Akisy. 22:9 - Ebaibul

⁹ Ani edolunete ikes nakibois ŋina alimokinit Akuj Aburaam, todukok Aburaam Namuroet nen, kinapinapak ŋakito ejok, toen lokoku keŋ Isaka kidokok nakito kidiama Namuroet.

Akisy. 22:9 Iomraidhean Croise

Akisy. 12:7

Totakanu Ekapolon neni ka Aburam kirworik tema, “Ainakini ayoŋ akwap na neni a eletonit kon.” Aŋun, todukok Aburam Namuroet nen aŋuna ka atamunitor Ekapolon ŋolo abu totakanu neni keŋ.

Akisy. 12:8

Towotok Aburam a nen lomukura ŋulu alowae a ŋolo alo Kide Besel, tolom nen, kigurok eema. Ayai Besel lowae ŋolo ka anam, To neni alomit Aburam, toyai Ai Kide keŋ. Todukok Aburam Namuroet nen aŋuna ka akilipya neni ke Ekapolon; ido abu kilip enyarit ekiro ke Ekapolon.

Akisy. 13:18

Towotok Aburam a nen tocuna eema keŋ, bu tolom kidiŋ ŋikuyono ŋulu a Mamure anakwap a ŋina enyaritae Eburon. Todukok Aburam Namuroet nen aŋuna ke Ekapolon.

Akisy. 22:10

Kiopeu Aburaam ekileŋ a akan aarya lokoku keŋ.

Akisy. 22:8

Tema Aburaam, “Lokoku, Akuj alope elemuni imesek ŋini erae amuronot ŋina epeyo.” Torubakis ikes ŋiarei make elosete.

Akisy. 8:20

Todukok Noa Namuroet aŋuna ka Akuj, tolemu ŋityaŋ ka ŋikyeny ŋulu itojokitae, tope a Namuroet erae ainakinet neni ka Akuj.

1 Ŋirw. 18:33

Kinapanak Eliya ŋakito ejok kidiama Namuroet, totubutubu emoŋ, ido kidokonok akiriŋ nakito ŋun. Tolimok nai ŋituŋa tema, “Kilelebikisi ŋakipi namoti kus ŋuna apolok ŋaomwon, tobukokis ŋakipi ŋun nainakinet na ŋina epeyo ka nakito nu.”

Ŋikiru. 118:27

Erae Ekapolon Akuj, ikiinak iŋes iwon akica. Kisyakisi ŋasuban itiŋito ŋaten, kirimokisi Namuroet ilosete.

Mat. 27:2

Toena ikes iŋes torikosi inakis Pilato ŋolo awuoikinit apukan ŋina a Roma alo Yudaya.

Mar. 15:1

Taparacu sek, totukokinos ŋisacaradotin ŋulu apolok ka ŋikatukok ka ŋiketatamak ŋulu a Ŋikisila ta Atukot daadaŋ. Toena ikes Yesu torikosi inakis Pilato.

Ŋitic. 8:32

Ŋakiro ŋuna asyomi ekile ŋol a Nakigireta ikes nu: “Ikwa amesek ŋina erikoryo akiŋol kori ikwa ililiŋia imesek alokiŋaren ekatubon ŋajul keŋ, nyelimuno iŋes adiokirot.

Ŋigal. 3:13

Nai abu Kristo ikilaku iwon alolam a ŋulu eponito aneni a Ŋikisila, anerae abu iŋes kiwok ŋilam ŋulu sek arae ŋulu yok; anerae ebasi Ŋakigireta ebe, “Ilamam aneni ka Akuj ituŋanan daadaŋ ŋini ibubukinio lokitoe”.

Ŋiep. 5:2

Itemokino iyes kiboiyete alotooma amina lopite ŋolopei abunio Kristo itominakinia iwon, ido tojal akiyar keŋ aŋuna yok erae amuronot ŋina akukunyon, ŋina ecamuna ka ŋina italakarit Akuj.

Ŋibur. 9:28

Ikwaŋinapei, alemunio Kristo daŋ alemunet apei toruwor amuronot ŋina elemari ŋasecisya a ŋikalalak. Etakanuni iŋes atakanunet ŋina a ŋaarei, meere aŋuna ka alemar ŋasecisya, nai aiun ŋulu idarito iŋes.

Yak. 2:21

Ekokinio koloŋ papaa yok Aburaam ituruworyo ŋolo iyookino alokiŋaren Akuj ai? Eturuworyo iŋes ŋolo iyookino aŋuna a ŋiticisyo keŋ, apaki ŋina ainakinia iŋes lokoku keŋ Isaka neni ka Akuj a Namuroet.

1 Pet. 2:24

Abu Kristo elope kiwok anakuwan keŋ ŋasecisya yok lomusalaba; ikotere ikipedori atwakare alokiŋaren asecit, ido oyara aŋuna ka akiyookino. Ikitaŋaleun iyes aŋuna a ŋajemei keŋ.