Akisy. 24:15 - Ebaibul

¹⁵ Ani eriŋa iŋes ilipi, bu Rebeka nakoku a Besuel a ŋolo arae lokoku a Milika a ŋina arae aberu a Naor alokaato ka Aburaam. Bu iŋes eryoŋit amot ŋinaokyet ŋakipi.

Akisy. 24:15 Iomraidhean Croise

Akisy. 11:27

Erae lu ŋipapae a Tera. Abu Tera touru Aburam, Naor ka Aran. Touru Aran Lot.

Akisy. 11:29

Apotu Aburam ka Naor kiitasi; kiit aburam aberu ŋina anyaritae Sarai, Naor daŋ kiit aberu ŋina anyaritae Milika, nakoku ka Aran a ŋolo arae papa a Milika ka Isika.

Akisy. 21:14

Tonyou Aburaam taparacu sek, ya ŋamugati ka ŋakipi eya lolou a ibarasit ŋolo aeniunitae erae ecwee a ŋakipi, inak Agar kitanapik loseketa keŋ kaapei ka ikoku, ido kitolot iŋes. Torotok Agar, kirim analoŋisat a ŋina alo Beeriseba.

Akisy. 24:14

Kimyek kitiyakin nu, ani alimokini ayoŋ apese ŋakiro nu ebe: ‘Toatou kare ca nakaato amot kon ikiinak ŋakipi omat,’ ido toboŋok iŋes tema, ‘Tomat, ido etamat ŋikaala kon daŋ,’ kimyek ŋin toruwor iŋes iseu iyoŋ aŋuna a eketiyan kon Isaka. Ŋun nai ayenunia ayoŋ atemar itoodik iyoŋ arimao kon neni a ekapolon kaŋ.”

Akisy. 24:24

Toboŋok apese ŋin tema, “Arae ayoŋ nakoku a Besuel a ŋolo erae lokoku a Milika a ŋina erae aberu a Naor.”

Akisy. 24:45

“Ani eriŋa ayoŋ elipi alotau kaŋ, eŋolik Rebeka elomuni alotaun ebunit locor, eryoŋit amot a ŋakipi, bu jik tari kare, tooku ŋakipi. Eŋit ayoŋ iŋes otema, ‘Kitamatae kare ca.’

Akisy. 25:20

Arae ŋikaru a Isaka ŋatomoniomwon apaki ŋina eisya Rebeka nakoku a Besuel, a ŋolo arae Erameanait ŋolo alo Padanaram; arae Rebeka nakaato a Erameanit a ŋolo anyaritae Laban.

Akisy. 29:5

Kiŋit Yakob ikes tema, “Iyenete iyes Laban lokoku a Naor a?” Toboŋokis ikes temasi, “Eyenio.”

Akisy. 29:9

Ani eriŋa Yakob irworosi ka ŋikeyokok, todolu Rakel emyat ŋamesekin a papa keŋ, anerae arae iŋes eyoki ikes.

Ŋikiru. 34:15

Ite Ekapolon ŋulu iyookino; ka epupi Ekapolon akigworo kec aŋuna ka akiŋarakino.

Ŋikiru. 65:2

Okoe Akuj iyoŋ iboŋonokini akilip kosi, neni kon iŋes epote ŋituŋa daadaŋ akipuro iyoŋ.

Awos. 2:16

Ayai nakwap a Midian esacaradoti ŋolo ayakar ŋidwe ŋulupesur ŋikanikaarei. Apotu ŋapesur ŋun potu kare akiok ka akilelebikin ŋakipi natakerin, ikotere iruwakinete ŋamesekin a papa kec.

Ŋakit. 31:27

Iyokiunit iŋes ŋituŋa a ekal keŋ ejok nyenyamenene iŋes akimuj ŋina eryamunitae aŋuna ka akalanyo.

Isa. 58:9

Ipote nai iyes anyarare Ekapolon, ido ikiboŋok iŋes iyes; igworete iyes iŋitasi akiŋarakino, ido eboŋokini iŋes tema, “Ayoŋ lo.” Ani kilemasi iyes epite ŋolo iteryamunitotor ŋuluce ŋican, epite ŋolo idoditotor iyes ŋuluce ka irworotor,

Isa. 65:24

Ani eriŋa ikes nyenyara ayoŋ akiŋarakin ikes, aboŋokini ayoŋ ikes, ani eriŋa ikes irworosi, eirari ayoŋ ŋuna irworosi ikes.

Rus. 2:17

Kisokata Rus emanikor akitodol eboŋ, ido toramu ŋikinyom ŋulu abu iŋes kisokatau eyapiyarit alalau kec ŋakiloi ŋatomon.

Rus. 2:2

Akoloŋit apei tema Rus neni a Naomi, “Kimyekinae ayoŋ olot tokona lomanikor akisokat ŋikinyom alokaku ikaleman ca daadaŋ ŋini ekeŋolikini ayoŋ ekeŋarak.” Tema Naomi neni keŋ, “Nakoku kaŋ, ape.”

1 Sam. 9:11

Ani eriŋa ikes itipeete emukura elosete lotaun, kiryamas ka ŋapesur ŋace ŋuna alosete kare elomunete alotaun, kiŋita ata Saul ŋapesur ŋun temasi, “Eyai eketeyenikinan lotaun lo a?”