Akisy. 3:15 - Ebaibul

¹⁵ Ekesimanakini ayoŋ iyoŋ ka aberu, imanakin ŋidwe kon ka ŋidwe a aberu; ewani ituŋanan akou kon ka iwani iyoŋ atotinyo a ituŋanan.”

Akisy. 3:15 Iomraidhean Croise

Akisy. 49:17

Ikokini Dan emun ŋolo eyai diyete erot, akipom ŋina eyai lorot, ŋina epedori akikony aŋole kidiama emolokonyit, ikotere nai ekameton aŋole ŋin imasar ekaukau.

Ŋikiru. 132:11

Abu Ekapolon kikoŋ neni a Daudi, akikoŋet ŋina a kire ŋina nyelakari iŋes. abu iŋes tema, “Eturuwori ayoŋ epei a ŋidwe kon a ŋulusapa erwosit, ipukae iŋes ekaku kon.

Isa. 53:12

Aŋun, ainakini ayoŋ iŋes akibois aneni a ŋikapolok, ekorete iŋes ka ŋikagogoŋok ŋiboro ŋulu eŋatunitae, anerae abu iŋes tocamu atwanare ka aponi kimarakinae iŋes neni a ŋulu abilibiliyete ŋikisila, nai abu iŋes tocamu akidaŋ ŋasecisya a ŋikalalak ka abu todyek Akuj aŋuna a ŋulu ebilibiliyete ŋikisila.

Isa. 7:14

Aŋun, Ekapolon elope iŋes ikiinakini iyoŋ akitoodikinet. Topupok, epotiuni apese ŋina nyiryamakina ka ekile ikoku, idouni iŋes ikoku ŋinisapat, elimokini iŋes ekiro a ikoku a ŋin Emmanuel

Yer. 31:22

Okoe iyes ŋituŋa ŋulu emam akikinyoma, tari ori irimito iyes? Adau Ekapolon asubun ibore ŋini kitete anakwap, iyoki aberu ekile.”

Dan. 9:26

Ekaku a ŋikaru a ŋamiae a ŋaomwon ka ŋatomonikanikapei ka ŋiomwon earyo ekarikon ŋolo eseunit Akuj, edaun ibore ŋini erae ŋini keŋ, ido emunaarete ŋasigarya a ekarikon a ŋolo ilunyokin lokicoloŋ keŋ etaun ka akibois ŋina ka Akai ka Akuj. Ebuni asalun keŋ lopite ŋolo ebunio akalele, eyakaun ejie akitodol nasalunet. Atubun atemar eyakaun ekasile.

Amos 9:3

Tari keŋopa ikes alokidiama emoru Karimel, ewaruni ayoŋ ikes aina ekamu, tari keŋopa ikes anakonyen kaŋ, todoiyosi tooma anam, alimokini ayoŋ emun ŋolo ka anam tokony ikes.

Mika 5:3

Aŋun, imyekini Ekapolon ŋituŋa keŋ mono a lomoe kec, akitodol ŋina idounio aberu ŋina emaikina kidou lokoku keŋ, ŋolo erae ekepukan. Apaki nai ŋin iŋes eboŋunioto ŋikaitotoi keŋ ŋuluce kimorikin ka Ŋisirael.

Mat. 1:23

“Epotiuni ka idouni apese ŋina nyiryamakina ka ekile ikoku ŋini sapat, enyarao ekeekiro Emmanuel.” (Apolou keŋ atemar, “Ikirukit iwon ka Akuj.”)

Mat. 1:25

Nai nyiryamakina tari ŋina edounio Maria ikoku ŋini sapat, tolimok Yosepu ekiro a ikoku Yesu.

Mat. 12:34

Iyes ŋulu iroko ŋulu ikote ŋapomia, ikokinete iyes irworosi ŋakiro ŋuna ajokak toraakas ŋulu aronok ai? Anerae elimuni akituk ŋuna eya lotau.

Mat. 13:38

Emanikor iŋes akwap. Ŋikinyom ŋulu ajokak ikes ŋidwe ŋulu ka Apukan ka Akuj. Etirwae iŋes ŋidwe a Satan.

Mat. 23:33

Iyes ŋulu aronok ŋulu ikote ŋapomia, ikokinete iyes ibucarosi anatubokino ka anakim a ŋina nyeduŋe ai?

Mat. 3:7

Ani iŋolikini Yoana Ŋiparisayon ka Ŋisadukayon ŋulu alalak eponito neni keŋ akibatisao, tolimok ikes tema, “Iyes ŋulu iroko ŋulu ikote ŋapomia, ŋae ikilimokini iyes atemar ipedorete abucar ananyunyura a ŋina ebunit a ŋina ka Akuj?

Mar. 16:18

ikamunete ikes ŋimuno a ŋakecekan, kemata ikes tari ibore ŋini aaran, nyewani ikes jik; idokokinete ŋakecekan lokadyakak, kitaŋaleut.”

Luk. 1:76

Iyoŋ ikoku ŋini cici, ikinyarao ekadwaran ŋolo ka Akuj a ŋina alokidiama nooi; anerae iŋarenikini iyoŋ Ekapolon, kitemonok ŋirotin keŋ.

Luk. 10:19

Topupokisi! Akainak ayoŋ iyes apedor daadaŋ ŋina reunet ŋimuno ka ŋitwania ta areun apedor daadaŋ ŋina a ŋolo Aronon; emam ibore ŋini ikiwani iyes.

Luk. 22:53

Ikirukit iyes ka ayoŋ ŋirwa daadaŋ alo Kai ka Akuj, ipotu iyes nyikikamut ayoŋ. Nai tokona erae esaa lo ŋolo kus, ŋolo ka apedor a ŋina ka akiryonut.”

Luk. 24:27

Kisyak nai iŋes akisileerekin ikes ŋakiro ŋuna ka Akuj ŋuna igiritae Nakigireta aŋuna keŋ, ameun alokitaaboi a ŋulu a Moses tari lokadwarak daadaŋ.

Yoa. 8:44

Irae iyes ŋidwe a papa kus a Satan ka icamito iyes akiwuap ŋuna ecamit iŋes. Arae iŋes ekaaran ŋinapei anakisyakinet, ka nyikamunito iŋes ŋuna a kire, anerae emam ŋuna a kire aneni keŋ. Ani elimuni iŋes alyokonu, itiyae ŋuna erae ekeepite, anerae erae ekalyokonon ka erae papa ka alyokonu.

Ŋitic. 13:10

tolimu tema, “Iyoŋ lokoku a Satan! Iyoŋ emoit ŋolo ka akiyookino a daadaŋ! Ileleba iyoŋ ŋamodyanakineta ŋuna egelegelya ka aronis! Nyijoŋoenene mono iyoŋ akilocenen ŋakiro ŋuna ke Ekapolon ŋuna a kire, kituruwo alyokonu a?

Ŋirom. 16:20

Ido eapi Akuj ŋina erae alope ekisil, ainakin iyes apedor akipicar Satan a ŋakejen kus. Toyai neni kus ajokis ŋina ke Ekapolon yok Yesu Kristo.

Ŋirom. 3:13

Ŋakiro ŋuna irworosi ikes eyaununuyete atwanare; ileleba amodiyo ŋina aronon lorwor kec, nabo daŋ ŋakiro ŋuna irworosi ikes erae ŋuna aarak, ikote akisorit ŋina ke emun.

Ŋigal. 4:4

Nai, ani edoli apaki ŋina etemokino, abu Akuj kiyaku Lokoku keŋ ka alope. Abu iŋes bu erae lokoku ka aberu ikwa ŋulucetuŋa ka abu topolou ipukato Ŋikisila a Ŋiyudayan,

Ŋiep. 4:8

Ikwapei irworotor Ŋakigireta ebe, “Ani elosi iŋes kidiama nooi, abu ya ŋirikon ŋulu alalak; inak ŋainakineta lotuŋa.”

Ŋikol. 2:15

Alomusalaba a ŋol, abu Kristo tolacakin bon aneni ka apedor a ŋina a ŋipyan a ŋulu ipukato ka ŋikapolok daadaŋ; abu kisirum ikes ŋileec alokiŋaren ŋituŋa, kitorotok ikes alokaku keŋ erae ŋirikon etupito iŋes.

Ŋibur. 2:18

Aŋuna abunio iŋes toryamunia ŋican anakitem a Satan, epedori nai tokona iŋes akiŋaranakin ŋulu itemit Satan.

Ŋibur. 5:7

Ani eriŋa Yesu eyari anakwap, elipenene, todyekitoi a etoil a ŋolo apolon, kigwori daŋ neni ka Akuj a ŋina eyakar apedor aiun iŋes anatwanare. Ikwapei araakar iŋes ŋolo ainakina neni ka Akuj, abu Akuj kiira ŋakiro keŋ.

1 Yoa. 3:10

Aŋun, ileereunete ŋidwe ŋulu erae ŋulu ka Akuj ka ŋulu erae ŋulu a Satan; ituŋanan daadaŋ ŋini nyitiyae ŋuna iyookino, kori ŋini nyemina lokaato keŋ, nyerae iŋes ikoku ka Akuj.

1 Yoa. 3:8

Ituŋanan daadaŋ ŋini esecenene, iŋes erae ŋini a Satan, anerae aberakin koloŋ sek Satan asecenen ŋinapei anakisyakinet. Atakanuni Lokoku ka Akuj aŋuna ka akinyasun etic a Satan.

1 Yoa. 5:5

Ŋae epedori akiloun akwap? Erae ŋini bon enupit atemar erae Yesu Lokoku ka Akuj.

Akis. 12:17

Toŋoik epiu aberu, tolot akitijiyore ŋiletok ŋuluce ŋulu ka aberu, ŋiletok daadaŋ ŋulu iwuapito Ŋakiciketa ŋuna ka Akuj ka ŋulu erae ŋisuudae a Yesu.

Akis. 13:7

Aponi tocamakinae etyaŋ akitijiyore ka akiloun ŋituŋa ŋulu ka Akuj. Aponi inakinae iŋes apolou ŋinakipukaet ŋikabilae, ŋakwapin, ŋaŋajepa ka ŋibukui.

Akis. 2:10

Nyikuryaniar aŋuna a ŋican a ŋulu eapi iyoŋ aryamun. Topupok! Eapi Satan acunakin ŋice alokidiŋ kus mabus, ikikatak iyes, ido toryamut akisicanio ŋirwa ŋitomon. Torubak ananupit, erae kedolu atwanare daŋ, ido akainakini ayoŋ iyoŋ akiyar, toruwor eropit.

Akis. 20:10

Aponi kimasakinae Satan ŋolo amodikini ikes nanam ŋina ka akim ka ŋina a Sulpa neni aris kimasakin etyaŋ ka ekadwaran ŋolo alyokonon; isicanio ikes apaaran ka akuwar ŋikaru ka ŋikaru.