Akisy. 19:9 - Ebaibul

⁹ Nai toboŋokis ikes temasi, “Kiyoto!” Tosodi temasi, “Abuni lo ne erae egela, ido itemokino mono iŋes erae ekatubon jwi jwi a? Ikisicanio tokona isua iyoŋ erono nooi akilo ŋikilyok ŋul.” Kijukasi ikes Lot nooi, kiimakis lopuke aŋuna ka abwaŋia epuke.

Akisy. 19:9 Iomraidhean Croise

Akisy. 11:6

Tolimu Ekapolon tema, “Kiŋolikisi, erae ikes ŋituŋa ŋipei, ka irworosi ikes aŋajep apei, erae na akisyakinet a ŋuna elosete ikes akitiya, nyipiyori tokona ikes ibore daadaŋ ŋini ecamito ikes akitiya.

Akisy. 13:12

Kiboi Aburam alo Kanaan, ido kiboiyo Lot lotaunio ŋulu a ŋadipoe a Yorodan, todukok eema keŋ Sodoma.

Awos. 2:14

Toboŋok ekile ŋol Moses kiŋit tema, “Ŋae ikituruwori iyoŋ ekapolon kosi ka ekatubon ŋakiro kosi? Icamit iyoŋ akiar ayoŋ daŋ lopite ŋolo bien ibunio toarya Ejipitanoit a?” Aŋun, abu Moses kiil nooi totamatama tema, “Kire jik, keyenut ŋituŋa ŋuna etiyat ayoŋ.”

Ŋakit. 14:16

Erae ŋikaosok ŋulu ecoito akitiya aronis ŋapakio daadaŋ, nai nyecoito ŋibaŋaanotin akitiya aronis, ionyanakinete atipei akitiya aronis.

Ŋakit. 17:12

Ejok ajiore ka ityaŋ ŋini adedeŋan ŋini ikibenyuni aŋuna edemaritere iŋes ŋitak keŋ, akilo ajiore ka ibaŋaanot aŋuna ka abaŋao keŋ.

Ŋakit. 27:3

Erae ŋamoru ibore ŋini epot ka erae asinyon ibore ŋini eposik, nai etyoko nooi ŋakiro ŋuna ikitoŋoya ibaŋaanot akilo apotis a ŋamoru, kori aposikik a asinyon.

Ekal. 10:13

Isyakinete ŋibaŋaanotin erwor ŋakiro ŋuna ka abaŋao, ido ekaku kirworo aronis ka ŋimasimas;

Ekal. 9:3

Eroko ŋakiro ŋun ŋuna etakanunete neni a ŋinituŋanan ŋun, ikwaan aronis kec ka aronis ŋina etakanunui neni a ŋinibore anakwap a na. Apaki daadaŋ ŋina iboiyoto ŋituŋa anakwap a na, ileleba aronis natameta kec ka imasimasit ikes, ido elemari atwanare ikes atipei pa eyenete.

Isa. 65:5

a ŋituŋa a ŋulu ebasi, “Kiboi bon ai na, nyibu diyete kaŋ, anerae aseg ayoŋ nooi akilo iyoŋ.” Erae ŋituŋa ŋulu ikote ŋul ŋikoŋinae aneni kaŋ ikwaan ka apuru a ŋikumes, ikwaan ka akim ŋina enoki apaaran daadaŋ.

Yer. 3:3

Aŋun, ikimiki iyes akiru, ido nyebuno neni kus akiru ŋina ieteunio akwap; kikote neni daŋ, irubakinito iyes itamete mono ekiŋaren ŋuna ka amalao, iŋero iyes acamun atemar ikiryamu ŋileec.

Yer. 6:15

Apotu ikes kitiyata ŋuna a ŋileec, apotu ikes kitiyata ŋakiro ŋuna asiilyanak. nai nyiruma ikes ŋileec, pa ayenete ikes epite ŋolo irumyata ikes ŋileec nooi. Aŋun, etwakete ikes daŋ lopite ŋolo atwakyata ŋuluce, apaki ŋina esicania ayoŋ ikes, eruwor ŋin adaunet kec.”

Yer. 8:12

Apotu ikes kitiyata ŋuna a ŋileec, apotu kitiyata ŋakiro ŋuna asiilyanak, ido nyiruma ikes ŋileec, pa apotu ikes toyenut epite ŋolo anyunyuratar ikes make, aŋun, etwakete ikes daŋ lopite ŋolo aponiata ŋuluce totwaka, apaki ŋina abunio ayoŋ akisican ikes, ereunio ikes.

Esek. 16:49

Asecit anakaato kon Sodoma iŋes na, abu iŋes ka ŋirerya keŋ kiturokinos, todakakiata nooi ka kiboiyoto anakinapakina, nai pa apotu ikes kiŋarakis ŋikulyak ka ŋulu ayakatar akiitanit.

Mat. 7:6

“Nyiinakis ŋiŋokwo ibore ŋini einakinitae Akuj ka nyimasakis ŋamoru ŋuna elal egyelit lopegei, anerae ipudaarete ikes a ŋakejen, tosodo kibelekinos akitiji iyes.

1 Sam. 17:44

Tema Epilistait ŋol neni a Daudi, “Bua neni kaŋ, akaari ayoŋ iyoŋ itonyama ŋataruk ka ŋityaŋ ŋulu ka ariet.”

1 Sam. 2:16

Ani nai keboŋoki ituŋanan ŋin iŋes tema, “Kimyek mono topeoi asepwae, ido nai tolema akiriŋ ŋina icamit iyoŋ daadaŋ,” apedori eketiyan ŋol aboŋokin ebe, “Mam, itemokino iyau tokona, ani kemam, alemari ayoŋ ka agogoŋu.”

1 Sam. 25:17

Totamatama mono iyoŋ tokona, ido toanyu ŋuna kitiyakina, anerae atubut ŋituŋa akitiya aronis neni a ekapolon yok ka neni a ŋituŋa a ekal keŋ daadaŋ. Erae ekapolon yok ituŋanan ŋini aronon, ŋini emam nyepupi ŋakiro a ŋituŋa a ŋuluce.”