Akisy. 24:45 - Ebaibul

⁴⁵ “Ani eriŋa ayoŋ elipi alotau kaŋ, eŋolik Rebeka elomuni alotaun ebunit locor, eryoŋit amot a ŋakipi, bu jik tari kare, tooku ŋakipi. Eŋit ayoŋ iŋes otema, ‘Kitamatae kare ca.’

Akisy. 24:45 Iomraidhean Croise

Akisy. 24:44

ido toboŋok iŋes tema, ‘Tomat, ido etamat ŋikaala kon daŋ,’ kimyek ŋin toruwor iŋes aseu Ekapolon aŋuna alokoku a ekapolon kaŋ.”

2 Sam. 7:27

Okoe Ekapolon ŋolo a ŋajoresyo, Akuj a Isirael, ikisileerek iyoŋ ayoŋ eketiyan kon ŋakiro nu ebe, ‘Akadukokini ayoŋ iyoŋ Akai’; aŋun, adau ayoŋ eketiyan kon aryamun akisimukekinet ŋinakilipet neni kon anakilip a na.

Neem. 2:4

Abu nai erwosit ekeŋit ayoŋ tema, “Nyo tokona iŋita iyoŋ?” Aŋun, abu ayoŋ elip neni ka Akuj a ŋina anakuj.

Isa. 58:9

Ipote nai iyes anyarare Ekapolon, ido ikiboŋok iŋes iyes; igworete iyes iŋitasi akiŋarakino, ido eboŋokini iŋes tema, “Ayoŋ lo.” Ani kilemasi iyes epite ŋolo iteryamunitotor ŋuluce ŋican, epite ŋolo idoditotor iyes ŋuluce ka irworotor,

Isa. 65:24

Ani eriŋa ikes nyenyara ayoŋ akiŋarakin ikes, aboŋokini ayoŋ ikes, ani eriŋa ikes irworosi, eirari ayoŋ ŋuna irworosi ikes.

Dan. 9:19

Okoe Ekapolon, kiirarae isua, okoe Ekapolon kisyoni isua, okoe Ekapolon, topupokinae, ido kitiya ŋuna ikiŋita, okoe Akuj kaŋ aŋuna ka akipuryo iyoŋ, Nyidid akitiya ŋun! Anerae enyaritae etaun kon ka enyaritae ŋituŋa kon a ekiro kon.”

Dan. 9:23

Apaki ŋina igeunia iyoŋ adyekanar ilipi, ibu iyoŋ tolimu akirot, abu tokona ayoŋ alimokin iyoŋ aboŋokinet a akirot a ŋin, anerae ikiminae iyoŋ nooi. Aŋun totamatama ŋuna ka akirot a ŋin, ido toyenu akisileerekinet.

Mat. 7:7

“Kiŋita, ikiinakinio; kiwara, iryamunete; kikoŋikoŋo, ikiŋaaryo;

Ŋitic. 10:30

Toboŋok Kornelio tema, “Ŋirwa ŋiuni ŋulu alunyarosi, elipi ayoŋ alokai kaŋ ŋisaae ŋikanikaomwon ŋulu ka apaaran--arae esaa lopeilo. Apaki ŋinapei ŋin, onaŋakin ekile ŋolo anapit ŋilowi ŋulu amilimilete ewuoi alokiŋaren kaŋ.

Ŋirom. 8:26

Ikwaŋinapei ikiŋarakinitor akigeno ŋin iwon, ebuneene Etau ŋolo ka Akuj daŋ akiŋarakin iwon, ŋulu ikipalag nooi. Anerae nyikiyeni iwon epite ŋolo itemokino elipyata; nai erae Etau ilipit Akuj aŋuna yok, alotooma aryeba elimit ŋakiro ŋuna nyikipedori iwon alimun.