Akisy. 30:27 - Ebaibul

²⁷ Nai tema Laban neni a Yakob, “Kimyekinae ayoŋ okolimok ŋuna acamit alimun, adau ayoŋ ayenun anakisileerekinet ke Ekapolon atemar eketerereŋ ayoŋ Ekapolon aŋuna kon.

Akisy. 30:27 Iomraidhean Croise

Akisy. 12:3

Eterereŋi ayoŋ ŋulu ikiterereŋete iyoŋ, tosodi eceni ŋulu ikicenete iyoŋ. Aŋuna kon, eterereŋi ayoŋ ŋituŋa ŋulu ka akwap daadaŋ.”

Akisy. 18:3

Tema, “Ekapolon kaŋ, ani tokona kajok ayoŋ aneni kon, ekelipit ayoŋ iyoŋ nyilunyar kare ca aneni a eketiyan kon.

Akisy. 26:24

Nakwaare akoloŋit ŋinapei alomya Isaka nakwap ŋin, totakanu Ekapolon neni a Isaka tema, “Arae ayoŋ Akuj a papa kon Aburaam, nyikuryaniar, anerae ikiruki ayoŋ ka iyoŋ, eketerereŋi ayoŋ iyoŋ ka etalalauni ŋiletok kon nooi aŋuna a eketiyan kaŋ Aburaam.”

Akisy. 30:30

Kire, paaran eriŋa ayoŋ nyebuno akiyok, akudyoko ŋaatuk kon, ido tokona apitutu nooi ka ikiterereŋ Akuj iyoŋ aneni daadaŋ abu ayoŋ olosyo ikes. Nai tokona, ori mono etanunia ayoŋ ŋituŋa a ekal kaŋ daŋ.”

Akisy. 33:15

Tolimok Esau Yakob tema, “Tocamakinae nai ayoŋ ekemyekinia iyoŋ ŋikilyok ŋice ŋulu ikirukit ka ayoŋ.” Nai tema Yakob, “Kaanukiro itiyaa iyoŋ ŋun? Kimyekinae ayoŋ oruwor ŋolo ajok aneni kon, ekapolon kaŋ.”

Akisy. 34:11

Tolimok Sekem daŋ papa a Dina ka ŋikaitotoi a Dina tema, “Kimyekinae ayoŋ oruwor ŋolo ajok aneni kus, ido ibore daadaŋ ŋini ikilimokinete iyes ayoŋ, akainakini iyes.

Akisy. 44:5

Meere mono ekopo emasya ekapolon kaŋ lo a? Meere iŋes isitiyae ekapolon adwarya ŋakiro a? Etiyae iyes ŋuna nyiyookino aŋuna itiyaata nu.’ ”

Akisy. 47:25

Temasi ŋituŋa, “Iiu iyoŋ akiyar kosi; ikilipi kitalakasi ŋun ekapolon kosi, ikiruwor isua ŋipi a Parao.”

2 Sam. 6:11

Kiboi Asaduku ŋina ka Acamunet alokai ka Obededom ke Egititait ŋilapyo ŋiuni. Kiterereŋ Ekapolon Obededom ka ŋituŋa a ekal keŋ daadaŋ.

1 Ŋirw. 11:19

Tojokyar Adad aneni a Parao, aŋun, abu Parao inak nakaato ka aberu keŋ neni ka Adad toruwor aberu keŋ. Arae ŋin nakaato ka arwosit a ŋina anyaritae Tapenes.

Neem. 1:11

Okoe Ekapolon, topupok akilip a eketiyan kon ka topupok akilip a ŋiketiyak kon a ŋulu elelyakinito akitopoloorit ekiro kon. Inak akiloun neni a eketiyan kon nakoloŋit na, ido kisyoni iŋes alokiŋaren ekepukan lo!”

Neem. 2:5

Tosodi olimok ayoŋ erwosit otema, “Ani kitalakarito ŋakiro nu erwosit ka ani kajok ayoŋ eketiyan kon aneni kon, eŋita ayoŋ atemar ikiyakiya iyoŋ ayoŋ Yudaya, lotaun ŋolo enukakinitae atapapaa kaŋ, ikotere alosi adukokin iŋes nabo.”

Ŋikiru. 1:3

Ikote ikes ŋikito ŋulu edupakinitae diyete ŋayona ŋuna eya ŋakipi, ŋikito ŋulu eraete anapaki a ŋina emaikina eraeta, ka nyeiniyanarete ŋakwii kec. Ibore daadaŋ ŋini itiyaete ŋituŋa ŋul, elosi kiŋaren ejok.

Awos. 3:21

Eturuwori ayoŋ Ŋijipitian ŋituŋa ŋulu irukito ka iyes irae ŋituŋa ŋulu ajokak aneni kec, ikotere nai ani irotokinete iyes aneni kec, nyirotokis emam ibore itiŋito.

Isa. 6:13

Tari kidoŋ ituŋanan ipei alotooma ŋitomon nakwap earyo ŋini daŋ ikwaanikin iŋes ka apuŋure a ekwaakwaa, kori ŋina a ekuyon ŋina idoŋi kedaun ayepar ekitoe.” Apuŋure ŋin erae akisyakinet ŋina kitete ŋina a ŋituŋa a ŋulu ka Akuj.

Isa. 61:9

Eyenunio ŋiletok kec anakwapin ka eyenunio ŋidwe kec alotuŋa, ŋituŋa daadaŋ ŋulu iŋolikinete ikes, ecamunete atemar erae ikes ŋituŋa ŋulu adau Akuj akiterereŋ.”

Isa. 65:8

Alimu Ekapolon ŋakiro nu, “Ikwaŋina eryamunere ŋaraito a epiini eya lonene, ido temasi ŋituŋa, ‘Nyimunaasi, eriŋa ikes ejokak;’ Ikwaŋinapei aŋuna a ŋiketiyak kaŋ etiyae ayoŋ ŋun, nyamunyari ayoŋ ikes daadaŋ.

Dan. 1:9

Abu Akuj inak Daniel toryamu ajokis ka akisyonio aneni a ekapolon akai a apukan.

Ekim. 11:11

Aŋun, abu Moses kiŋit Ekapolon tema, “Kaanukiro itiyaa iyoŋ neni a eketiyan kon erono nooi ikona? Kaanukiro pa aryamunitor ayoŋ alakara aloŋaren kon? Kaanukiro ikiinakinia iyoŋ ayoŋ akidaŋidaŋ ŋakiro daadaŋ aŋuna a ŋituŋa a lu?

Ekim. 11:15

Ani kerae lo epite ŋolo ikitiŋitor iyoŋ ayoŋ, tolema akiyar kaŋ atipei, ani kajok ayoŋ alokiŋaren kon, nyikimyek ayoŋ eŋolik ŋican.”

Ŋitic. 7:10

toiu Akuj iŋes alocan a daadaŋ. Inak Akuj iŋes aosou, ido tominak Parao ekepukan a Ijipit iŋes, kituruwo ekapolon ŋolo ka akwap ka ŋirerya keŋ daadaŋ.

Rus. 2:13

Tolimu Rus tema, “Torubak ikitojokit ayoŋ ekapolon kaŋ, anerae ikisirworiu iyoŋ ayoŋ ka eira etau kaŋ a aketiyan kon ŋuna irwor iyoŋ. Tari daŋ pa karae ayoŋ apei a ŋaketiyak kon.”

1 Sam. 16:22

Kiyakiya Saul akirot neni a Yese tema, “Kimyek Daudi kiboi a ne kitiya etic aŋuna kaŋ, anerae ejok iŋes nooi aneni kaŋ.”