Akisy. 27:41 - Ebaibul

⁴¹ Kiman Esau Yakob aŋuna ka arereŋu a ŋina abu Isaka inak Yakob, tema Esau alotau keŋ, “Aapuut ŋirwa ŋulu egworyo ayoŋ papa kaŋ; ekaku, aari ayoŋ Yakob lokaato kaŋ.”

Akisy. 27:41 Iomraidhean Croise

Akisy. 27:42

Nai keponi tolimokinae Rebeka ŋakiro a Esau alokoku keŋ a ŋolokiyae; aŋun, abu iŋes kiyakiya ituŋanan anyarare Yakob lokoku keŋ ŋolo cici, tema neni a Yakob, “Ililiŋia lokaato kon Esau ŋakiro, ido itemonokin akiar iyoŋ.

Akisy. 32:11

Ekelipit, toiunae ayoŋ anakan a ŋuna alokaato kaŋ ke Esau, anerae akerit ayoŋ iŋes, acepaki ebuni akiar isua daadaŋ ŋaberu ka ŋidwe.

Akisy. 32:3

Kiyakiya Yakob ŋituŋa neni ke Esau alokaato keŋ, a ŋolo ayai Seir nakwap ŋina enyaritae Edom.

Akisy. 32:6

Ani eboŋorete ŋituŋa ŋul neni a Yakob, tolimokis iŋes temasi, “Aponi isua tolotoi neni alokaato kon ke Esau, ebunit iŋes tokona akisiryam iyoŋ, erukunito iŋes ka ŋikilyok ŋamiae ŋaomwon.”

Akisy. 35:29

Ekaku, totwana Isaka emojoŋit nooi elalak ŋikaru, ido yaasi iŋes ŋidwe keŋ ŋulusapa, Esau ka Yakob, tonuka neni anukitae ŋituŋa keŋ.

Akisy. 37:18

Ani eriŋa Yosepu elwana, kiŋolikis ŋikaitotoi keŋ iŋes; ani eriŋa Yosepu nyedolo neni kec, totukut ikes akiar iŋes.

Akisy. 37:4

Ani eyenunete ŋikaitotoi a Yosepu atemar emina papa kec Yosepu akilo ikes ŋuluce, kimana Yosepu, tojoŋoto akisirwor iŋes eminasi.

Akisy. 37:8

Kiŋita ŋikaitotoi keŋ iŋes temasi, “Ikipukae mono kire iyoŋ isua a?” Aŋun, toremokinos ikes Yosepu nooi akilo neni sek, aŋuna a ŋakirujaeta keŋ ka ŋakiro ŋuna erworo iŋes.

Akisy. 50:15

Ani eanyunete ŋikaitotoi a Yosepu atemar atwana papa kec, temasi, “Ani mono keriŋa Yosepu ikimanit iwon, ido kinyaŋa ŋuna aronok ŋuna aponi iwon kitiyae neni keŋ?”

Akisy. 50:2

Tolimok Yosepu ŋiketiyak keŋ ŋulu arae ŋimurok akiosakin nakuwan a papa keŋ ekitoe ŋolo nyitobosi akuwan. Aŋun, apotu ŋimurok kiosakis ekitoe nakuwan a Isirael;

2 Ŋakiro a ŋirwa 35:24

Aŋun, apotu ŋasigarya keŋ todakasi iŋes anagaari keŋ a ŋina sek ayai, kiwuakis nagaari keŋ ace yaut Yerusalem neni abu totwanik. Aponi tonukae iŋes neni anukitae atapapaa keŋ. Apotu ŋituŋa a Yudaya ka ŋulu a Yerusalem daadaŋ kigworo aŋuna a Yosia.

Ŋikiru. 142:3

Ani apapanuni ayoŋ, iyoŋ Ekapolon iyeni ŋuna emaikina ayoŋ etiya. Adaut ŋikaronok ayeun epite ŋolo akaaryata ayoŋ alorot a ŋolo amyat ayoŋ.

Ŋikiru. 35:14

esibit egworo aŋuna alokone kaŋ kori alokaato kaŋ. Abu ayoŋ erim esibit ituŋanan ŋini iwololoe aŋuna a toto kaŋ, abu ejuuru ido egworo.

Ŋikiru. 37:16

Ejok ibore ŋini eyakar ituŋanan ŋini iyookino tari kedit ibore ŋin, akilo ebari ŋolo alalan ŋolo aronok a daadaŋ,

Ŋakit. 1:16

anerae eloseneneete ikes akitiya ŋuna aronok, etenito ikes a ŋinapaki akiar ituŋanan.

Ŋakit. 18:19

Kiŋarak ŋiyeneta kon, ikiunete ikes iyoŋ lopite ŋolo eiunia arwatata ŋina agogoŋon ŋituŋa alotaun, nai ani kiburaete iyoŋ ka ikes, ikigolorete ikes iyoŋ anakibois kec.

Ŋakit. 6:14

ileleba ŋileec lotau keŋ ka etuki a ŋinapaki akitiya aronis, isyaanakini a ŋinapaki akisigurokin ŋituŋa.

Ekal. 7:9

Nyemaikina ituŋanan tema, “Epatana akiŋo, anerae erae neni a ŋibaŋaanotin idasitor aŋoit.”

Esek. 35:5

Aŋuna ibunio iyoŋ toruwor emoit ŋolo ibu tonipo Ŋisirael a ŋinapaki, kielak ikes lokileŋ toarae apaki ŋina aponiata ŋican kec toroketa nooi adepar neni sek;

Ŋikis. 34:8

Apotu Ŋisirael kigworo aŋuna a Moses anadipoe a Moab, ŋarwa ŋatomoniuni, ekaku a ŋirwa a ŋul, todaun nai akigworo aŋuna a Moses.

Tito 3:3

Anerae ikibaŋaaka paaran sek iwon daŋ ŋilopeyek, pa ikipupi ŋakiro ka ikimodikinitae. Ikirae ŋipi ŋulu ke ekibure ka ŋulu a ŋakiro a daadaŋ a ŋuna etalakarito ŋikasecak. Ikipotu iwon eboiyoto alopite a ŋolo aronon ka ŋolo ka arakao; ikitidiŋito iwon ŋuluce ka ikitidiŋit iwon daŋ ikes.