Akisy. 27:28 - Ebaibul

²⁸ Elipi ikiinak Akuj iyoŋ akiru anakuj ŋina isikopi ŋalup ka kitojok ŋalup torata ŋuna etiitiyete, ikiinak iŋes iyoŋ ŋikinyom ŋulu alalak ka epiini ŋolo alalan.

Akisy. 27:28 Iomraidhean Croise

Akisy. 27:37

Toboŋok Isaka Esau tema, “Adau ayoŋ akituruwor Yakob ekapolon kon ka adau ainakin ŋikaitotoi keŋ daadaŋ aruwor ŋiketiyak keŋ, ainak ayoŋ neni keŋ ŋikinyom ka epiini. Anukiro nai tokona emaikina ayoŋ etiya neni kon lokoku?”

Akisy. 27:39

Toboŋok Isaka iŋes tema, “Kiira elwaniar akibois kon analup a ŋuna ajokak a ŋuna etiitiyete ka aneni isikopiyonokini akiru ilimi.

Akisy. 45:18

Yautu papa kus ka ŋikalya kus, ipotu neni kaŋ, akainakini ayoŋ iyes ŋalup ŋuna ajokak anakwap a Ijipit, topedosi aryamun akimuj analup a ŋuna ajokak.’

Akisy. 49:20

Eruwor akimuj ŋina ka Aser ŋina etuman, eruwor akimuj ka Aser ŋina ikwaan ka ŋina imujete ŋirwosi.

Akisy. 49:25

elipi Akuj a papa kon kitiya ŋun, ikiterereŋ iŋes iyoŋ, a ŋarereŋisyo a ŋuna aŋakipi a ŋuna alokidiama, a ŋarereŋisyo a ŋuna aŋakipi a ŋuna eisete alokwap, a ŋarereŋisyo a ŋuna a ŋiletok.

2 Sam. 1:21

Iyes ŋimukura ŋulu a Gilboa, nyepete ŋakopi kidiama kus, kori nyilimi akiru, nyerayete ŋimanikorin ŋulu eya neni kus! Anerae neni kus emasarere nariet aupal a ekatitinyon, aupal a Saul ŋina nyeriŋa iosyo ka akimyet.

1 Ŋirw. 17:1

Tema Eliya Etisibait ŋolo alo Gilead neni ka Aab, “Ikwaŋinapei eyarya Ekapolon Akuj a Ŋisirael, ŋina arae ayoŋ eketiyan keŋ, emamukaun ŋakopi, kori akiru ŋikaru ŋulu eponito, mati kalimu ayoŋ.”

1 Ŋirw. 5:11

Aŋolokaru, ainanakini Solomon Kiram aŋuna a ekal keŋ ŋakirya ŋuna a ŋaganoi ŋunakimuja ŋabapwa ŋalipyo ŋatomoniarei ka akimyet ŋina ajokan ŋijerikanin ŋatomoniarei.

2 Ŋakiro a ŋirwa 2:10

Ainuni ayoŋ ŋiketiyak kon ŋulu etubete ŋakito ŋikinyom a ŋaganoi ŋakiloi ŋalipyo ŋaomwon ka ŋamiae ŋaomwon, ŋikinyom ŋulu ikote erau ŋakiloi ŋalipyo ŋaomwon ka ŋamiae ŋaomwon ka epiini ŋilitae ŋamiae ŋaomwon ka ŋatomoniomwon ta akimyet ŋilitae ŋamiae ŋaomwon ka ŋatomoniomwon.”

Ŋikiru. 104:15

toryamuniata epiini ŋolo einakini ikes alakara, toryamuniata akimyet ŋina eninanakinosi tomalumalut, toryamuniata akimuj ŋina einakini ikes agogoŋu.

Ŋikiru. 133:3

Ikwaanikin ka ŋakopi ŋuna alomoru a ŋolo enyaritae Erimon, ŋuna eleleuneneete lomukur ŋulu a Sion, anerae nen iŋes adau Ekapolon akiikin ŋarereŋisyo keŋ, adau iŋes akiikin nen akiyar ŋina a ŋikaru ka ŋikaru.

Ŋikiru. 36:8

Imujete ikes akimuj ŋina alalan ŋina iinanakini iyoŋ ikes. eryamununeete ikes ŋiboro ŋulu ajokak ŋulu iteleleunit iyoŋ lopite ŋolo eleleya aŋolol.

Ŋakit. 19:12

Ikoni aŋoit a erwosit neni irurumaa eŋatuny, nai ikoni ajokis keŋ ŋakopi alonya.

Ŋakit. 3:20

abu aosou ka Akuj kituruwo ŋaŋololin neni elelyaata ŋakipi ka kituruwo ŋidouwon neni eponianata ŋakipi kwap.

Isa. 45:8

“Okoe nakuj, tobuku akiyookino, emaikina kidiama tobuku akiyookino kwap, emaikina akwap toŋaar aŋuna ka akiyookino, ikotere aiuno eyakaun emam ŋace, emaikina aiuno yau tari akiyookino; ayoŋ Ekapolon etiyau ŋun toyakaun.

Yer. 14:22

Epedorete mono ŋakujo a ŋakwapin ayaun akiru a? Kori epedori mono kidiama akimyekin akiru bu a? Okoe Ekapolon Akuj kosi, meere mono iyoŋ iyauni a? Ikiwuakinit isua akigeno kosi neni kon, anerae iyoŋ itiyae ŋun daadaŋ.

Yoel 2:19

Abu Ekapolon toboŋok ŋituŋa keŋ tema, “Ekeyakikini ayoŋ iyes ŋikinyom, epiini ka akimyet, ido imwokete iyes; nyeketuruwori nabo ayoŋ iyes ŋulu ikijamuwarito ŋakwapin.

Mika 5:7

Epote nai ŋituŋa a Yakob ŋulu apiyanun akiboiyor nakwapin ŋuna alalak, ikwaanikin ikes a nen ka ŋakopi ŋuna eyaunit Ekapolon, ŋuna itojokete akwap, ikwaanikin ikes a nen ka akiru ŋina itilibuni ŋinya. Eruwor Akuj iyoki ikes, meere ituŋanan.

Sakar 8:12

Itaete ikes ŋikinyom kec anakinapakina. Eraete ŋikito ke epiini, itokoni akwap ŋikinyom, ido eyakaun akiru ŋina alalan. Ainakini ayoŋ ŋarereŋisyo ŋun daadaŋ lotuŋa ŋulu ka akwap kaŋ ŋulu apiyanun.

Sakar 9:17

Ejokyar nooi ka ibusyar nooi akwap kec. Epolounete anakwap a ŋin ŋisorok ka ŋasorok erae ŋulu itogogoŋit ekidikidi ka epiini.”

Ekim. 13:20

ka toanyut kejokak ŋalup a akwap a ŋin, kori keroko, keya ŋikito nakwap ŋin, kori kemam. Totitiny iyes, ido yaut ŋaraito ŋadi ŋuna ka akwap a ŋin.” Arae apaki ŋin apaki ŋina akokitotor ŋaraito ŋuna esyaunak ŋuna ke epiini.

Ekim. 18:12

Akimyet ŋina ajokan daadaŋ, epiini ŋolo ajokan daadaŋ ka ŋikinyom ŋulu ajokak daadaŋ ta ŋainakineta ŋuna ajokak ŋuna einakinete Ŋisirael neni ke Ekapolon, adau ayoŋ ainakin ikes neni kon.

Ŋirom. 11:17

Adaun abilanar ŋaten ŋace ŋuna ke ekitoe a ŋolo ka akimyet a ŋolo edupitae ka adaun akiderakin neni keŋ ateni ŋina ke ekitoe a ŋolo ka ariet, a ŋolopei erae ŋolo ka akimyet. Ikote iyes ŋulu nyiraakasi Ŋiyudayan ateni ŋina ke ekitoe a ŋolo ka ariet ka imorete tokona agogoŋu ka akiyar ŋina ileleba ŋina ke ekitoe a ŋolo edupitae, ŋolo erae Ŋiyudayan.

Ŋikis. 32:2

Elipi ayoŋ pena ŋakiro kaŋ lotuŋa lopite ŋolo ilimya akiru, pena lotai a ŋituŋa lopite ŋolo epeniata ŋakopi lonya, lopite ŋolo edoo elimilim lonya lopite ŋolo edoo elimilim lonya ŋulu alibunak;

Ŋikis. 33:13

Abu Moses kirwor ŋakiro nu aŋuna a ŋituŋa a ekabila a Yosepu: “Elipi kiterereŋ Ekapolon akwap kec a akiru a ŋina itemokino ka ŋakipi ŋuna eitunito alokwap

Ŋikis. 33:28

Aŋun, iboiyete Ŋisirael eiuna, mam ŋican eryamunito ŋiletok a Yakob anakibois kec a ŋina eya ŋikinyom ka epiini anakwap a ŋina etepi akiru.

Ŋikis. 7:13

ikiminakini iŋes iyes, ikiterereŋi iŋes iyes ka ikitipituni iŋes iyes; iterereŋi iŋes ŋidwe kus ka ŋinyomen a ŋimanikorin kus lu: Ŋikinyom, epiini ka akimyet; ikiterereŋi iŋes iyes ikitabar a ŋaatuk ka ŋamesekin anakwap a ŋina abu iŋes kikoŋ neni a atapapaa kus atemar ikiinakini iyes.

Ŋibur. 11:20

Anupit iŋes eikinia Isaka Yakobo ka Esau ŋarereŋisyo ŋuna eponito alokiŋaren.

Yos. 5:6

Arae ŋun aŋuna awosyata Ŋisirael analoŋisat ŋikaru ŋatomoniomwon tari ŋina amunyaror anyamet daadaŋ ŋina a ŋikilyok a ŋulu apedorito ejie a ŋulu sek awotunete alo Ijipit. Apotu ŋikilyok ŋul daadaŋ tomunyaros, anerae apotu toŋero akiwuap ŋakiro ŋuna a Ekapolon Akuj. Aŋun abu Ekapolon Akuj kikoŋ atemar nyiŋolikinete ikes akwap ŋina koloŋ ekoŋit iŋes neni atapapaa kec ainakin iwon. Erae akwap ŋin ŋina eleleata ŋakile ka akimyet ŋina ka ao.