Akisy. 22:1 - Ebaibul

¹ Kelunyar ŋakiro ŋun daadaŋ, kikatak Akuj Aburaam tonyara iŋes tema, “Aburaam,” Tema Aburaam, “Ayai.”

Akisy. 22:1 Iomraidhean Croise

Akisy. 15:1

Kelunyar ŋun daadaŋ, bu akirot ke Ekapolon neni ka Aburam anatakanikinet ebala, “Aburam, nyikuryaniar! Arae ayoŋ aupal kon, iyatakin eropit kon nooi.”

Akisy. 21:11

Tonomosi Aburaam ŋakiro ŋun etau aŋuna a lokoku keŋ.

Akisy. 22:11

Nai tonyara emalaika ke Ekapolon Aburaam anakuj tema, “Aburaam, Aburaam.” Tema Aburaam, “Ayai.”

Akisy. 22:7

Tema Isaka neni a papa keŋ, “Papa,” Tema papa keŋ, “Ayai lokoku.” Kiŋit Isaka iŋes tema, “Eyakasi akim ka ŋakito ne, nai nyaani bo imesek ŋini erae amuronot ŋina epeyo?”

Akisy. 37:13

Tema Isirael neni a Yosepu, “Meere mono Sekem awosyata ŋikaitotoi kon ŋakinei akiyok a? Bua, ekeyakiyari ayoŋ iyoŋ neni kec.”

Akisy. 46:2

Kirworik Akuj neni a Isirael nakwaare anakiruja tema, “Yakob! Yakob!” Toboŋok iŋes tema, “Ayai.”

2 Sam. 24:1

Abu nabo Ekapolon toŋoik Ŋisirael, ido abu inak Daudi akidupor Ŋisirael; tema Ekapolon neni a Daudi, “Ape kimar ŋituŋa a Isirael ka ŋulu a Yudaya.”

2 Ŋakiro a ŋirwa 32:31

Ani tari iyakuunete ŋikepukak a Babilon ŋituŋa kec neni a Esekia akiŋit iŋes akujuwuanut ŋina abu kitiyakin nakwap keŋ, abu Akuj tocamak iŋes akitiya ŋuna acamit aŋuna ka akikatakin iŋes, anerae acamit Akuj aanyun ŋakiro daadaŋ ŋuna ayakasi lotau a Esekia.

Ŋikiru. 11:5

Eripiripi Ekapolon ŋuna itiyaete ŋulu iyookino ka ŋuna itiyaete ŋulu aronok, nai eremokino iŋes ŋulu eminasi aryenyeo.

Awos. 16:4

Tema nai Ekapolon neni a Moses, “Etodoiuni tokona ayoŋ akimuj anakuj aŋuna kus, emaikina ŋituŋa toloto a ŋinakoloŋit kiriraut akimuj ŋina itemokino akoloŋit ŋin. Alopite a ŋol, ekatakini ayoŋ ikes, kiwuapete ŋuna alimok ayoŋ ikes, kori mam.

Awos. 3:4

Ani iŋolikin Ekapolon atemar alot Moses diyete nen akiŋolikin, tonyara Akuj iŋes alotooma amoni tema, “Moses, Moses!” Tema Moses, “Ayai.”

Ŋakit. 17:3

Eliyo esilipa ka egolid anibore a ŋini ipoere ikes alokitet tojokyata, nai Ekapolon iŋes elii ŋitai a ŋituŋa tojokyata.

Isa. 6:8

Ekaku abu ayoŋ eira etoil ke Ekapolon iŋita ebala, “Ŋae eyakiyari ayoŋ, ŋae epedori alosit aŋuna kosi?” Abu nai ayoŋ oboŋok otema, “Ayoŋ lo, kiyakiyarae ayoŋ.”

1 Ŋikor. 10:13

Emam akitemyet ŋina iryamut iyes ŋina nyitemitere ŋituŋa ŋuluce. Nai erae Akuj ŋina itiyae ŋuna adau akiikin, ka nyikicamakini iŋes iyes ikitemio tari adepar agogoŋu kus. Apaki ŋina ikitemere iyes, ikiinakini Akuj iyes erot ŋolo ibucarotor, ido topedosi atitinyikin.

Ŋikis. 13:3

Nyemaikina iyes kiwuapa ŋakiro a ŋikadwarak a ŋul, kori a ŋikerujak a ŋul, a ŋulu edwarete ŋuna eponito, anerae ikikatakinit Ekapolon Akuj kus iyes, ikotere eyenuni erae kiminasi iyes kire Ekapolon Akuj kus a ŋitai kus a daadaŋ ka a akiyar kus a daadaŋ.

Ŋikis. 8:16

ka ikisimuj iyes analoŋisat a akimuj a ŋina anyaritae Manna, akimuj ŋina pa ayenete atapapaa kus; abu Ekapolon kitiya ŋun akitiditeunia ka akikatakinia iyes, ikotere ekaku kitiya ŋuna ajokak neni kus.

Ŋikis. 8:2

Totamunito erot ŋolo aoyan ŋolo abu Ekapolon Akuj kus ikirikyo iyes analoŋisat ŋikaru ŋatomoniomwon lu, ikotere itiditeunosi iyes make ka ikikatanak iyes aŋuna ka ayenunia ŋakiro ŋuna aya lotai kus ka ayenunia erae kipedorete akiwuap ŋakiciketa keŋ, kori mam.

Ŋibur. 11:17

Anupit iŋes alemunia Aburaam lokoku keŋ Isaka toruwor amuronot apaki ŋina ekatakinitor Akuj iŋes. Atenit Aburaam ainakin lokoku keŋ ŋolo donupei aruwor amuronot, tari ŋina aris

Yak. 2:21

Ekokinio koloŋ papaa yok Aburaam ituruworyo ŋolo iyookino alokiŋaren Akuj ai? Eturuworyo iŋes ŋolo iyookino aŋuna a ŋiticisyo keŋ, apaki ŋina ainakinia iŋes lokoku keŋ Isaka neni ka Akuj a Namuroet.

1 Pet. 1:7

Erae ikes ŋakikatanakinet anupit kus kerae ŋina a kire. Tari egolid daŋ ŋolo epedoryo akinyasun, ikatakinio ka akim; anupit kus daŋ ŋina ejok nooi akilo egolid, itemokino torotae, ikotere etitinyikini. Aŋun, iryamunete iyes akipuro ka apolou ta akereru apaki ŋina isileereunere Yesu Kristo.

Ŋikat. 2:22

Aŋuna ka akikatakinia Ŋisirael, kepedorete kori pa kepedorete akiricakin akiwuap ŋuna a Ekapolon lopite ŋolo etiyatotor atapapaa kec, kori kemam,

1 Sam. 3:4

Tonyara nai Ekapolon Samuel tema, “Samuel, Samuel!” Toboŋok Samuel tema, “Ayai!”