5 Arae ŋikaru ka Aburaam amiat apaki ŋina edounere Isaka.
Arae ŋikaru ka Aburam ŋatomonikanikauni ka ŋikanikapei apaki ŋina edounio Agar Isimael.
Ani edolete ŋikaru ka Aburam ŋatomonikanikaomwon ka ŋikanikaomwon, totakanu Ekapolon neni ka Aburam tolimok iŋes tema, “Arae ayoŋ Akuj ŋina Etiron, kiwuap ŋakiro kaŋ torae ituŋanan ŋini iyookino.
Toryedik Aburaam, kijuuru todol ereet kwap, ido tokyeni. Kiŋis bon alotau keŋ tema, “Epedor mono ikoku auruun alokile a ŋolo adol ŋikaru keŋ amiat a? Epedori mono Sara ŋina adol ŋikaru ŋatomonikanikaomwon auruun ikoku a?”
Arae ŋikaru ka Aburaam ŋatomonikanikaomwon ka ŋikanikaomwon apaki ŋina eleŋerere iŋes.
Ekaku tolomu lokaato keŋ ikamunit atotinyo a Esau; ŋun alimokinere ekiro keŋ Yakob. Arae ŋikaru a Isaka ŋatomonikanikapei apaki ŋina edounere Esau ka Yakob.
Icenen ekile ŋolo ayauni ŋakiro neni a papa kaŋ, tolimok iŋes ebe, “Edoun ikoku kon, ikoku ŋinisapat,” ido apotu ŋun inakis iŋes alakar.
Aapiyarito ŋikaru ka Aburaam amiat; nai abu akikinyomit keŋ Akuj torubak egogoŋ tari apaki ŋina etamakinia iŋes atemar asalu akuwan keŋ ka Sara daŋ aberu keŋ pa auri.
Abu Aburaam totitinyik, kidaŋidaŋ, ido abu toryamu ŋuna eikinit Akuj.
