Akisy. 2:8 - Ebaibul

⁸ Kiwuak Ekapolon Akuj emanikor lowae ŋolo alo Kide, neni anyaritae Eden, kiwuak ituŋanan ŋini asubuni iŋes nen.

Akisy. 2:8 Iomraidhean Croise

Akisy. 13:10

Toŋoleŋolek Lot erounit akwap ŋin daadaŋ, ani iŋoliyari lowae ŋolo a Yorodan, kiŋolik ŋadipoe ŋuna a Yorodan erae ŋuna elelenakini ejok alowaetin a daadaŋ, ikwaan ke emanikor ŋolo ke Ekapolon ka akwap ŋina a Ijipit alowae a ŋolo a Soar. Apaki ŋin, ariŋa Ekapolon nyinyasuna Sodoma ka Gomora.

Akisy. 3:23

Aŋun, abu Ekapolon Akuj kirita ituŋanan alomanikor ke Eden, kituruwo iŋes eketan ŋalup ŋunapei sek alemunere iŋes.

Akisy. 3:24

Kirita Akuj ituŋanan alomanikor ka Eden, ido kiwuak ŋimalaikan ŋulu enyaritae Ŋikerubim akiboi alo Kide emanikor ke Eden, kiwuak daŋ ekileŋ ŋolo emilimili nooi kirimi, kiyoki erot ŋolo elosi lokitoe ŋolo ka akiyar.

Akisy. 4:16

Torotok Kain alokiŋaren Ekapolon, tolot akiboi Nod, nakwap ŋina ayai Kide Eden.

2 Ŋirw. 19:12

Apotu koloŋ atapapaa kosi kinyasut ŋitaunio Gosan ka Aran ta Resep, tosodo tomunyasi ŋituŋa ŋulu a Eden ŋulu alomito Telasar. Mam ŋakujo kec ŋuna apotu tolakut ikes.

Isa. 51:3

Isirworiuni Ekapolon ŋituŋa a Sion; itojokuni ŋakiboisyo kec daadaŋ ŋuna apotu toruworos ŋacaryo ka ituruwori aloŋisat kec akibois ŋina ajokan ŋina ikoni Eden, kikwaanikin aloŋisat kec ka emanikor a Ekapolon. Eyakaun alelyanu ka alakara Sion, eokinete ŋituŋa a nen ŋieosyo ŋulu ka alakara.

Esek. 27:23

Apotu ŋituŋa ka Aran, Kane, Eden ka ŋimucurus ŋulu a Seba, Asur ka Kilimad kicurutata ka iyoŋ.

Esek. 28:13

Iboi iyoŋ paaran esibit iyai Eden, lomanikor ŋolo ka Akuj; apotu ŋamoru ŋuna epol egyelit daadaŋ ikisibusa iyoŋ inapit; ŋamoru ŋun ikes nu: Ŋuna areŋak puu ŋuna enyaritae Rubi, ŋuna enyaŋiyarito ŋuna enyaritae Topas, ŋuna inyalal ŋiraŋgi ŋuna enyaritae Diamon, ŋuna enyaŋiyarito ŋuna enyaritae Beril, ŋuna areŋak puu ŋuna enyaritae Oniks, ŋuna inyalal ŋiraŋgi ŋuna enyaritae Yasiper, ŋuna epusiyaka ŋuna enyaritae Sapire, ŋuna inyalal ŋiraŋgi ŋuna enyaritae Turikuoise, ŋuna alibak nooi ŋuna enyaritae Emerald ka egolid. Iyakar iyoŋ ŋinapito ŋulu enaminamitae egolid; aponi kitemonokinoe ŋinapito ŋul akoloŋit ŋina ikisubunere iyoŋ.

Esek. 31:16

Abu ayoŋ etamaranik ŋituŋa a ŋakwapin iirarete epite ŋolo aruunio ekitoe ŋol eritakin kwap, apaki ŋina emasarya ayoŋ iŋes nakibois a ŋikatwak kaapei ka ŋulu amaikina tolomasi nakipany. Apotu nai ŋikito daadaŋ ŋulu aya Eden ka ŋikito ŋulu ebusak ka ŋulu ebusak alo Lebanon ka daadaŋ ŋulu alomunito aneni aya ŋakipi tolakaros aŋuna ka aukor a ekitoe a ŋol.

Esek. 31:18

“Ekitoe ali alo Eden epedoryo akisikwaan ka iyoŋ anapolou kon a ŋina ailiilon ikimasakinio tokona iyoŋ kwap kaapei ka ŋikito a Eden, ikiwuakin nakibois a ŋikatwak, iperi iyoŋ aneni eperyoto ŋulu nyileŋeritae, aneni eperyoto ŋulu aaryo a ekileŋ. Erae Parao ka ŋajoresyo keŋ irworo Ekapolon ŋakiro kec a ne.”

Yoel 2:3

Irikarete ikes ŋikito ikwa irikarya akim. Ikwaanikin akwap ŋina eyai kiŋaren keŋ ka emanikor ŋolo ke Eden, nai kaku keŋ, eruwor aloŋisat ŋina eonit deu, ido mam ibore imyekini iŋes.