Akisy. 3:19 - Ebaibul

¹⁹ Imuji iyoŋ kidau abukor ŋakinyinyir aloreet akitodol ŋina iboŋorya iyoŋ nalup, anerae nalup iŋes ikilemunere iyoŋ; irae iyoŋ ŋalup, tosodi nalup iŋes iboŋori iyoŋ.”

Akisy. 3:19 Iomraidhean Croise

Akisy. 18:27

Tema nabo Aburaam, “Kisyoni ca Ekapolon ayoŋ aŋuna arubakinitor erworo neni kon, orae bo ayoŋ ituŋanan koŋin.

Akisy. 2:7

Toyeu nai Ekapolon Akuj ituŋanan a ŋalup, tokutak ekieŋanu ŋolo erae akiyar lokumes a ituŋanan; toruwor ituŋanan ŋin ŋini eyari.

Akisy. 23:4

“Arae ayoŋ egela, ŋolo abunit aiwace, ido ikiboi ka iyes, inakinae ayoŋ ŋadilup ogyel onukanakini ŋikatwak, onukak daŋ tokona aberu kaŋ ojoŋo akitere.”

Akisy. 3:18

Elomunete analup ŋikukwa ka edowan aŋuna kon, ido inyami iyoŋ ŋikito ka ŋinya ŋulu ka ariet.

Akisy. 5:5

Arae ŋikaru ka Adam daadaŋ ŋamiae ŋakanikaomwon ka ŋatomoniuni. Ekaku a ŋikaru a ŋul, totwan.

Yob 1:21

Tema, “Ekedounio ayoŋ anakwap a na pa anapit idiobore ka aŋopiyari anakwap a na pa anapit idiobore, abu Ekapolon okoinak, ido enyaka Ekapolon; kipuroe ekiro ke Ekapolon.”

Yob 10:9

Totamunite atemar ikiyeuni iyoŋ ayoŋ a ecoto, ido icamit mono iyoŋ tokona akituruwor ayoŋ ŋalup nabo a?

Yob 19:26

ido tari kemunaunit edeke amuny a akuwan kaŋ, eŋolikini ayoŋ Akuj eriŋa ayakar ekuwane lo,

Yob 21:26

ani etwakete ikes daadaŋ, enukakinio nalup, ido ebutarete ŋikur ikes daadaŋ kirikasi.

Yob 34:15

etwakete ŋituŋa daadaŋ, ido eboŋorete ŋituŋa daadaŋ toruwor nabo ŋalup.

Yob 4:19

Anu nai itiyakini Akuj neni a ŋituŋa a ŋulu erae ŋalup esubunitere, a ŋituŋa a ŋulu erae apuwa koŋin itiyaunitere, a ŋulu epedoryo akipudaar lopite ŋolo ipudaarere esipiran.

Ŋikiru. 103:14

anerae eyeni iŋes epite ŋolo ikisubunitere iwon, eyeni iŋes atemar ikirae iwon apuwa.

Ŋikiru. 104:23

Eloseneneete ŋituŋa loticisyo kec, kitiyata akitodol eboŋ.

Ŋikiru. 104:29

Ani iŋeri iyoŋ ikes, ebuli; ani ilemari iyoŋ ekieŋanu kec, etwakete, toruworos ŋalup.

Ŋikiru. 127:2

Ecaryono anyounun taparacu sek ka alosenen akiper kedil akuwar, itiyae aŋuna ka akimuj, anerae einanakini Ekapolon ŋulu emina iŋes ŋuna iitanito tari apaki ŋina ejotooto.

Ŋikiru. 22:15

aono akituk kaŋ deu ikwa amot ŋina emam ŋakipi, aoniki a ŋajep kaŋ nakituk kaŋ, ikimyek iyoŋ ayoŋ eridi anapuwa.

Ŋikiru. 22:29

Ilipete neni keŋ ŋikabarak daadaŋ anakwap, ilipete alokiŋaren keŋ daadaŋ ŋulu iridete nai arubakini ayoŋ ayari aŋuna ka Akuj.

Ŋikiru. 90:3

Ikinyakanari iyoŋ isua, ikituruwo nabo ŋalup, ibala, “Toboŋosi nalup, iyes ŋituŋa.”

Ŋakit. 21:16

Ituŋanan daadaŋ ŋini eesikini akiwuap ŋuna ka ayenut ŋuna ajokak, elosi akieŋun aneni eyakasi ŋikatwak.

Ekal. 1:13

Abu ayoŋ oŋirik akisyemeonor a aosou ibore daadaŋ ŋini itiyao anakwap a na; abu ayoŋ oyenu atemar etic ŋolo einakinit Akuj ŋituŋa akitiya anakwap a na, erae ŋolo nyeryamuniata ŋituŋa alakara.

Ekal. 1:3

Nyo eryamunete ŋituŋa aloticisyo a daadaŋ a ŋulu itiyaete ikes anakwap kec a na?

Ekal. 12:7

Eboŋorete ŋawat yok nalup ŋunapei sek alemunere, ido eboŋorete ŋitai yok neni ka Akuj a ŋina abu kiwuak ikes nawat yok.

Ekal. 3:20

Elomarete daadaŋ nakibois apei, elomunete daadaŋ analup ka eboŋorete daadaŋ nalup.

Ekal. 5:15

Elomunete ŋituŋa anakookyes atatoto kec elerete lopite ŋolopei alomuniata ikes anakwap a na. Mam aloboro a ŋulu aryamunito ikes aloticisyo kec ŋulu etijete ikes a ŋakan torukoryata anakwap a na.

Dan. 12:2

Eyarunete ŋituŋa ŋulu alalak ŋulu alomasi kwap, ŋice eryamunete alakara ŋina ka akiyar a ŋina nyedaun, ŋice eryamunete ŋileec ka ajamuwaro ŋina nyedaun.

1 Ŋikor. 15:47

Adam ŋolo eŋarenon, ŋolo asubunio analup, erae ekaakwap. Adam ŋolo a ŋiarei ŋolo erae Kristo, erae ekanakuj.

Ŋiep. 4:28

Tojoŋo ekademanaran ademanar, nai emaikina togeu akitiya etic, ikotere toryamu eropit aŋuna ke etic keŋ ka topedo tari akiŋarakin ŋulu iitanito akiŋarakino.

1 Ŋites. 2:9

Anerae ŋikaitotoi, itamunito iyes epite ŋolo etiyaere isua ka agogoŋu nooi akuwar ka apaaran, ikotere nyikisiyaloloŋ isua iyes alotooma apaki ŋina ikilimonokinia isua iyes Ŋakiro ŋuna Ajokak ŋuna ka Akuj.

2 Ŋites. 3:10

Tari ŋina ikirukitor iwon, aponi isua ikicikakin iyes ŋakiro nu, “Ituŋanan daadaŋ ŋini eŋerit etic, nyemaikina iŋes kimuj.”

Ŋibur. 9:27

Etwani ituŋanan daadaŋ atwanet apei, ido ekaku totubok Akuj iŋes.