Akisy. 22:12 - Ebaibul

¹² Tema emalaika, “Kimyek edya, nyitiya idiobore neni keŋ, anerae ayenu ayoŋ atemar ikerit iyoŋ ŋuna ka Akuj, ido nyimika iyoŋ Akuj lokoku kon ŋolodonupei.”

Akisy. 22:12 Iomraidhean Croise

Akisy. 20:11

Tema Aburaam, “Abu ayoŋ etiya ŋun, anerae atamakinit ayoŋ atemar nyekerito jik ŋituŋa anakibois a na Akuj, ido epedorete ikes akiar ayoŋ aŋuna ka aberu kaŋ;

Akisy. 22:13

Kikeu Aburaam ereet keŋ, toŋoleŋolek, kiŋolik emesek ikamunito ŋaten ŋuna ke elogilog anamoni ŋamomwar. Tolot Aburaam toriku emesek inak neni ka Akuj erae amuronot ŋina epeyo akilo ainakin Akuj lokoku keŋ.

Akisy. 22:16

tema, “Ebala Ekapolon, ekoŋ ayoŋ alokiro kaŋ ebe, ‘Aŋakiro aŋuna itiya iyoŋ a ŋun, a ŋina nyimika iyoŋ ayoŋ lokoku kon ŋolodonupei,

Akisy. 22:2

Tema Akuj, “Ya lokoku kon Isaka ŋolo donupei ŋolo imina iyoŋ, toloto nakibois ŋina enyaritae Moria. Ani idolete nen, ikiinak iŋes ayoŋ erae amuronot ŋina epeyo alomukura a epei a nen, a ŋolo eketoodikini ayoŋ iyoŋ.”

Akisy. 26:5

aŋuna abunio Aburaam kiwuap ŋakiro kaŋ ka kiyook ŋuna abu ecikak iŋes ikwapei; ŋakiciketa kaŋ, ŋakiro ŋuna abu otub ka ŋikisila kaŋ.”

Akisy. 42:18

Ani epete ŋirwa ŋiuni, tema Yosepu neni kec, “Kitiyata nu ikotere toyara, anerae etopoloorit ayoŋ Akuj:

Neem. 5:15

Ŋikepukak ŋuluce daadaŋ ŋulu epukato eriŋa ayoŋ, atiŋito ŋituŋa erono nooi, ejaununeete akimuj ka epiini aneni kec, pa imaritae ŋicekelya ŋatomoniomwon ŋulu ke esilipa ŋulu alemununeete ŋituŋa. Ŋiketiyak kec daŋ arae ŋikepukak. Nai nyitiya ayoŋ ŋun, anerae etopoloorit ayoŋ Akuj.

Yob 1:1

Keyai koloŋ ekile ŋolo kenyaritae Yob, kiboi iŋes anakwap a ŋina anyaritae Us. Arae Yob ituŋanan ŋini amam ŋuna etoroniyaritere, ido etiyae ŋuna eyookino, etopoloorit Yob Akuj ka aŋerit ŋuna aronok.

Yob 28:28

Tema nai Akuj neni a ŋituŋa, ‘Kire jik, akitopoloorit Ekapolon, iŋes erae aosou; akimyekin akitiya aronis, iŋes erae ayenun ŋakiro.’ ”

Yob 5:19

Ikilakuni Akuj anatyokisyo a ŋakanikapei; ani edoli ŋina a ŋakanikaarei emam awana iryamuni.

Ŋikiru. 1:6

anerae idarit ka iyokit Ekapolon ŋulu iyookino, nai etwakiyarete ŋulu aronok.

Ŋikiru. 111:10

Akitopoloorit Ekapolon, iŋes erae akisyakinet ŋina ka aosou; ŋituŋa daadaŋ ŋulu iwuapito ŋakiciketa ke Ekapolon, eyakatar ayenut ŋina ajokan. Kipuroe Ekapolon ŋikaru ka ŋikaru!

Ŋikiru. 147:11

Nai elakara Ekapolon aŋuna a ŋulu itopoloorito iŋes, a ŋulu iwuakinito akigeno kec namina keŋ ŋina nyiryaŋiryaŋa.

Ŋikiru. 2:11

Kitiyanakisi Ekapolon itopoloorito, kitiditeunos make alokiŋaren keŋ.

Ŋikiru. 25:12

Ikes ŋulu itopoloorito Ekapolon, itatamikini Ekapolon ikes erot ŋolo emaikina ikes toseut.

Ŋikiru. 25:14

Erae Ekapolon ekone a ŋulu itopoloorito iŋes, ido itatamununui Ekapolon ikes acamunet keŋ.

Awos. 20:20

Tema Moses neni a ŋituŋa, “Nyikuryaketa, anerae ebunit Akuj erae akikatakin iyes, ikotere torubakis iwuapito ŋakiro keŋ nyiseceta.”

Ŋakit. 1:7

Erae akitopoloorit Ekapolon akisyakinet ŋina ka aosou; nai ejamuwarito ŋibaŋaanotin aosou ka ŋipitesyo ŋulu ajokak ŋulu itatamyo ikes.

Ekal. 12:13

Ekaku a ŋakiro a ŋun a daadaŋ, eyai ibore ipei bon ŋini emaikina kiyatakinae, kitopoloorite Akuj ka kiwuapite ŋakiciketa keŋ, anerae erae ŋun ŋuna emaikina ŋinituŋanan kitiya.

Yer. 19:5

arubakis daŋ edukete ŋakiboisyo ŋuna aoyak aŋuna a Baal, apeyo anakim ŋidwe kec ikwapei ŋainakineta ŋuna epeyo aŋuna a Baal, ŋakiro ŋuna nyicika, kori nyetubuno ayoŋ atemar kitiyae ka nyetamuna ayoŋ ŋakiro kaŋ tari ŋina erae atamun.

Yer. 32:40

Ewuakini ayoŋ acamunet ŋina a ŋikaru ka ŋikaru ka ikes, arubakini ayoŋ jik etiyae ŋuna ajokak neni kec, ewuakini ayoŋ lotai kec akitopoloorit ayoŋ, ikotere nyakaŋero nabo ikes ayoŋ.

Mal. 4:2

Nai iyes ŋulu itopoloorito ekiro kaŋ, elomuni apedor kaŋ ŋina aiunan ikoni akoloŋ, ido bu apedor neni kus ikoni ŋikoi ŋulu ka akoloŋ, ikitaŋaleun iyes. Iruworosi iyes ŋulu ilacakina, ŋulu ilakara ikwa ŋimanaŋ ŋulu elacakinitae, ŋulu eŋaaritae ananok.

Mat. 16:24

Tolimok nai Yesu ŋikeekasyomak tema, “Ŋinituŋanan ecamit akiwuapakin ayoŋ, itemokino toŋero bon, toryoŋ emusalaba keŋ, ekewuapak ayoŋ.

Mat. 19:29

Nabo ituŋanan daadaŋ ŋini aesiki ekeere kori ŋikaitotoi keŋ, papa keŋ, toto keŋ, aberu keŋ, ŋidwe keŋ, kori ŋamanat keŋ aŋuna kaŋ, einakinio eropit ŋolo erae amiat ŋarwa amiat, ka eryamuni akiyar ŋina nyedaun.

Mat. 5:16

Ikwaŋinapei, itemokino akica kus tocai kileere alotuŋa, ikotere ikes eanyuwarete ŋiticisyo kus ŋulu ajokak, kipuro Papa kus ŋolo eyai nakuj.

Yoa. 3:16

Kire, abu Akuj tomina akwap nooi, tojal tari Lokoku keŋ ŋolo donupei, ikotere ŋini enupi iŋes nyebukori, nai toryamu akiyar ŋina nyedaun.

Ŋitic. 9:31

Arae epite ŋol abunio akinapakin lokanupak ŋulu alo Yudeya, Galileya ka Samaria. Abu Etau ŋolo Asegan kitogogoŋ ka kisimukek ŋikanupak, kiyatakin ekimar kec, kiboiyoto ekerito Ekapolon.

Ŋirom. 5:8

Nai ikitoodik Akuj iwon etyae ŋolo ikiminar iŋes iwon, anerae abu Kristo totwan aŋuna yok eriŋa iwon ikirae ŋikasecak.

Ŋirom. 8:32

Abu Akuj nyewounia Lokoku keŋ, nai abu tojal iŋes aŋuna yok a daadaŋ! Abu ikiinak iwon Lokoku keŋ--nyikiinakini mono iŋes iwon ŋiboro daadaŋ alotooma Kristo a?

1 Ŋikor. 10:13

Emam akitemyet ŋina iryamut iyes ŋina nyitemitere ŋituŋa ŋuluce. Nai erae Akuj ŋina itiyae ŋuna adau akiikin, ka nyikicamakini iŋes iyes ikitemio tari adepar agogoŋu kus. Apaki ŋina ikitemere iyes, ikiinakini Akuj iyes erot ŋolo ibucarotor, ido topedosi atitinyikin.

2 Ŋikor. 8:12

Ani kiitanito iyes ainanakin, ecamuni Akuj ainakinet kus alotyae a ŋolo iyakatar iyes ŋiboro kus, meere alotyae a ŋolo nyiyakatar.

Ŋibur. 11:19

Atami Aburaam atemar epedori Akuj akiteyarun Isaka--ka ikwaan ŋakiro nu ka atemar, abu Aburaam kijau Isaka tari sek ketwanit.

Ŋibur. 12:28

Aŋun, itemokino iwon olakara, anerae Apukan ŋina eryamunio iwon erae ŋina nyepedoryo akitamaranikin. Itemokino iwon olakaros elipa Akuj alopite a ŋolo italakari iŋes, alotooma akitiditeuna ka akerit,

Yak. 2:18

Nai elimuni ituŋanan ice tema, “Iyakar iyoŋ anupit ka ayakar ayoŋ ŋiticisyo.” Aboŋokinet kaŋ iŋes na, “Kitoodikinae ayoŋ anupit kon emam ŋiticisyo; eketoodikini ayoŋ iyoŋ anupit kaŋ ŋina erukito ka ŋiticisyo”.

Akis. 19:5

Bu etoil alokicoloŋ ebala, “Kipuro Akuj yok, iyes ŋiketiyak keŋ daadaŋ ka ŋituŋa daadaŋ ŋulu ikerito iŋes, ŋulu arwok ka ŋulu caryo!”

1 Sam. 15:22

Nai toboŋok Samuel Saul tema, “Elakara mono Ekapolon aŋuna a ŋainakineta a ŋuna epeyo ka ŋamuronisya lopite ŋolo elelyania iwuapito ŋituŋa ŋakiro keŋ a? Kiira! Ejok akiwuap ŋakiro a Ekapolon akilo amuronot, ido ejok akipup ŋakiro a Ekapolon akilo ainanakin iŋes asepwae a ŋimeesekin,