Akisy. 19:29 - Ebaibul

²⁹ Nai ŋina enyasunia Akuj ŋitaunio ŋulu aya nadipo anakwap a ŋin, abu iŋes tominak Aburaam, ido tolema Lot alotaunio a ŋul apaki ŋina enyasunia ŋitaunio ŋul, ŋulu sek eboiyo Lot ekiŋaren.

Akisy. 19:29 Iomraidhean Croise

Akisy. 11:27

Erae lu ŋipapae a Tera. Abu Tera touru Aburam, Naor ka Aran. Touru Aran Lot.

Akisy. 12:2

Eketipituni ayoŋ iyoŋ anakwap ka eketerereŋi, ido eturuwo ekiro kon ŋolo eyenen anakwap, ikotere iyoŋ iruwor ŋolo ka arereŋu.

Akisy. 30:22

Totamu nai Akuj Rakel, kiira ŋakiro keŋ, toŋaa akook keŋ.

Akisy. 8:1

Nai abu nyimuryak Akuj Noa ka ŋibaren ta ibore daadaŋ ŋini ayari ŋini aya ka iŋes nataker. Kitukut Akuj ekuwuam anakwap, kitidipaiya ŋakipi.

Neem. 13:14

Totamunitetei ayoŋ, okoe Akuj kaŋ aŋuna a ŋakiro a ŋun, ido nyikimuryakis iyoŋ ŋiticisyo kaŋ ŋulu ajokak ŋulu adau ayoŋ akitiya alo Kai kon Akuj kaŋ ka aŋuna ka akilip a nen.

Neem. 13:22

Tosodi abu ayoŋ olimok ŋilepi atemar kitaleunos, ido potu akitere ŋipukei, ikotere iricitae Sabato erae akoloŋit ŋina asegan. Okoe Akuj kaŋ, totamunite ŋakiro ŋun daŋ ikitojokit ayoŋ ka kiuryarae ayoŋ alotooma amina kon ŋina apolon ŋina nyiryaŋiryaŋa.

Yob 35:8

Iteryamunit aronis kon ŋituŋa ŋuluce ŋican lopite ŋolo iryamunitor iyoŋ ka iteryamuni akiyookino kon ŋituŋa ŋuluce akitiya ŋuna iyookino.

Ŋikiru. 105:42

anerae abu Akuj totamu akiikinet keŋ ŋina asegan, neni ka Aburaam a eketiyan keŋ.

Ŋikiru. 105:8

Etamunit iŋes acamunet keŋ ŋikaru ka ŋikaru, acamunet keŋ ka ŋituŋa ŋina abu iŋes tolimu aŋuna a ŋanyameta a aliput.

Ŋikiru. 106:4

Totamunae ayoŋ, okoe Ekapolon apaki ŋina iŋarakinia iyoŋ ŋituŋa kon; kiŋarakinae ayoŋ daŋ apaki ŋina iunia iyoŋ ikes,

Ŋikiru. 136:23

Iŋes abu itotamu iwon apaki ŋina aponere itoreun, anerae erae amina keŋ ŋina nyiryaŋiryaŋa ŋina a ŋikaru ka ŋikaru.

Ŋikiru. 145:20

Iyokit Ekapolon daadaŋ ŋulu eminasi iŋes, nai emunyari Ekapolon ŋulu aronok daadaŋ.

Ŋikiru. 25:7

Tojoŋo atamunit ŋasecisya ŋuna ka asorokanut kaŋ, kori ŋipitesyo kaŋ ŋulu akaŋereneneo ayoŋ iyoŋ; totamunae ayoŋ anamina kon a ŋina nyiryaŋiryaŋa, anerae ijok iyoŋ, okoe ekapolon.

Esek. 14:16

alimu Ekapolon Akuj atemar, ikwapei ayarya ayoŋ, kerae tari toriŋa ŋikilyok ŋuluuni ŋul eyakasi nakwap ŋin, pa keiunito ŋidwe kec ŋulusapa, kori ŋulupesur. Kerae ikes bon ŋikulepek eiuna, nai toris akwap kec asilu.

Osea 11:8

Okoe Epuraim, apedori mono kire ayoŋ akimyekin iyoŋ a? Okoe Isirael, apedori mono kire ayoŋ akimyekin iyoŋ a? Ekokini ayoŋ ekesikwaanikini iyoŋ ka Adama ai? Nyecamuni etau kaŋ akitiya ŋun, epol nooi amina kaŋ aŋuna kus.

Ŋikis. 7:8

Nai arae aŋuna ikiminar Ekapolon iyes ka aŋuna ewuapitor akiikinet ŋina abu iŋes kikoŋ neni atapapaa kus, ŋakiro ŋun ikes ikiyaunia Ekapolon iyes ka apedor keŋ a ŋina etiron ka ikilaku iyes anakwap a ŋina ka apitoonut, anapedor a Parao a erwosit a Ijipit.

Ŋikis. 9:27

Totamu ŋiketiyak kon Aburaam, Isaka ka Yakob, nyimitak agogoŋu a ŋakyes a ŋituŋa a lu, nyimitak aronis kec ka asecit kec,

Ŋikis. 9:5

Meere aŋuna ka akiyookino kus, kori aŋuna ka akiyookino a ŋitai kus iŋes ilosyoto iyes akituruwor akwap kec ŋina kus, nai erae aŋuna ka aronis a ŋituŋa a ŋakwapin a ŋun, iŋes eritarya Ekapolon ikes alokiŋaren kus, ikotere isiyookinio akiikinet ŋina abu iŋes kikoŋ neni atapapaa kus Aburaam ka Isaka ta Yakob.

2 Pet. 2:7

Abu iŋes toiu Lot, ekile ŋolo eyookino, ŋolo aryeba nooi aŋuna a ŋulucetuŋa a ŋulu etiyaete aronis.