Akisy. 21:33 - Ebaibul

³³ Todupak Aburaam ekitoe ŋolo ikwaan ka ekwaakwaa Beeriseba, ido tonyara a nen ekiro ŋolo ke Ekapolon, Akuj ŋina a ŋikaru ka ŋikaru.

Akisy. 21:33 Iomraidhean Croise

Akisy. 12:8

Towotok Aburam a nen lomukura ŋulu alowae a ŋolo alo Kide Besel, tolom nen, kigurok eema. Ayai Besel lowae ŋolo ka anam, To neni alomit Aburam, toyai Ai Kide keŋ. Todukok Aburam Namuroet nen aŋuna ka akilipya neni ke Ekapolon; ido abu kilip enyarit ekiro ke Ekapolon.

Akisy. 21:32

Ani kedaut Abimelek ka Aburaam acamun alo Beeriseba, toboŋosi Abimelek ka Pikol ŋolo apolokinit ŋasigarya ka Abimelek, toloto nakwap a Ŋipilistin.

Akisy. 26:23

Towotok Isaka anakibois a ŋin tolot Beeriseba.

Akisy. 26:25

Aŋun, abu Isaka todukok Namuroet nen, kilip neni ke Ekapolon a nen, tosodi kigurok eema keŋ nen. Tosodo ŋiketiyak a Isaka tobokakis akare nakibois ŋin.

Akisy. 26:33

Tolimok Isaka ekiro a akare a ŋin Siba; aŋun, aponi tonyarae ekiro a etaun a ŋolo abu min nen Beeriseba tari tokona.

Akisy. 4:26

Touru Set daŋ isapat, tolimok ekiro Enos. Apaki ŋin nai esyakiniata ŋituŋa akikinyomit ekiro ŋolo ke Ekapolon.

Ŋikiru. 90:2

Eriŋa ŋimoru nyitiyauna, kori eriŋa ŋalup ka akwap nyetakanuna ikwapei eyakatar, irae iyoŋ Akuj ŋina a jik.

Ŋikiru. 93:2

Iberakin koloŋ sek iyoŋ akiwuakin apukan kon; iyai iyoŋ ŋinapei koloŋ sek.

Awos. 15:18

Iyoŋ Ekapolon irubakini irae ekepukan ŋolo a ŋikaru ka ŋikaru.”

Isa. 40:28

Nyeyenuna iyes a? Nyiirara iyes a? Erae Ekapolon Akuj ŋina a ŋikaru ka ŋikaru, ekasuban akwap ka ŋinibore eyai nakwap. Nyilelenyenene iŋes, kori nyeupenene; mam ituŋanan epedori ayenun ŋuna eyeni iŋes.

Isa. 57:15

Alimu Ekapolon ŋolo iboi alokidiama nooi, ŋolo iboi ŋikaru ka ŋikaru ŋolo erae ekiro keŋ ŋolo asegan ebe, “Eboi ayoŋ alokidiama ka anakibois a ŋina asegan, kaapei ka ŋituŋa ŋulu itiditeuna ka iapara alotai kec, ikotere ainakini ikes nabo ŋitai ŋulu itiditeuna ka oinak ikes nabo ŋitai ŋulu iapara.

Yer. 10:10

Nai erae Ekapolon Akuj ŋina a kire, erae iŋes Akuj ŋina eyari ka erwosit ŋolo a ŋikaru ka ŋikaru. Ani enyunyurikin iŋes, tomaranik akwap ka nyepedorete ŋituŋa a ŋakwapin akidaŋidaŋ aŋoit keŋ.

Amos 8:14

Emunyarosi ka nyeyarete nabo jik ŋituŋa ŋulu ikoŋete enyarito ekiro ŋolo ka Asima a akuj a ŋina a Dan a ŋina eyai Samaria, ido ebasi, kori enyarito ekiro a akuj a ŋina eyai Beeriseba.’ Emunyarosi ŋituŋa ŋul, nyeyarete nabo jik.”

Abak. 1:12

Ekapolon, ŋina pei anakisyakinet irae iyoŋ Akuj, irae iyoŋ Akuj kaŋ ŋina asegan ka ŋina a ŋikaru ka ŋikaru. Okoe Ekapolon Akuj kaŋ ka ekeuryaran kaŋ, idau iyoŋ aseun ŋituŋa a Babilon ka itogogoŋ iyoŋ ikes, ikotere ikisicanete isua.

Ŋirom. 1:20

Emam ituŋanan epedori akiŋolikin Akuj. Nai ŋinapei koloŋ asubunia Akuj akwap, epedorete ŋituŋa ayenun apedor keŋ ŋina nyedaun ka akujuwuanut keŋ aloboro a ŋulu esubunit iŋes. Aŋun, emam epite ŋolo erimakinere ikes.

Ŋirom. 16:26

Nai tokona esileereun ŋakiro ŋun a Nakigireta a ŋikadwarak ka eteyenikin lotuŋa a ŋibukui a daadaŋ lopite ŋolo icikakinitor Akuj ŋina nyesaluni; ikotere tonupa ka kiwuapa daadaŋ ŋakiro ŋuna ka Akuj.

Ŋikis. 16:21

Nyidupakis diyete Namuroet ŋina itiyaunete iyes a ŋuna ke Ekapolon Akuj kus apuŋure ŋina italeoritae,

Ŋikis. 32:40

anerae ekyaari ayoŋ ŋakan kaŋ kidiama, ekoŋ otema, ‘Ikwapei ayarya ayoŋ ŋikaru ka ŋikaru,

Ŋikis. 33:27

Akuj ŋinaruba iŋes erae akaiunan kus, abu iŋes tomunya anakwap ŋajorei ŋunakoloŋ, abu kirita ŋimoe kus alokiŋaren kus, ido tema, “Tomunyasi!”

1 Tim. 1:17

Toyai akerit ka apolou ŋina nyedaun neni ke Erwosit a ŋolo ipukae ŋikaru ka ŋikaru, ŋolo nyetwani, ŋolo erae iŋes bon erae Akuj! Amen.

Ŋibur. 13:8

Nyiloconokin Yesu Kristo jik, ikoni nenipei ayakar bien, nakoloŋit na ka rwanu daŋ.

Ŋikat. 3:7

Apotu Ŋisirael kitiyata ŋakiro ŋuna aronok nooi aneni ke Ekapolon, kimuryak ikes Ekapolon Akuj kec ka kilipa neni ata Baal ka neni ata Asera.