Akisy. 21:34 - Ebaibul

³⁴ Kiboi Aburaam anakwap a Ŋipilistin apaki ŋina aoyan arae ituŋanan ŋinigela.

Akisy. 21:34 Iomraidhean Croise

Akisy. 20:1

Towotok Aburaam alo Mamure, kidir lowae ŋolo a Negeb, tolom Gerar kidiŋ Kades ka Sur. Ani eriŋa iŋes iboi a nen erae egela,

Akisy. 22:19

Toboŋo Aburaam a nen, tolot neni aya ŋisorok keŋ ŋulu sek emyekinit iŋes, toboŋosi kaapei Beeriseba; ido torubak Aburaam iboi alo Beeriseba.

1 Ŋakiro a ŋirwa 29:15

Iyeni iyoŋ Ekapolon atemar ikilosi isua anakiyar a na ikwa ŋipeyok ka ŋigelaanotin lopite ŋolo koloŋ atapapaa kosi. Ikwaan ŋirwa kosi anakwap ka etorube, ido ikimamukar isua akigeno.

Ŋikiru. 39:12

Kiira akilip kaŋ okoe Ekapolon, topupok akigworo kaŋ, ido ikiŋarak, nyiwou akiirar akigworo kaŋ, anerae ikirukit ayoŋ ka iyoŋ arae ekaloton, arae ayoŋ egelaanot lopite ŋolo araakatar atapapaa kaŋ daadaŋ ŋigelaanotin.

Ŋibur. 11:13

Apotu ŋituŋa ŋul daadaŋ totwaka enupito. Apotu ikes nyeryamut ŋiboro ŋulu sek eikinit Akuj ikes, nai apotu toanyuwasi ŋiboro ŋul aneni elwana, tolakaros. Apotu tolimosi atemar erae ikes ŋituŋa ŋulu gelae ka ŋikawuotok anakwap a na.

Ŋibur. 11:9

Anupit iŋes abunio Aburaam kiboi anakwap a ŋina eikinit Akuj iŋes erae ituŋanan ŋini gela. Abu iŋes kiboi aloeemae ikwa Isaka ka Yakobo ŋulu apotu toryamut akiikinet ŋinapei aneni ka Akuj.

1 Pet. 2:11

Ŋikaitotoi kaŋ ŋuluminan, ekemaimai ayoŋ iyes, ŋulu irae ŋigelae ka ŋikawuotok: toŋero ekibure ŋolo a ŋawat kus ŋolo itojiye etau a ŋinapaki.