Akisy. 2:7 - Ebaibul

⁷ Toyeu nai Ekapolon Akuj ituŋanan a ŋalup, tokutak ekieŋanu ŋolo erae akiyar lokumes a ituŋanan; toruwor ituŋanan ŋin ŋini eyari.

Akisy. 2:7 Iomraidhean Croise

Akisy. 1:27

Tosub Akuj ŋituŋa eyakatar ŋasima keŋ, alopite a ŋolo eyakatar ŋasima keŋ, abu tosub ikes. Tosub ekile ka aberu.

Akisy. 2:6

Nai aitununuyete ŋakipi alokwap tolelekis akwap daadaŋ.

Akisy. 3:19

Imuji iyoŋ kidau abukor ŋakinyinyir aloreet akitodol ŋina iboŋorya iyoŋ nalup, anerae nalup iŋes ikilemunere iyoŋ; irae iyoŋ ŋalup, tosodi nalup iŋes iboŋori iyoŋ.”

Akisy. 3:23

Aŋun, abu Ekapolon Akuj kirita ituŋanan alomanikor ke Eden, kituruwo iŋes eketan ŋalup ŋunapei sek alemunere iŋes.

Akisy. 7:22

totwan anakwap ibore daadaŋ ŋini ieŋa alokumes.

Yob 27:3

ani ca keriŋa ayoŋ ayari eeŋa, keriŋa ekieŋanu ka Akuj itorunit lokumes kaŋ,

Yob 33:4

Erae etau ŋolo ka Akuj iŋes ayakar ayoŋ arae ituŋanan, ekieŋanu ŋolo ka Akuj a ŋina etiron iŋes akainakinit ayoŋ akiyar.

Yob 33:6

Kiira, ikiriyan iwon daadaŋ alokiŋaren Akuj; ayoŋ daŋ akayeunio a ecoto.

Yob 4:19

Anu nai itiyakini Akuj neni a ŋituŋa a ŋulu erae ŋalup esubunitere, a ŋituŋa a ŋulu erae apuwa koŋin itiyaunitere, a ŋulu epedoryo akipudaar lopite ŋolo ipudaarere esipiran.

Ŋikiru. 100:3

Toyenete atemar erae Akuj Ekapolon. Erae iŋes abu ikisub iwon, eraakae iwon ŋulu keŋ; ikirae iwon ŋituŋa keŋ, iŋes ikiyoki iwon.

Ŋikiru. 103:14

anerae eyeni iŋes epite ŋolo ikisubunitere iwon, eyeni iŋes atemar ikirae iwon apuwa.

Ŋakit. 20:27

Erae etau etaa ŋolo a Ekapolon anakiyar a ituŋanan, isitiyae Ekapolon etau a ituŋanan ayenununia ŋuna eya neni a ituŋanan.

Ekal. 12:7

Eboŋorete ŋawat yok nalup ŋunapei sek alemunere, ido eboŋorete ŋitai yok neni ka Akuj a ŋina abu kiwuak ikes nawat yok.

Ekal. 3:7

eyai apaki ŋina ecilere ibore ka eyai apaki ŋina edonyokinere; eyai apaki ŋinakililiŋet ka eyai apaki ŋinakirworikinet;

Isa. 2:22

Tojoŋoto akikinyomit ituŋanan, ekieŋanu bon eraakar iŋes ituŋanan. Nyo ejok aneni keŋ ŋini emaikina kikinyomere iŋes?

Isa. 64:8

Kikote neni daŋ okoe Ekapolon, irae iyoŋ papa kosi. Ikirae isua ecoto ka iyoŋ ekayeunan isua; ikirae isua daadaŋ ŋisubuna kon.

Aum. 4:20

Apotu ikes kikamasi erwosit kosi ŋolo amecitae isua neni keŋ, ŋolo arae Ekapolon abu toseu aruwor erwosit. Erwosit ŋolo sek ekinyomitae isua atemar ikiuni iŋes isua alomoe a daadaŋ.

Esek. 37:5

Alimu Ekapolon Akuj ŋakiro aŋuna a ŋakoyo a nu atemar, emyekini ayoŋ ekieŋanu toloma neni kus, ido toyarut iyes.

Esek. 37:6

Ewuanakini ayoŋ ŋamori neni kus ka emyekini ayoŋ akiriŋ itarapuwa iyes, tosodi nai okarapuwa ayoŋ iyes a amuny a ŋina ka akuwan; ewuakini ayoŋ ekieŋanu neni kus toruwor iyes ŋulu iyarete, ido iyenunete iyes atemar arae ayoŋ Ekapolon.”

Sakar 12:1

Erae nu ŋakiro a Ekapolon aŋuna a Isirael, ŋakiro a Ekapolon a ŋolo abu tosub kidiama lopite ŋolo eyakar, tosub akwap, ido inak akiyar neni a ituŋanan. Ebala iŋes ebe,

Ekim. 16:22

Anenipei, toramakinos Moses ka Aron todolo ŋireetin kwap, ido temasi, “Okoe Akuj, Akuj ŋina a ŋitai a ŋituŋa a daadaŋ, iŋoikini iyoŋ ŋituŋa daadaŋ aŋuna ka asecit a ipeituŋanan a?”

Ekim. 27:16

“Elipi Ekapolon Akuj ŋina a ŋitai a ŋituŋa a daadaŋ, toseu ituŋanan ice ŋini epolokini atukot a Ŋisirael,

Yoa. 20:22

Kedau alimun ŋun, kieŋak neni kec tema, “Kijaasi Etau ŋolo Asegan.

Ŋitic. 17:25

Nabo daŋ nyiitanit iŋes akiŋarakinet a ŋituŋa esibit icana iŋes idiobore, torae bo iŋes einanakini akiyar ka ekieŋanu ta ŋiboro daadaŋ neni kec.

Ŋirom. 9:20

Nai ŋae mono iyoŋ ituŋanan itepegi Akuj? Nyepedori amot akiŋit ekayan keŋ ebe, “Kaanukiro ikiyeunia iyoŋ ayoŋ ikwana?”

1 Ŋikor. 15:45

Anerae ebasi Ŋakigireta ebe, “Abu Akuj tosub ituŋanan ŋini ke ekiŋaren--Adam--erae ituŋanan ŋini eyari”; nai Adam ŋolo esidyon--Kristo--abu toruwor Etau ŋolo einanakini akiyar.

1 Ŋikor. 15:47

Adam ŋolo eŋarenon, ŋolo asubunio analup, erae ekaakwap. Adam ŋolo a ŋiarei ŋolo erae Kristo, erae ekanakuj.

2 Ŋikor. 4:7

Nai iwon ŋulu ikiyakar ebari ŋolo ebunit aneni ka Akuj, ikikoni iwon ŋamoti ŋuna eyeunitae a elupe, ikotere ikitoodiunia atemar nyerae apedor ŋina apolon ŋina ka Akuj ŋina yok.

2 Ŋikor. 5:1

Ikiyeni iwon atemar, ani ŋina inyasunor eema lo--akuwan yok ŋina esaluni--eyakaunor Akuj akai aŋuna yok nakuj, akai ŋina adau iŋes alope akitemokin, ŋina a ŋikaru ka ŋikaru.

1 Tim. 2:13

Anerae Adam aponi tosubunae ekiŋaren, tosubunae nai Epa.

Ŋibur. 12:9

Atapapa yok ŋulu ikiuruunete iwon, ikisicanete ikes iwon, ido okera iwon ikes. Etya nai ai akerit ŋina itemokino iwon okeritotor Papa yok ŋolo eyai nakuj, ikotere oyara!