Akisy. 21:22 - Ebaibul

²² Apaki ŋin, temasi Abimelek ka Pikol ŋolo arae ekapolon a ŋasigarya keŋ neni ka Aburaam, “Irukito iyoŋ ka Akuj alotooma daadaŋ ŋuna itiyae iyoŋ.

Akisy. 21:22 Iomraidhean Croise

Akisy. 20:14

Tolemu Abimelek ŋamesekin, ŋimoŋin, ŋipi ka ŋapi, inak Aburaam. Kinyakak Aburaam aberu keŋ Sara.

Akisy. 20:17

Kilip nai Aburaam neni ka Akuj aŋuna ka Abimelek, tolema Akuj ŋilam aneni ka Abimelek ka aneni ka aberu keŋ ta aneni a ŋaberu keŋ a ŋuna pa eitit, togeut akidore,

Akisy. 20:2

abu Aburaam tolimu atemar, erae aberu keŋ Sara nakaato keŋ. Ŋun nai abunio Abimelek erwosit ŋolo a Gerar kiyakiyarya ŋituŋa yaut Sara neni keŋ.

Akisy. 26:26

Tolot Abimelek alo Gerar neni a Isaka, torukosi ka Ausas erukitos keŋ ŋolo eŋarakinit iŋes akipuka ejok ta Pikol ekapolon a ŋasigarya keŋ.

Akisy. 26:28

Temasi ikes, “Ikianyu isua kire jik atemar irukito iyoŋ ke Ekapolon; aŋun, ikitemari, ekoŋo iwon ŋinituŋanan neni a ŋinice ka ewuakisi acamunet yok, ŋinituŋanan neni a ŋinice,

Akisy. 28:15

Toyenu nu ebe ikiruki ayoŋ ka iyoŋ, ekeyokit ayoŋ iyoŋ aneni daadaŋ ilosi iyoŋ, ido ekenyakuni iyoŋ nakwap na, anerae nyakaesikini ayoŋ iyoŋ mati ketiyak ŋuna adau akiikin iyoŋ.”

Akisy. 30:27

Nai tema Laban neni a Yakob, “Kimyekinae ayoŋ okolimok ŋuna acamit alimun, adau ayoŋ ayenun anakisileerekinet ke Ekapolon atemar eketerereŋ ayoŋ Ekapolon aŋuna kon.

Akisy. 31:5

Tolimok ikes tema, “Aanyu ayoŋ atemar nyeriŋa papa kus akamina ayoŋ lopite ŋolo paaran akaminar. Nai ŋinapei nyimyekina Akuj apapa kaŋ ayoŋ.

2 Sam. 24:7

Ani nai enyounete alo Sidon, apotu toloto lowae ŋolo ayai aduketait ŋina jiet alo Tiro ka toloto lotaunio a Ŋiipi daadaŋ ka Ŋikanaani daadaŋ. Ani ekaku, toloto Beeriseba lowae ŋolo alo Kwap Yudaya.

2 Ŋakiro a ŋirwa 1:1

Abu Solomon lokoku a Daudi kisicat apukan keŋ ejok, arukito iŋes ke Ekapolon Akuj keŋ, ido abu Akuj kituruwo iŋes arwonit.

Isa. 45:14

Alimu Ekapolon ebe, “Eyaunio neni kon ebari a Ijipit ka ŋiboro ŋulu egyelanaryo alo Esiopia ta ŋiboro a Ŋisabean a ŋituŋa a ŋulu aoyak, eyaunio neni kon ka eruworosi ŋiboro ŋul daadaŋ ŋulu kon, epote ŋituŋa ŋul akiwuap iyoŋ irae ekapolon kec; epote ikes neni kon eenitae a ŋiriko, toryediko alokiŋaren kon. Ikilipete ikes iyoŋ ebasi, ‘Iyoŋ bon irukito ka Akuj, emam ice erukito ka Akuj, emam akuj ace mati ŋina irukitotor iyoŋ.’

Isa. 8:10

Toyeutu akitiya ŋakiro kus, nai nyiyookinosi kirworo ŋakiro ŋuna icamito iyes daadaŋ, nai nyiyookinosi, anerae ikirukit isua ka Akuj.

Sakar 8:23

Alorwa a ŋul epote ŋituŋa ŋulugelaanotin ŋitomon neni ke Eyudayat ke epei temasi, ‘Ecamitae isua arukor ka iyoŋ neni ilosi, anerae adaun isua akiirar atemar irukito iyoŋ kaapei ka Akuj.’ ”

Mat. 1:23

“Epotiuni ka idouni apese ŋina nyiryamakina ka ekile ikoku ŋini sapat, enyarao ekeekiro Emmanuel.” (Apolou keŋ atemar, “Ikirukit iwon ka Akuj.”)

Ŋirom. 8:31

Aŋuna a ŋakiro a ŋun a daadaŋ, ikitemari iwon ai? Ani keriit Akuj neni yok, ŋae epedori akitepeg iwon?

1 Ŋikor. 14:25

Isileereuni ŋuna alotau keŋ ŋuna imunono, ido toryedik kilip neni ka Akuj, ebala, “Kire, eyai Akuj neni kus!”

Ŋibur. 13:5

Nyiraakasi ŋulu iminasi ŋisiliŋa, kimwonikina a ŋiboro a ŋulu iyakatar iyes. Anerae alimu Akuj atemar, “Nyakaesikini ayoŋ iyoŋ jik, nyakacakari ayoŋ iyoŋ jik.”

Yos. 3:7

Kirwor nai Ekapolon neni a Yosua tema, “Akoloŋit na, esyakini ayoŋ akitopoloor iyoŋ alokiŋaren Ŋisirael daadaŋ, ikotere toyenuniata ikes atemar ikiruki ayoŋ ka iyoŋ lopite ŋolo abunio orukioto ka Moses.

Akis. 3:9

Kiira! Ayauni ayoŋ neni kon atukot ŋina a Satan, ŋikalyokonok ŋulu ebasi ikirae Ŋiyudayan, nai nyerae. Ayauni ikes eteryedik alokiŋaren kon, ikotere eyenunete atemar akamina ayoŋ iyoŋ.

1 Sam. 24:22

Abu nai Daudi kikoŋ ŋun alokiŋaren Saul. Torotok nai Saul toboŋo lore keŋ; nai toboŋosi Daudi ka ŋikajiok ŋulu arukito ka iŋes kitipeiyosi naturukanin ŋuna sek aŋopitotor alokamukumukui.

1 Sam. 3:19

Ayai Ekapolon kaapei ka Samuel apaki ŋina apolounio iŋes, ido abu Ekapolon kisiyook ŋuna aris kelimu.