Akisy. 18:19 - Ebaibul

¹⁹ Nyemunoni, anerae adau ayoŋ aseun iŋes ikotere iciki ŋidwe keŋ ka ŋituŋa a ekal keŋ ŋulu iwuapete iŋes, kiwuapa erot ŋolo ke Ekapolon anakitiya ŋuna iyookino ka ŋuna ecamakinitae; ikotere nai isiyookini Ekapolon ŋuna adau akiikin Aburaam.”

Akisy. 18:19 Iomraidhean Croise

Akisy. 12:2

Eketipituni ayoŋ iyoŋ anakwap ka eketerereŋi, ido eturuwo ekiro kon ŋolo eyenen anakwap, ikotere iyoŋ iruwor ŋolo ka arereŋu.

Akisy. 12:3

Eterereŋi ayoŋ ŋulu ikiterereŋete iyoŋ, tosodi eceni ŋulu ikicenete iyoŋ. Aŋuna kon, eterereŋi ayoŋ ŋituŋa ŋulu ka akwap daadaŋ.”

Akisy. 17:9

Tolimok Akuj Aburaam tema, “Emaikina iyoŋ torubak iricit acamunet kaŋ ka iyoŋ, iyoŋ kaapei ka ŋiletok kon ananyameta kec a daadaŋ.

Akisy. 22:18

ido eterereŋi ayoŋ ŋituŋa ŋulu ka akwap daadaŋ aŋuna a ŋiletok kon, anerae idau iyoŋ akiwuap ŋakiro kaŋ.’”

Akisy. 35:2

Aŋun, abu Yakob tolimok ŋituŋa a ekal keŋ ka ŋituŋa daadaŋ ŋulu arukitotor iŋes tema, “Tocakasi nariet ŋakujo ŋunagelaanotin ŋuna iyakatar iyes. Kitaleutu ŋawat kus ka tonapa ŋilowi ŋice;

2 Sam. 22:22

anerae abu ayoŋ ewuap ŋuna abala Ekapolon, mam ŋuna aronok ŋuna etiyat ayoŋ ŋuna eketeŋerete ayoŋ Akuj kaŋ.

2 Sam. 7:20

Anukiro tokona ŋace ŋuna apedori ayoŋ alimokin iyoŋ? Anerae ikiyeni iyoŋ ayoŋ eketiyan kon, okoe Ekapolon Akuj!

1 Ŋakiro a ŋirwa 28:9

“Iyoŋ Solomon lokoku kaŋ, tocamu Akuj a papa kon, kitiyanak iŋes ke ekonitau a daadaŋ icamakinit ka a ŋatameta a ŋuna einakina, anerae eyeni Ekapolon ŋuna eya lotai daadaŋ ka daadaŋ ŋuna etami ituŋanan akitiyakin. Ani kiwar iyoŋ iŋes, iryamuni iyoŋ iŋes, nai ani kiŋer iyoŋ iŋes, ikiŋeri iŋes iyoŋ ŋikaru ka ŋikaru.

2 Ŋakiro a ŋirwa 14:3

Abu tolema ŋamuroeta ŋunagelae ka kiela ŋakiboisyo ŋuna adukitoe nenimukur neni elipyata ŋituŋa ŋakujo, toukonok kwap ŋipirin ŋulu a ŋitalyo ka ŋitorubei ka akuj a ŋina anyaritae Asera.

Neem. 9:7

Irae iyoŋ Ekapolon, Akuj ŋina iseuni Aburaam, yau iŋes anakwap a Ur anakwap a Ŋibabiloniyae, tolimok iŋes ekiro Aburaam.

Yob 1:5

Ani elunyar ŋirwa ŋulu a ŋasuban, anyaraenene Yob ŋidwe keŋ akitaleun; taparacu sek, inak Akuj ŋainakineta ŋuna epeyo, ŋainakineta ŋuna erae ekimar a ŋidwe keŋ a daadaŋ, anerae abu Yob tema, “Acepaki aseca ŋidwe kaŋ, ecieno Akuj alotai kec.” Erae ŋun ŋuna etiyaenene Yob a ŋinakoloŋit.

Ŋikiru. 1:6

anerae idarit ka iyokit Ekapolon ŋulu iyookino, nai etwakiyarete ŋulu aronok.

Ŋikiru. 11:4

Eyai Ekapolon kai keŋ ŋina asegan, ipukat Ekapolon anakuj. Ite iŋes ŋituŋa aneni daadaŋ eya, eyeni ŋakiro ŋuna itiyaete ikes.

Ŋikiru. 34:15

Ite Ekapolon ŋulu iyookino; ka epupi Ekapolon akigworo kec aŋuna ka akiŋarakino.

Ŋakit. 22:6

Kitatam ikoku eriŋa edit akiwuap ŋuna iyookino, ikotere ani epolouni, nyimyek akiwuapit ŋun.

Isa. 38:19

Ŋituŋa ŋulu eyarete ikes epedorete alakar neni kon, lopite ŋolo eketalakaritor ayoŋ iyoŋ nakoloŋit na; iteyenanakinete ŋikauruunak ŋidwe kec akikinyoma kon.

Ŋilep. 14:42

Emaikina nai tolemunae ŋamoru ŋace kiwuakinae neni sek aya ŋuna alemaryo, ido kilabounoe akai ke ecoto a ŋolokitete.

Amos 3:2

Alimu Ekapolon ŋakiro nu ebe, ‘Iyes bon abu ayoŋ okoyenu ka ekeric alokidiŋ ŋituŋa a ŋakwapin a daadaŋ, aŋun, ekesicani ayoŋ iyes aŋuna a ŋasecisya kus.’

Mat. 25:17

Ikwaŋinapei, eketiyan daŋ ŋolo akorakinitae ŋicweei ŋiarei, abu toryamu ŋicweei ŋice ŋiarei.

Yoa. 10:14

Arae Ayoŋ ekeyokon ŋolo ajokan. Ayeni ayoŋ ŋamesekin kaŋ ka akayenete ikes ayoŋ,

Yoa. 21:17

Kiŋit Yesu Petero akiŋiset ŋina a ŋauni tema, “Simoni lokoku a Yoana, ikimina iyoŋ ayoŋ a?” Kiyaloloŋ Petero aŋuna abunio Yesu kiŋit iŋes ŋakiŋiset ŋauni ebala, “Ikimina iyoŋ ayoŋ a?” Tolimok nai Petero Yesu tema, “Ekapolon, iyeni iyoŋ ŋakiro daadaŋ, iyeni daŋ atemar akamina ayoŋ iyoŋ!” Tolimok nai Yesu Petero tema, “Kiyok ŋamesekin kaŋ.

Ŋitic. 27:31

Nai tema Paulo neni ke ekapolokiniton ŋisigarya amiat ka neni a ŋisigarya ebe, “Mati kerubakis ŋituŋa lu eyakasi nameeli, nyipedorete iyes aiun.”

Ŋiep. 6:4

Atapapa, nyitoŋoa ŋidwe kus; nai akilo, kitopoloutu ikes alopitesyo a ŋulu ajokak ka anakitatam ŋuna ke Ekapolon.

Ŋikis. 32:46

tolimok ikes tema, “Kirica alotai kus ŋakiro daadaŋ ŋuna akalimok ayoŋ iyes nakoloŋit na akisuuda ŋakiro kus; tolimokisi ikes erae akiciket neni a ŋidwe kus ikotere iwuapyata ikes ejok ŋakiro daadaŋ ŋuna a ŋikisila.

1 Tim. 3:12

Itemokino ŋikeŋarakinitok ŋulu a Ŋikristo toyakatar ŋaberu ŋapeipei ka topedorito akidar ŋikalya kec a ŋilopeyek ejok.

2 Tim. 1:5

Atamunit anupit ŋina a kire ŋina iyakar iyoŋ, ŋina ikoni ŋina a tata kon Lois ka ŋina a toto kon Eunike. Ayeni ayoŋ jik atemar iyakar tari iyoŋ anupit ŋin.

2 Tim. 2:19

Nai akisyakinet ŋina agogoŋon ŋina kebu Akuj todupaki, ewuoi nyiukonokin; kidiama keŋ igiritae ŋakiro nu, “Eyeni Ekapolon ŋulu erae ŋulu keŋ” ka “Ituŋanan daadaŋ ŋini ebala arae iŋes ŋini ke Ekapolon, itemokino toesik akitiya aronis.”

2 Tim. 3:15

Itamunit iyoŋ atemar ameun ŋinapei eriŋa iyoŋ irae ikoku, iyeni iyoŋ ŋakiro ŋuna igiritae Nakigireta, ŋuna epedorete ainakin iyoŋ aosou ŋina ikirikori naiuno alotooma anupit Yesu Kristo.

Yos. 24:15

Nai ani pa kejok aneni kus akitiyanakin Ekapolon, toseutu nai iyes ŋilopeyek nakoloŋit na ŋini itiyanakinete; kerae ŋakujo ŋuna etiyanakinete atapapaa kus Alokekwaye Aŋolol Eupurate, kori ŋakujo a Ŋiamori a ŋulu iboiyete iyes nakwap kec. Ani ayoŋ ka ekal kaŋ, ikitiyanakini Ekapolon.”

Ŋikat. 13:12

Kirworik nai Manoa tema, “Tolimokinae tokona, ani apaki ŋina iyookinotor ŋakiro kon, anukiro emaikina edya kiwuap anakiyar keŋ, nyo emaikina iŋes kitiya?”