Akisy. 18:8 - Ebaibul

⁸ Tolemu Aburaam akimyet ka ŋakile ta akiriŋ a etaok ŋolo abu iŋes kitemok, kiwuak ŋamuja ŋun daadaŋ kiŋaren ŋikilyok ŋul, kimuja. Apaki ŋin, awuoi Aburaam alodiyete kec alokitoe a ŋolopei eboiyoto ikes.

Akisy. 18:8 Iomraidhean Croise

Akisy. 18:7

Toem Aburaam neni aya ŋimoŋin, toramu etaok ŋolo anakunan, inak neni a esorokit a ŋolo abu kiburuburak akitemokin.

Akisy. 18:9

Kiŋita ŋikilyok ŋul Aburaam temasi, “Ai eyai aberu kon Sara?” Toboŋok iŋes tema, “Eyai tooma eema.”

Akisy. 19:3

Todyek Lot ikes nooi, ido toriwo neni ayai iŋes, toloto kai keŋ. Kijau Lot ikes, tolimok ŋiketiyak keŋ akitemokin akimuj. Kipout ŋamugati ŋuna amam ŋakinyalet kimuja ikes.

Neem. 12:44

Akoloŋit ŋin aponi toseunae ŋikilyok apolokin ŋagulei ŋuna iŋadao ŋiboro lu: Ŋainakineta, ŋaraito ŋuna a ekiŋaren ka ŋatutubeta ŋapeipei alotooma ŋitomon a ŋiboro; arae etic kec acununun nagulei ŋun ŋiboro ŋulu elimunit ekisil yaunae aŋuna a ŋisacaradotin ka ŋilepi alomanikorin a ŋulu a ŋituŋa a ŋulu eboiyete alotaunio, anerae alakara ŋituŋa a Yudaya aŋuna a ŋisacaradotin ka ŋilepi ŋulu etiyaete etic alo Kai ka Akuj.

Isa. 7:15

Apaki ŋina eyenunia iŋes akityak ŋakiro, toŋer aronis ka toseu ajokis, imuji iŋes ŋilaboi ka ao.

Isa. 7:22

ido imuji elabo, anerae eryamuni iŋes elabo anakile a ŋuna alalak. Ŋituŋa daadaŋ ŋulu idoŋete nakwap ŋin, imujete elabo ka ao.

Luk. 12:37

Erereŋ nooi ŋiketiyak ŋulu erukauni ekapolon kec ekienyete apaki ŋina eboŋunio iŋes. Akalimokini ayoŋ iyes kire atemar, enyiki iŋes ŋilowi keŋ, kisiboik ikes tokorak akimuj.

Luk. 17:8

Mam jik! Ilimokini iyoŋ iŋes itema, ‘Tonap arapet, kidoroki akaakimuj atipei. Kidareu daŋ emuj ka omat ayoŋ mono, ani ekaku, kimuj nai iyoŋ.’

Luk. 24:30

Ani iboikinosi Yesu ka ikes akimuj alomesa, tolemu iŋes amugati, kilipak ka tonyilinyili inak ikes.

Luk. 24:43

Kijau iŋes, tonyam alokiŋaren kec.

Yoa. 12:2

Kipokinoe iŋes akimuj ŋina ke eboŋ; arae Marita akori akimuj ka arae Lasaro epei a ŋulu aya lomesa kaapei ka Yesu.

Ŋitic. 10:41

Nyitatakanuna iŋes lotuŋa daadaŋ, nai neni kosi make a ŋulu aris Akuj kikiseu aruwor ŋisuudae. Isua ikipotu emuja ka omata daŋ ka iŋes, kedau ayarun alokatwak.

Ŋigal. 5:13

Nai iyes ŋikaitotoi kaŋ, aponi iyes ikinyarae aruwor ŋulu ilacakina. Nyicamakis nai alacakina ŋin eruwor ŋina kimyekinet ekibure ŋolo a ŋawat kus ikipukae iyes. Akilo, kimyekisi amina ikiinak iyes akijaanakin make.

Ŋikis. 32:14

Abu Ekapolon kitanu Ŋisirael a elabo a ŋakile a ŋaatuk ka a ŋakile a ŋuna a ŋakinei, a asepwae a ŋikaalei a ŋulumesekin ka a ŋina a ŋimesekin, a ŋimoŋin ka a ŋikora a akwap a Basan ka a ŋakirya a ŋaganoi a ŋuna ajokak, ido ipotu iyes tomata epiini ŋolo ajokan ŋolo acuunio anaraito a epiini.

Akis. 3:20

Kiira! Awuoi ayoŋ alokek, ekoŋikoŋi. Ani kiira ituŋanan etoil kaŋ, ido toŋaa ekek, alomuni ayoŋ neni keŋ, emuja ka iŋes ka ikimuji iŋes ka ayoŋ.

Ŋikat. 13:15

Tolimok nai Manoa emalaika ŋolo ke Ekapolon tema, “Nyilot kareca mono, kidaru kipounoe isua ikale aŋuna kon,”

Ŋikat. 5:25

Abu Sisera kiŋit Yael ŋakipi, inak Yael Sesira elabo a abakule, inak Yael Sisera elabo abakule a ŋina imujiata ŋirwosi.