua erae keŋeri akiwuap ŋuna daadaŋ ikilimokini Ekapolon Akuj kon isua aneni kon.

Ŋilep. 18:18

Nyiya nakaato ka aberu kon, kituruwo akain ka aberu kon, ido kiryamakinos ka iŋes, toriŋa aberu kon eyari.

Mika 1:2

Kiirasi ŋakiro nu iyes ŋituŋa daadaŋ; topupokisi ŋakiro nu, iyes ŋulu iboiyete anakwap a daadaŋ. Elimori Ekapolon ŋolo Etiron ŋuna ikisitakinitor iyes. Irworo iŋes alo Kai keŋ anakuj.

Mal. 2:14

Nai iŋitasi iyes ibasi, ‘Kaanukiro?’ Erae aŋuna eraakar Ekapolon esuuda ŋolo eyeni atemar nyeriŋa iyoŋ ikinyomit aberu ŋina ibu iyoŋ kiit eriŋa irae esorokit. Arae sek aberu ŋin ŋina irukito ka iyoŋ ejok, ido tokona nyeriŋa iyoŋ ikinyomit iŋes tari daŋ ŋina ibunio iyoŋ kiik Akuj ekiŋaren atemar ikinyomi iŋes.

Mal. 3:5

Ebala Ekapolon ŋolo Etiron, “Abuni ayoŋ neni kus atubokin iyes, ido alimuni ayoŋ atipei ŋakiro ŋuna etoroniyaritor ŋikekukujak, ŋikalomak, ŋikalyokonok, ŋiketunak ŋulu itunaete ŋiropito a ŋiketiyak kec, ŋikamodyanakinak ŋulu emodiyanarete ŋiboro anapuseru, alokokyok ka alotuŋa a ŋulugelae. Alimuni ayoŋ atipei ŋakiro ŋuna etoroniyaritor daadaŋ ŋulu nyakakerito ayoŋ.

1 Ŋites. 2:5

Anerae iyenete iyes kire atemar, nyirworo isua ŋakiro ŋuna ka akirapirap iyes ka nyelimonokina isua Ŋakiro ŋuna Ajokak aŋuna ka aryamunia idiobore aneni kus--Akuj iŋes erae esuuda kosi!

Ŋikat. 11:10

Toboŋokis nai ŋikasikou ŋulu alo Gilead Yepesa temasi, “Eruwor Ekapolon esuuda yok kire jik, ikitiyae isua ikwapei ilimunio iyoŋ.”

1 Sam. 12:5

Tema Samuel neni a ŋituŋa, “Ekapolon iŋes erae esuuda a ŋakiro kus ka ŋolo aseu Ekapolon iŋes erae esuuda nakoloŋit na, atemar mam ŋakiro ŋuna aronok ŋuna iryamut iyes etiyat ayoŋ.” Temasi nai ŋituŋa, “Ekapolon iŋes erae esuuda.”