Akisy. 31:24 - Ebaibul

²⁴ Ani nakwaare, bu Akuj anakiruja neni a Laban a ŋolo anakwap a ŋina ka Aramea tema, “Tocoite ilimokini Yakob ŋakiro ŋadi, ŋuna ajokak, kori ŋuna aronok.”

Akisy. 31:24 Iomraidhean Croise

Akisy. 20:3

Nai, abu Akuj bu neni ka Abimelek anakiruja nakwaare, tolimok iŋes tema, “Kiira, eapi iyoŋ atwanare aŋuna ka aberu a ŋina iya iyoŋ, anerae erae iŋes aberu ŋina iitit.”

Akisy. 20:6

Tolimok Akuj iŋes anakiruja tema, “Ee, ayeni ayoŋ atemar ibu iyoŋ kitiya ŋun iyeni atemar iyookinit ka abu ayoŋ ekeretak iyoŋ nyisec aneni kaŋ. Aŋakiro a ŋun, abu ayoŋ nyakacamak iyoŋ itapi iŋes.

Akisy. 24:50

Toboŋokis Laban ka Besuel temasi, “Erae neni ke Ekapolon eponitotor ŋakiro nu, emam ŋuna aronok, kori ŋuna ajokak ŋuna ikilimokinio isua iyoŋ.

Akisy. 28:5

Kiyakiya Isaka Yakob; tolot Yakob Padanaram neni a Laban alokoku a Besuel a ŋolo arae Earameanit; arae Laban lokaato a Rebeka a toto a Yakob ke Esau.

Akisy. 31:10

Apaki ŋina asupotor ŋibaren, abu ayoŋ eruja, anakiruja kaŋ, abu eŋoliya kidiama eŋolik ŋikorwa ŋulu asupito ŋibaren erae ŋulububuwo, ŋulukoliyek ka ŋulumeriyek.

Akisy. 31:11

Okonyar nai emalaika ka Akuj ayoŋ anakiruja tema, “Yakob” eyi ayoŋ otema, “Ayai!”

Akisy. 31:23

Ani iirari Laban ŋun, tolemu ŋikilyok ŋulu arae ŋiyeneta keŋ, totupakis erot a Yakob, todol ŋirwa ŋikanikaarei etupito, toryamut ikes Yakob anakwap a ŋina a ŋikamukumukui a ŋina enyaritae Gilead.

Akisy. 31:25

Todita Laban Yakob alorot, apaki ŋina arisyo kelomya ka kigurok eema Gilead, nakwap ŋina a ŋikamukumukui. Kigurokis Laban daŋ ka ŋiyeneta keŋ ŋiemae kec nakwap ŋina a ŋikamukumukui ŋin.

Akisy. 31:29

Ayakar ayoŋ apedor akiwan iyoŋ; nai abu Akuj a papa kon kirwor neni kaŋ bien nakwaare tema, ‘Tocoite ilimokini Yakob ŋakiro ŋadi, ŋuna ajokak, kori ŋuna aronok.’

Akisy. 31:42

Ani kerae nyikirukit ayoŋ ka Akuj a papa kaŋ, Akuj ŋina ka Aburaam ka kerae nyetopoloorit ayoŋ Isaka, kire jik, kikiritarit iyoŋ ayoŋ aneni kon eororete ŋakan. Abu Akuj ikisibura iyoŋ bien nakwaare, anerae abu kiŋolik ŋican kaŋ ka etic ŋolo etiya ayoŋ a ŋakan kaŋ.”

Akisy. 31:7

nai akamodiki ayoŋ papa kus, elocok eropit kaŋ ŋarwa ŋatomon, nai nyecamakina Akuj iŋes akawani ayoŋ.

Akisy. 40:5

Akoloŋit apei nakwaare, kirujata alojera aneni aenitere ikes ŋienan ŋuluarei ŋul; ŋolo apolokinit ŋulu ayaununeete ekopo neni a erwosit ka ŋolo apolokinit ŋulu epoete ŋamugati a erwosit a ŋolo a Ijipit. Agelaaka ŋakiro ŋuna abu ŋinituŋanan kiruja ka agelaana apolou a ŋakiro a ŋuna erujat ŋinituŋanan.

Akisy. 41:1

Kelunyar ŋikaru ŋiarei, kiruja Parao ebe: Awoi iŋes alodiyete aŋolol Nile,

2 Sam. 13:22

Abu Abusalom nyelimok Aminon ŋakiro ŋadi, ŋuna ajokak, kori ŋuna aronok, anerae abu Abusalom kiman Aminon aŋuna abunio iŋes toreik Tamar nakaato keŋ akiryamakin ka iŋes.

1 Ŋirw. 3:5

Ani eriŋa iŋes eyai Gibeon, totakanu Ekapolon nakwaare neni keŋ anakiruja. Tema Akuj neni keŋ, “Kiŋitae ayoŋ ibore ŋini icamit iyoŋ okoinak ayoŋ iyoŋ.”

Yob 33:25

emaikina akuwan keŋ kikwaanikin ka epite ŋolo ayakar esorokana iŋes, emaikina iŋes toboŋo kikok neni ayakar esorokana egogoŋ.’

Isa. 37:29

Aŋuna ikidedeŋikinitor iyoŋ ayoŋ ka aŋuna tokona eirarya ayoŋ akituro kon, aruboikini ayoŋ ekodocet kaŋ lokume kon, ido aburakini ibore nakituk kon; eketoboŋori ayoŋ iyoŋ tomek erot ŋolopei sek imyat iyoŋ ibuni.”

Osea 12:12

Abu Yakob tosi nakwap ŋina ka Aram, abu kitiya a nen aŋuna ka aryamunia aberu, abu kiyok ŋamesekin aŋuna ka aryamunia aberu.

Ekim. 12:6

Tema Ekapolon, “Kiirasi ŋakiro kaŋ nu: Ani eyakasi ŋikadwarak kidiŋ kus, ayoŋ Ekapolon, atakanikini neni kec, erworo ayoŋ neni kec anakirujaeta.

Ekim. 22:20

Akuwar ŋin totakanu Ekapolon neni a Balaam tolimok iŋes tema, “Ani keponito ŋikilyok ŋul anyaraar iyoŋ, tonyou toloto kaapei ka ikes, nai kitiya ŋuna akalimokini ayoŋ iyoŋ.”

Ekim. 22:26

Tolot nai emalaika a Ekapolon kiŋaren, towo aneni adidiŋ, aneni amam epite ŋoloriyet lowae ŋolo aloteten, kori ŋolo alokedyeny.

Ekim. 24:13

‘Tari kakainaki ayoŋ Balak akai keŋ ileleba esilipa ka egolid, nyapedori ayoŋ akitiya ŋadikiro ŋuna nyakalimokinit ayoŋ Ekapolon, nyapedori ayoŋ akitiya ŋuna ajokak, kori ŋuna aronok ikwa acamitor ŋuna akalimokini ayoŋ Ekapolon ikes alimuni ayoŋ a?’

Mat. 1:20

Nai ani eriŋa iŋes etamatamae ŋakiro ŋun, totakanu emalaika ŋolo ke Ekapolon neni keŋ anakiruja tema, “Yosepu lopapait a Daudi, nyikuryaniar akiit Maria toruwor aberu kon, anerae ŋini epoti iŋes ebunit aneni ke Etau a ŋolo Asegan;

Mat. 2:12

Aŋuna abunio Akuj kicik ikes anakiruja atemar nyeboŋosi neni eyai Erode, kitoro ikes lorot ece eboŋorete nakwap kec.

Mat. 27:19

Ani eriŋa Pilato iboi alokicoloŋ a ŋolo etubonokinere, kiyaku aberu keŋ ŋakiro nu neni keŋ: “Nyiloma nakiro ŋuna ke ekile a ŋol, a ŋolo iyookino! Anerae ekecanito ayoŋ ŋakiro ŋuna bien nakwaare erujat ayoŋ aŋuna keŋ.”

Ŋikis. 26:5

emaikina ŋinituŋanan tolimu ŋakiro nu alokiŋaren Ekapolon Akuj kus, “Arae papaa kaŋ Earameanit ŋolo koloŋ erimit, abu iŋes totiyaar Ijipit kiboi a nen erae egelaanot, akudyoko ŋituŋa keŋ, nai apotu ikes tolalata, toruworos ŋituŋa ŋulu agogoŋok ka ŋulu arwok.