Akisy. 21:1 - Ebaibul

¹ Abu Ekapolon kiterereŋ Sara ikwapei sek eikinitor, ido abu kitiyak neni a Sara ŋuna aris kiik iŋes.

Akisy. 21:1 Iomraidhean Croise

Akisy. 17:16

eterereŋi ayoŋ iŋes ka daŋ iryamuni iyoŋ ikoku ŋinisapat aneni keŋ. Kire, eterereŋi ayoŋ iŋes ka eruwor iŋes toto a ŋituŋa a ŋakwapin; elomunete ŋirwosi a ŋakwapin aneni keŋ.”

Akisy. 17:19

Tema Akuj, “Mam, euruuni aberu kon Sara ikoku ŋinisapat aŋuna kon, ido ilimokini iyoŋ ekiro keŋ Isaka. Ewuak ayoŋ acamunet kaŋ ka iŋes erae ŋina a ŋikaru ka ŋikaru a ŋuna a ŋiletok keŋ.

Akisy. 17:21

Nai acamunet kaŋ ka iyoŋ, etogogoŋi ayoŋ aneni a Isaka a ŋolo euruuni Sara aŋuna kon apaki napei na ekaru ŋolo moi.”

Akisy. 18:10

Tolimok epei alokidiŋ ŋikilyok ŋul Aburaam tema, “Kire jik, aboŋuni ayoŋ neni kon apaki ŋina ejokunia ekaru ŋina ieteunio, apaki ŋin, eyakaunor aberu kon Sara ikoku ŋinisapat.” Apupi Sara ŋakiro ŋun alopuke a eema alokaku Aburaam, aneni eboiyo iŋes.

Akisy. 18:14

Eyai mono ibore ŋini etyono aneni ke Ekapolon a? Aboŋuni ayoŋ neni kon apaki ŋina itemokinitoe, apaki ŋina ejokunia ekaru ŋina ieteunio, apaki ŋin, eyakaunor Sara ikoku ŋinisapat.”

Akisy. 24:36

Alorwa a ŋulu arisyo Sara kemojoŋ, abu kidou ikoku ŋinisapat aŋuna a ekapolon kaŋ, ido ainaki ekapolon kaŋ ikoku ŋin ibore daadaŋ ŋini eyakar iŋes.

Akisy. 50:24

Tema nai Yosepu neni a ŋikaitotoi keŋ, “Aapuu ayoŋ atwanare; nai kire ebuni Akuj neni kus akiŋarakin iyes, ikiyai iŋes iyes kitipeiyosi anakwap a na, toloto nakwap ŋina abu iŋes kikoŋ ainakin neni ka Aburaam, Isaka ka Yakob.”

2 Ŋirw. 4:17

Abu aberu ŋin topoti kidou ikoku ŋinisapat edoli ŋirwa ŋulu aris Elisa kelimoki iŋes.

Ŋikiru. 106:4

Totamunae ayoŋ, okoe Ekapolon apaki ŋina iŋarakinia iyoŋ ŋituŋa kon; kiŋarakinae ayoŋ daŋ apaki ŋina iunia iyoŋ ikes,

Ŋikiru. 12:6

Erae ŋakiikineta a Ekapolon ŋakiro ŋuna iyookino, iyookino ikes ikote esilipa ŋolo aliuna ejok; esilipa ŋolo eliitae alokitet ŋarwa ŋuna alalak.

Awos. 20:5

Nyiryediko kilipa neni kec; anerae ayoŋ Ekapolon Akuj kus, Akuj ŋina alilyan, esicani ayoŋ ŋidwe aŋuna ka asecit atapapa kec akitodol nanyamet ŋina a ŋauni ka ŋina a ŋaomwon a ŋulu akaŋerito ayoŋ,

Awos. 3:16

“Ape tocunak ŋikasikou a Ŋisirael, tolimok ikes ebe, ‘Abu Ekapolon Akuj totakanu neni kaŋ, Akuj ka Aburaam, Akuj a Isaka ka Akuj a Yakob, ebala; adau ayoŋ akiŋolikin iyes ka aanyun ŋuna adaun akitiya neni kus anakwap a Ijipit.

Awos. 4:31

Tonupa ŋituŋa ŋakiro ŋun; ani iirarete ikes atemar adau Ekapolon akiirar akigworo a Ŋisirael ka eŋolik ŋican ŋulu eryamunito ikes, apotu Ŋisirael toryediko kijuuroto kilipa.

Mat. 24:35

Edaunosi nakuj ka akwap, nai nyedaunosi ŋakaakiro jik.

Luk. 1:68

“Kipuroe Ekapolon Akuj a Isirael, anerae abu iŋes lotuŋa keŋ alacakin ikes.

Luk. 19:44

Ikinyasunete ikes iyes ka ŋidwe kus ŋulu eya tooma ŋakorya kus; emam amoru tari apei daŋ ŋina imyekinio ewuoi, anerae pa iyenete iyes apaki ŋina ebunio Akuj aiun iyes!”

Ŋigal. 4:23

Aponi touruunae lokoku a ŋina arae apito alopite a ŋituŋa daadaŋ, nai lokoku a ŋina pa arae apito, aponi touruunae aŋuna ka akiikinet a ŋina ka Akuj.

Ŋigal. 4:28

Ŋikaitotoi kaŋ, iraakasi iyes ŋidwe ŋulu ka Akuj aŋuna ka akiikinet keŋ, lopite ŋolo aryamunia Aburaam lokoku keŋ Isaka.

Tito 1:2

ŋakiro ŋuna eponito anakigeno a ŋina ka akiyar a ŋina nyedaun. Abu Akuj ŋina nyelyokono ikiik iwon akiyar ŋin eriŋa ŋakwapin nyesubuna

Rus. 1:6

Tonyout Naomi kaapei ka ŋaterak keŋ toboŋosi alo Moab, anerae kebu iŋes kiira ebe adau Akuj atamun ŋituŋa keŋ Ŋisirael, ainakin akimuj.

1 Sam. 1:19

Tonyout ikes taparacu sek kilipa neni ke Ekapolon; toboŋosi nai lore kec Rama. Kiryamakinos Elkana ka aberu keŋ Ana, ido abu Ekapolon toboŋok akilip ka Ana.

1 Sam. 2:21

Kiterereŋ Ekapolon Ana, kidou ŋisapa ŋice ŋiuni ka ŋapesur ŋaarei, abu Samuel daŋ topolou itiyanakini Ekapolon.