Akisy. 19:25 - Ebaibul

²⁵ tomunya ŋitaunio ŋul ka ŋadipoe a ŋimukura ka ŋituŋa a ŋitaunio a ŋul daadaŋ ta ibore daadaŋ ŋini alomunit analup kec.

Akisy. 19:25 Iomraidhean Croise

Akisy. 13:10

Toŋoleŋolek Lot erounit akwap ŋin daadaŋ, ani iŋoliyari lowae ŋolo a Yorodan, kiŋolik ŋadipoe ŋuna a Yorodan erae ŋuna elelenakini ejok alowaetin a daadaŋ, ikwaan ke emanikor ŋolo ke Ekapolon ka akwap ŋina a Ijipit alowae a ŋolo a Soar. Apaki ŋin, ariŋa Ekapolon nyinyasuna Sodoma ka Gomora.

Akisy. 13:12

Kiboi Aburam alo Kanaan, ido kiboiyo Lot lotaunio ŋulu a ŋadipoe a Yorodan, todukok eema keŋ Sodoma.

Akisy. 14:3

Tocunakis ŋirwosi ŋulukan ŋul ŋajorei kec nakadipaalat ŋina a Sidim (iŋes Anam ŋina Atwan.)

Ŋikiru. 107:34

Abu kituruwo ŋalup ŋuna ajokak acumbi koŋin, anerae apotu ŋituŋa ŋulu eboiyete a nen toruwor ŋulu aronok.

Isa. 13:19

Inyasunio Babilon akwap ŋina sek itopolooritae alotooma ŋakwapin, daadaŋ akwap ŋina ibus ka ŋina iturotor Ŋibabiloniyae. Ikwaanikin iŋes ka Sodoma ta Gomora apaki ŋina ekamarya Akuj ikes.

Yer. 20:16

Elipi kikwaanikin ekile ŋol ka ŋitaunio ŋulu abu Ekapolon kinyas emam akisyon, elipi kiira iŋes akigworo iwalari akwap ka eli kidiŋ apaaran,

Yer. 23:14

Nai eŋolik ayoŋ alokadwarak a Yerusalem ibore ŋini ikitubuli akilo, ikinyomito ikes ŋakujo ŋace ka iwuapito ŋuna ka alyokonu, itogogoŋito ikes ŋuna itiyaete ŋikaronok, ikotere tomamukaun ituŋanan imyekini akitiya aronis. Ekwaanikin ikes daadaŋ aneni kaŋ ka ŋituŋa a Sodoma ka ikwaan ŋituŋa a Yerusalem ka ŋituŋa a Gomora.”

Yer. 49:18

Lopite ŋolo amunaarere Sodoma ka Gomora kaapei ka ŋikidunyet kec, emamukaun ituŋanan iboi alo Edom, mam tari ŋini eduki ere keŋ nen.

Yer. 50:40

Alimu Ekapolon atemar, lopite ŋolo ekamarya Ekapolon Sodoma ka Gomora ka ŋikidunyet kec, ikwaŋinapei, mam ituŋanan eyakaun Babilon ka mam ituŋanan ebuni akiboi a nen.

Aum. 4:6

Esicani ŋituŋa kaŋ nooi, elo akisicanio kec tari ŋina a ŋituŋa a Sodoma; a etaun a ŋolo abu Akuj tomunya ŋituŋa keŋ atipei todaun ikaiunan.

Esek. 16:50

Arae ikes ŋiketurok ka etiyaete ŋakiro ŋuna ka asiilyo alokiŋaren kaŋ; aŋun, abu ayoŋ olema ikes eŋolikini ŋun.

Amos 4:11

“‘Abu ayoŋ okomunya iyes ŋice, lopite ŋolo abunio omunyarya ŋituŋa a Sodoma ka Gomora, iyes ŋulu ipotu toiunos anamunyaro, ikwaan iyes ka ŋakito elemunio anakim, nai ipotu iyes nyikiwa.

Sepan. 2:9

Aŋun, ayoŋ Ekapolon ŋolo Etiron, Akuj ŋina a Ŋisirael alimu atemar, ‘Ikwapei ayarya ayoŋ, inyasunio Moab ikwa Sodoma, ikwaanikin Ŋiamoni ka ŋituŋa a Gomora, Sodoma ka Gomora ŋakiboisyo ŋuna aliba ŋinya aneni sek adukitoe ikes, ŋakiboisyo ŋuna aruwor ŋapanya ŋuna ebokere acumbi, ŋakiboisyo ŋuna aruwor ŋacaryo ŋikaru ka ŋikaru. Ikurukurorete ŋituŋa kaŋ ŋulupiya ŋakiboisyo ŋun; eruwor ŋakwapin ŋun ŋuna a ŋituŋa a ŋulu apotu tobucun alomoe kec.’

Ŋikis. 29:23

Iŋolikinete ikes ŋalup a akwap a ŋin ŋuna kenom keruwor esulpa ka acumbi, iŋolikinete emam ibore itakinitae, emam ibore erupunit, pa epedorito akitolomun ŋikito, ikwaan ka akinyasuno a Sodoma ka Gomora, Adama ka Seboim ŋitaunio ŋulu abu Ekapolon kinyasu anoŋoit keŋ a ŋina aryenyaan,

2 Pet. 2:6

Abu Akuj totubok ŋitaunio ŋulu a Sodoma ka Gomora, tomunya ikes ka akim, kituruwo akitaanyikinet neni a ŋulu eŋerito Akuj.