Akisy. 20:9 - Ebaibul

⁹ Tonyarau Abimelek Aburaam kiŋit tema, “Anukiro nu, ŋuna itiya iyoŋ neni kosi? Alipite aseca ayoŋ aneni kon, ŋolo iyaunia iyoŋ akiilit ŋina apolon neni kaŋ ka nakwap kaŋ? Itiya iyoŋ neni kaŋ ŋuna nyemaikina kitiyakin.”

Akisy. 20:9 Iomraidhean Croise

Akisy. 12:18

Tonyarau Parao Aburam kiŋit tema, “Anukiro nu ŋuna itiya iyoŋ neni kaŋ? Nyo pa ikilimokinia iyoŋ ayoŋ atemar erae iŋes aberu kon?

Akisy. 20:10

Kiŋit nabo Abimelek Aburaam tema, “Anukiro itami iyoŋ apaki ŋin, ŋuna itiyakinia iyoŋ ŋun daadaŋ?”

Akisy. 20:8

Aŋun, tonyou Abimelek taparacu sek, tonyarau ŋiketiyak keŋ daadaŋ, tolimok ikes ŋakiro ŋun daadaŋ, ido apotu ŋakiro ŋun inakis ŋiketiyak ŋul ekabule.

Akisy. 26:10

Tema Abimelek, “Anukiro nu ŋuna itiya iyoŋ neni kosi? Kepedorit robo ituŋanan ice akirat aberu kon, ido iyau iyoŋ ekaile ŋolo ka asecit neni kosi.”

Akisy. 29:25

Ani taparacu, kiŋolik Yakob erae Lea erukitotor iŋes. Kiŋit Yakob Laban tema, “Anukiro nu ŋuna itiya iyoŋ neni kaŋ? Pa mono arae aŋuna a Rakel etiyaa ayoŋ neni kon a? Nyo bo ikimodikinia iyoŋ ayoŋ?”

Akisy. 34:7

Ani edolunete ŋidwe a Yakob ŋulusapa anacokor, kiirasi ŋakiro a Dina atipei. Toumokis ka toŋoa nooi, anerae kebu Sekem kitiya ŋuna a ŋileec aneni a Ŋisirael, aŋuna kebunio kikamunia nakoku a Yakob kituruwo aberu keŋ, torae bo ŋun ŋuna pa amaikina akitiya.

Akisy. 38:24

Ekaku a ŋilapyo a ŋiuni, tolimokinae Yuda temarae, “Kelom nateran kon Tamar ka daŋ epoti iŋes ikoku ŋinilomuna.” Tolimu Yuda tema, “Yautu iŋes kiŋa, emaikina kicunyae iŋes.”

Akisy. 39:9

Mam ituŋanan epol alokai a na akilo ayoŋ, mam ibore ŋini nyeinakina iŋes neni kaŋ mati iyoŋ bon; anerae irae iyoŋ aberu keŋ. Ekokini nai ayoŋ etiyae ŋakiro ŋuna aronok ŋun ai, osec alokiŋaren Akuj?”

2 Sam. 12:5

Toŋo Daudi aŋuna a ekabaran a ŋol, tema neni a Nasan, “Kire jik, ekoŋi ayoŋ alokiro ke Ekapolon a ŋolo eyari atemar emaikina etuŋanan ŋolo etiya ŋakiro ŋun totwana!

2 Sam. 13:12

Toboŋok Tamar iŋes tema, “Mam, lokaapa, nyikireik ayoŋ akiryamakin ka iyoŋ, anerae mam ituŋanan itiyae ŋakiro ŋuna ikote ŋun alo Isirael; nyitiya ŋakiro ŋun, erae akapil.

Awos. 32:21

Kiŋit nai Moses Aron tema, “Anukiro apotu ŋituŋa lu kitiyata neni kon, ŋuna iyaunia iyoŋ asecit na ŋina apolon nooi neni kec?”

Awos. 32:35

Abu nai Ekapolon yau edeke neni a ŋituŋa, anerae apotu ikes kisitiyaut Aron etorube a itaok.

Ŋakit. 28:10

Ituŋanan ŋini erikori ŋini iyookino akitiya aronis, elomari nakiro keŋ a ilope ŋuna aronok, nai eryamuni ŋini nyitoroniyaritae ŋiboro ŋulu alalak.

Ŋilep. 20:10

“‘Ani kelom ekile edio aberu a ekidunyet keŋ, emaikina toarae ekaloman ŋol kaapei ka akaloman ŋin.

Ŋirom. 2:11

Anerae, nyetyakatyakat Akuj ŋituŋa.

Tito 1:11

Emaikina kiretakinae ikes alorwor kec, anerae eguryakis ikes ŋikalya daadaŋ, aŋuna itatamyata ŋakiro ŋuna nyitemokino kitatamae. Itatamete ikes ŋakiro ŋun aŋuna ca ka aryamunia ŋisiliŋa.

Ŋibur. 13:4

Itemokino ŋituŋa daadaŋ kitopoloorito ekiitanu. Itemokino ŋikilyok ka ŋaberu torae ŋulu ikinyoma make, anerae etubokini Akuj ŋulu emalaaka ka ŋikalomak.

Yos. 7:25

Abu Yosua tema, “Kaanukiro ikiinakinia iyoŋ isua ŋican? Ikisicani Ekapolon Akuj iyoŋ nakoloŋit na.” Kiruwakis Ŋisirael daadaŋ Akan ka ŋituŋa keŋ a ŋamoru, tocakae ikes ka ŋibaren kec, tosodi kicunyakinae.