Akisy. 24:35 - Ebaibul

³⁵ Adau Ekapolon akiterereŋ nooi ekapolon kaŋ, abar iŋes nooi, ainaki Ekapolon iŋes ŋamesekin, ŋaatuk, ŋikaala ka ŋisigirya, esilipa ka egolid, ŋiketiyak ka ŋaketiyak.

Akisy. 24:35 Iomraidhean Croise

Akisy. 12:16

Aŋuna ka aberu a ŋin, abu Parao kitiya ŋuna ajokak neni ka Aburam; inak Parao Aburam ŋamesekin, ŋimoŋin, ŋisigirya, ŋipi ka ŋapi, ŋasigirya ka ŋikaala.

Akisy. 12:2

Eketipituni ayoŋ iyoŋ anakwap ka eketerereŋi, ido eturuwo ekiro kon ŋolo eyenen anakwap, ikotere iyoŋ iruwor ŋolo ka arereŋu.

Akisy. 12:3

Eterereŋi ayoŋ ŋulu ikiterereŋete iyoŋ, tosodi eceni ŋulu ikicenete iyoŋ. Aŋuna kon, eterereŋi ayoŋ ŋituŋa ŋulu ka akwap daadaŋ.”

Akisy. 13:2

Apaki ŋin, abarit Aburam nooi, ayakar ŋibaren, esilipa ka egolid.

Akisy. 24:1

Apaki ŋin, aris Aburaam kemojoŋ kelalata ŋikaru nooi, ido aris Ekapolon kiterereŋ iŋes a ŋiboro a daadaŋ.

Akisy. 25:11

Ekaku ka atwanare ka Aburaam, kiterereŋ Akuj Isaka lokoku ka Aburaam, kiboi iŋes alo Beerilairoi.

Akisy. 25:5

Inak Aburaam Isaka ibore daadaŋ ŋini ayakar iŋes.

Akisy. 30:43

Apotu ŋun kitabara Yakob nooi, tolalata ŋakinei keŋ nooi ka ŋikaala ta ŋisigirya, ŋaketiyak ka ŋiketiyak.

Akisy. 49:25

elipi Akuj a papa kon kitiya ŋun, ikiterereŋ iŋes iyoŋ, a ŋarereŋisyo a ŋuna aŋakipi a ŋuna alokidiama, a ŋarereŋisyo a ŋuna aŋakipi a ŋuna eisete alokwap, a ŋarereŋisyo a ŋuna a ŋiletok.

Yob 1:3

Ayakar iŋes ŋamesekin ŋalipyo ŋakanikaarei, ŋikaala ŋalipyo ŋauni, ŋimoŋin aliput, ŋisigirya ŋamiae ŋakan ka ŋiketiyak ŋulu alalak nooi. Aŋun arae Yob ekile ŋolo abarit nooi akilo ŋituŋa daadaŋ ŋulu a ŋakwapin a ŋuna alo Kide Yorodan.

Ŋikiru. 107:38

Abu Ekapolon kiterereŋ ikes, topitut nooi, ido abu Ekapolon nyecamak ŋibaren kec ekudyokunete.

Ŋikiru. 112:3

Epete ŋiboro daadaŋ ke ebari lokalya kec, erubakini akiyookino kec ŋikaru ka ŋikaru.

Ŋikiru. 18:35

Idau iyoŋ Ekapolon ainakin ayoŋ aupal kon ŋina akaiuni ayoŋ, Ido eketopoloosi ayoŋ ŋuna ibunio iyoŋ ikiŋarakinia ayoŋ; arubak ayoŋ aiuna aŋuna ka apedor kon.

Ŋakit. 10:22

Erae akiterereŋiet ŋina ke Ekapolon itabari ituŋanan, emam akiyaloloŋ iatakini Ekapolon narereŋu ŋin.

Ŋakit. 22:4

Eropit ŋolo einakini Ekapolon ŋulu itiditeuna bon ka ŋulu itopoloorito Ekapolon, iŋes ebari ka akitopolooro ta kiyar.

Mat. 6:33

Nai kiwara mono Apukan ŋina anakuj ka akiyookino ŋina ka Akuj, toruworos nai ŋiboro ŋul daadaŋ ŋulu kus.

Luk. 12:45

Nai ani ketema eketiyan ŋol alotau keŋ, ‘Adid ekapolon kaŋ abunore,’ elomakini akibuŋa ŋiketiyak ŋuluce, ŋaberu ka ŋikilyok, nabo imuji, tomat tomerakin;

1 Tim. 4:8

Ejok akitiya etic edio aŋuna ka akuwan toryamunia agogoŋu, nai ejok alowaetin a daadaŋ arubakin itatama akiboi anakiyar a ŋina ecamit Akuj, anerae ikiikinete ŋun akiyar ŋina a tokona ka ŋina a rwanu.