Akisy. 19:28 - Ebaibul

²⁸ kirereiyo a nen kwap lowae ŋolo a Sodoma ka Gomora ka lowae ŋolo a ŋadipoe a ŋimukura, kiŋolik apuru a akwap a ŋin eremit kidiama ikwa ŋina ka arira a ŋina ti apolon.

Akisy. 19:28 Iomraidhean Croise

Ŋikiru. 107:34

Abu kituruwo ŋalup ŋuna ajokak acumbi koŋin, anerae apotu ŋituŋa ŋulu eboiyete a nen toruwor ŋulu aronok.

Awos. 19:18

Apaki ŋin, aburusiyarit apuru emoru Sinai, anerae abu Ekapolon min nen kidiama keŋ eyai nakim. Topuruu apuru a nen torem kidiama ikwa ŋina ke ekitet a ŋolo icunyere ŋasuwa. Apaki ŋinapei, amarani emoru nooi neni aronon.

Mal. 3:2

Nai ŋae epedori akidaŋidaŋ ŋakiro a Akoloŋit a ŋin a ŋina ka abunore keŋ? Ŋae epedori akiyar Akoloŋit ŋin ŋina etakanunia iŋes? Anerae ebuni iŋes ikoni akim ŋina ke ekitet, kori esabuni ŋolo ilotari ibore atipei.

2 Pet. 2:7

Abu iŋes toiu Lot, ekile ŋolo eyookino, ŋolo aryeba nooi aŋuna a ŋulucetuŋa a ŋulu etiyaete aronis.

Yud. 1:7

Totamunito daŋ Sodoma ka Gomora ta ŋitaunio ŋulu edunyatar ikes, ŋulu apotu ŋituŋa kitiyaata ikwa ŋimalaikan ŋul anakitiya ŋakiro ŋuna ka amalao ka asupitoi ŋina gelaanot. Isicanitae tokona ikes anakim a ŋina nyeduŋe. Alopite a lo erae ikes akitaanyikinet tocoikiniata daadaŋ.

Akis. 18:18

kikalout eanyuwarete apuru ŋina ka arira a ŋina anomiyari iŋes temasi, “Emam etaun ece ŋolo ekoni etaun ŋolo apolon nooi lo ŋinapei koloŋ!”

Akis. 18:9

Ikalounete ka iyaloloŋete ŋirwosi ŋulu ka akwap, ŋulu kitiyaete ka iŋes amalao ka ekibure ŋolo aronon, aŋuna ke etaun a ŋolo apolon, apaki ŋina eanyuwaryata apuru ŋina ka arira a ŋina enyamuwari iŋes.

Akis. 19:3

Tocelut nabo temasi, “Alleluia! Elosi apuru ŋina ka arira a ŋina enyamuwari etaun ŋolo apolon nooi ŋol kidiama ŋikaru ka ŋikaru!”

Akis. 21:8

Nai ŋikakuryanak, ŋikalukinok, ŋulu nyenupito, ŋikaarak, ŋimalaanotin, ŋikekukujak, ŋulu ilipete neni a ŋakujo ka ŋikalyokonok daadaŋ imasakinio ikes nanam ŋina ka akim ka ŋina a Sulpa. Erae ŋin atwanare ŋina a ŋaarei.”

Akis. 9:2

Abu etop toŋaa auwuat ŋina aoyan ŋin, tolomu apuru ŋina ekoni ŋina ka arira a ŋina apolon nooi, kisiryon apuru akoloŋ ka kidiama cuc.