Akisy. 26:28 - Ebaibul

²⁸ Temasi ikes, “Ikianyu isua kire jik atemar irukito iyoŋ ke Ekapolon; aŋun, ikitemari, ekoŋo iwon ŋinituŋanan neni a ŋinice ka ewuakisi acamunet yok, ŋinituŋanan neni a ŋinice,

Akisy. 26:28 Iomraidhean Croise

Akisy. 24:3

ido ekesikoŋ ayoŋ iyoŋ alokiro ke Ekapolon a Akuj a ŋina erae nakuj ka akwap ŋuna keŋ, kikoŋ ebe, nyiitakini iyoŋ lokoku kaŋ aberu anapesur a ŋuna eurito ŋituŋa a Kanaan, ŋulu tokona eboi ayoŋ aneni kec.

Akisy. 24:41

Emam ŋace ikikamunete iyoŋ anakiro kaŋ a ŋuna ikoŋ iyoŋ. Apaki ŋina idolyo iyoŋ loyeneta kaŋ, tari daŋ pa kikiinakis ikes iyoŋ aberu ŋina ilosyo iyoŋ, emam ŋuna ikikamunete iyoŋ anakiro a ŋuna ikoŋ iyoŋ.’

Akisy. 31:44

Bua tokona, ewuakisi acamunet yok; toruwor acamunet ŋin esuuda aneni yok.”

Akisy. 39:3

Ani eyenuni ekapolon a Yosepu atemar erukito Ekapolon kaapei ka Yosepu, ido elosi etic a Yosepu daadaŋ ejok,

Akisy. 39:5

Anyoun apaki ŋin, ŋina eturuworere Yosepu ekapolon a ŋuluce alokal a ŋol ka ainakinere akidar ŋiboro daadaŋ ŋulu ayakar Potipar, kiterereŋ Ekapolon ekal a Ejipitanoit a ŋol aŋuna a Yosepu. Kiterereŋ Ekapolon ibore daadaŋ ŋini ayakar iŋes kai ka lomanikor.

2 Ŋakiro a ŋirwa 1:1

Abu Solomon lokoku a Daudi kisicat apukan keŋ ejok, arukito iŋes ke Ekapolon Akuj keŋ, ido abu Akuj kituruwo iŋes arwonit.

2 Ŋakiro a ŋirwa 15:9

Ekaku a ŋun, abu iŋes tocunak ŋituŋa daadaŋ ŋulu a Yudaya ka Benjamin ka ŋulu keponito akiboi Yudaya alo Epuraim ka Manase ta alo Simeon. Kepotu ŋituŋa ŋulu alalak nooi potu alo Isirael akiboi Yudaya, anerae kepotu toanyut atemar erukito Asa ke Ekapolon Akuj keŋ.

Isa. 45:14

Alimu Ekapolon ebe, “Eyaunio neni kon ebari a Ijipit ka ŋiboro ŋulu egyelanaryo alo Esiopia ta ŋiboro a Ŋisabean a ŋituŋa a ŋulu aoyak, eyaunio neni kon ka eruworosi ŋiboro ŋul daadaŋ ŋulu kon, epote ŋituŋa ŋul akiwuap iyoŋ irae ekapolon kec; epote ikes neni kon eenitae a ŋiriko, toryediko alokiŋaren kon. Ikilipete ikes iyoŋ ebasi, ‘Iyoŋ bon irukito ka Akuj, emam ice erukito ka Akuj, emam akuj ace mati ŋina irukitotor iyoŋ.’

Isa. 60:14

Epote ŋiletok a ŋituŋa a ŋulu sek isicanito etaun kus neni kus itiditeuna, eryedikete anakejen kus daadaŋ ŋulu sek ikijamuwarito iyes; enyaraete ikes etaun kus etaun a Ekapolon Sion ŋolo a Akuj a ŋina asegan a ŋina a Isirael.

Isa. 61:6

Nai ikinyarao iyes ŋisacaradotin a Ekapolon ikinyarao iyes ŋiketiyanakinak Akuj yok. Ileileete iyes ebari a ŋakwapin, iturokinosi iyes aŋuna a ebari kec.

Isa. 61:9

Eyenunio ŋiletok kec anakwapin ka eyenunio ŋidwe kec alotuŋa, ŋituŋa daadaŋ ŋulu iŋolikinete ikes, ecamunete atemar erae ikes ŋituŋa ŋulu adau Akuj akiterereŋ.”

Ŋirom. 8:31

Aŋuna a ŋakiro a ŋun a daadaŋ, ikitemari iwon ai? Ani keriit Akuj neni yok, ŋae epedori akitepeg iwon?

1 Ŋikor. 14:25

Isileereuni ŋuna alotau keŋ ŋuna imunono, ido toryedik kilip neni ka Akuj, ebala, “Kire, eyai Akuj neni kus!”

Ŋibur. 13:5

Nyiraakasi ŋulu iminasi ŋisiliŋa, kimwonikina a ŋiboro a ŋulu iyakatar iyes. Anerae alimu Akuj atemar, “Nyakaesikini ayoŋ iyoŋ jik, nyakacakari ayoŋ iyoŋ jik.”

Ŋibur. 6:16

Ani ikoŋi ituŋanan, elimuni iŋes ekiro a ituŋanan a ŋini epol akilo iŋes, akitogogoŋio akikoŋiet ŋin, todaunos ŋakiro daadaŋ ŋuna ke epeget.

Yos. 3:7

Kirwor nai Ekapolon neni a Yosua tema, “Akoloŋit na, esyakini ayoŋ akitopoloor iyoŋ alokiŋaren Ŋisirael daadaŋ, ikotere toyenuniata ikes atemar ikiruki ayoŋ ka iyoŋ lopite ŋolo abunio orukioto ka Moses.

1 Sam. 11:1

Kelunyar apaki ŋina aapiyarit elap epei, abu Naas erwosit ŋolo a Ŋiamoni tolot akirikaun Yabes-Gilead. Kimaimaa ŋikilyok ŋulu aya Yabes-Gilead Naas temasi, “Ocamunos kare ca ka isua, ido eruworoe isua ŋiketiyak kon.”

1 Sam. 18:28

Nai ani eyenuni Saul atemar erukito Ekapolon ka Daudi ka emina nakoku keŋ Mikal Daudi,