Akisy. 25:6 - Ebaibul

⁶ Ani eriŋa Aburaam eyari, inak ŋidwe a ŋaberu keŋ a ŋuna pa eitit ŋainakineta, ido kirita ikes aneni a Isaka alokoku keŋ. Toloto ŋul lowae ŋolo alo Kide, nakwap ŋina ayai Kide.

Akisy. 25:6 Iomraidhean Croise

Akisy. 16:3

Ani kedau Aburam akiboi anakwap a ŋina a Kanaan ŋikaru ŋitomon, ya Sarai apese ŋina arae apito keŋ ŋina arae Ajipitanoit, ŋina anyaritae Agar, inak neni ka Aburam alokile keŋ.

Akisy. 21:14

Tonyou Aburaam taparacu sek, ya ŋamugati ka ŋakipi eya lolou a ibarasit ŋolo aeniunitae erae ecwee a ŋakipi, inak Agar kitanapik loseketa keŋ kaapei ka ikoku, ido kitolot iŋes. Torotok Agar, kirim analoŋisat a ŋina alo Beeriseba.

Akisy. 25:1

Kiit Aburaam aberu ace, ekeekiro Ketura.

Akisy. 29:1

Torotok Yakob a nen, tolot kiŋaren, todol nakwap a ŋituŋa a ŋulu eboiyete alowae a ŋolo alo Kide.

Akisy. 30:4

Aŋun, abu Rakel inak Yakob aketiyan keŋ Bila, toruwor aberu keŋ; kiryamakinos Yakob ka Bila,

Akisy. 30:9

Ani eanyuni Lea atemar ajoŋo iŋes akidounun, ya aketiyan keŋ Silpa neni a Yakob toruwor aberu keŋ.

Akisy. 32:22

Akuwar ŋinapei ŋin, tonyou Yakob nakwaare ya ŋaberu keŋ ŋunaarei, ŋaketiyak keŋ ŋunaarei ka ŋidwe keŋ ŋulutomon ka ipei, todoka ayonae ŋina enyaritae Yabok.

Akisy. 35:22

Ani eriŋa Isirael iboi anakwap a ŋin, kebu Ruben tolot tolom Bila, apese a papa keŋ ŋina pa eisitae, kiira Isirael ŋakiro ŋun. Ayakar Yakob ŋidwe ŋitomon ka ŋiarei:

2 Ŋakiro a ŋirwa 11:21

Amina Reoboam Maaka nakoku ka Abusalom nooi akilo ŋaberu keŋ ŋunace daadaŋ ŋuna eitit ka ŋuna pa eitit. (Arae ŋaberu keŋ ŋuna eitit ŋatomon ka ŋakanikauni ka ŋuna pa eitit ŋatomonikanikapei. Arae ŋidwe keŋ ŋulusapa ŋatomoniarei ka ŋikanikauni ka ŋulupesur ŋatomonikanikapei.)

Yob 1:1

Keyai koloŋ ekile ŋolo kenyaritae Yob, kiboi iŋes anakwap a ŋina anyaritae Us. Arae Yob ituŋanan ŋini amam ŋuna etoroniyaritere, ido etiyae ŋuna eyookino, etopoloorit Yob Akuj ka aŋerit ŋuna aronok.

Yob 1:3

Ayakar iŋes ŋamesekin ŋalipyo ŋakanikaarei, ŋikaala ŋalipyo ŋauni, ŋimoŋin aliput, ŋisigirya ŋamiae ŋakan ka ŋiketiyak ŋulu alalak nooi. Aŋun arae Yob ekile ŋolo abarit nooi akilo ŋituŋa daadaŋ ŋulu a ŋakwapin a ŋuna alo Kide Yorodan.

Mat. 5:45

ikotere nai iruworosi iyes ŋidwe a Papa kus a ŋolo eyai nakuj. Anerae itacaununui iŋes akoloŋ neni a ŋulu aronok ka neni a ŋulu ajokak. Iyakuununui akiru neni a ŋulu itiyaete ŋuna ajokak ka neni a ŋulu itiyaete ŋuna aronok.

Ŋitic. 14:17

Tari kikote nen, itoodiunit iŋes jwi jwi akiteyenunet ŋina ka ayakau keŋ aloboro a ŋulu ajokak, a ŋulu itiyae iŋes; ikiinunui iŋes akiru alokidiama ka ŋapakio ŋuna elemeneneere; ikisimuji iŋes iyes ka ikitalakanari iyes.”

Ŋikat. 19:4

Abu nai lokamuran a ekile a ŋol kijau iŋes lore keŋ, torubak ekile ŋol iboi a nen ŋirwa ŋiuni. Aŋun, apotu ikes kimuja ka tomata kaapei, ido abu ekile ŋol kiriya alore alokamuran keŋ.

Ŋikat. 6:3

Apaki daadaŋ ŋina eekiniata Ŋisirael ŋikinyom kec, aponeneete Ŋimidian, Ŋiamaleki ka ŋituŋa ŋulu eboiyete alo Kide akitijiore Ŋisirael.