Akisy. 17:8 - Ebaibul

⁸ Akainakini ayoŋ iyoŋ ka ŋiletok kon akwap na ŋina tokona iraakatar iyes ŋigelaanotin, akwap ŋina a Kanaan daadaŋ, toruwor ŋina kus jik, ido aruwor ayoŋ Akuj a ŋiletok kon.”

Akisy. 17:8 Iomraidhean Croise

Akisy. 12:7

Totakanu Ekapolon neni ka Aburam kirworik tema, “Ainakini ayoŋ akwap na neni a eletonit kon.” Aŋun, todukok Aburam Namuroet nen aŋuna ka atamunitor Ekapolon ŋolo abu totakanu neni keŋ.

Akisy. 13:15

Akainakini ayoŋ iyoŋ ka ŋiletok kon akwap na daadaŋ ŋina ite iyoŋ toruwor ŋina kus jik.

Akisy. 13:17

Tonyou! Kirimok akwap ŋin daadaŋ etya neni etya, anerae abuni ayoŋ ainakin iŋes neni kon.”

Akisy. 23:4

“Arae ayoŋ egela, ŋolo abunit aiwace, ido ikiboi ka iyes, inakinae ayoŋ ŋadilup ogyel onukanakini ŋikatwak, onukak daŋ tokona aberu kaŋ ojoŋo akitere.”

Akisy. 26:24

Nakwaare akoloŋit ŋinapei alomya Isaka nakwap ŋin, totakanu Ekapolon neni a Isaka tema, “Arae ayoŋ Akuj a papa kon Aburaam, nyikuryaniar, anerae ikiruki ayoŋ ka iyoŋ, eketerereŋi ayoŋ iyoŋ ka etalalauni ŋiletok kon nooi aŋuna a eketiyan kaŋ Aburaam.”

Akisy. 28:4

Elipi ikiinak Akuj iyoŋ ŋarereŋisyo ŋuna ainakinitae Aburaam, ikiinak iyoŋ ka ŋiletok kon, ikotere ikamarete akwap na ŋina tokona iboiyoto iyes irae ŋigelae, toruwor ŋina kus akwap na ŋina erae Akuj abu inak Aburaam.”

Akisy. 35:27

Bu Yakob neni a papa keŋ a Isaka a ŋolo ayai Mamure, kori Kirias-Araba (iŋes Eburon), neni koloŋ kiboitotor Aburaam ka Isaka.

Akisy. 36:7

Awotokini iŋes, anerae apotu ŋibaren kec topitut, nyitepedosi ikes akiboi kaapei; aŋuna ka alalau a ŋibaren kec pa etemokino ikes akwap ŋina eboiyoto ŋin.

Akisy. 37:1

Kiboi Yakob anakwap a ŋina a Kanaan, a ŋina abu papa keŋ kiboiyo erae egelaanot.

Akisy. 48:4

tema neni kaŋ, ‘Alosi ayoŋ akituruwor iyoŋ ŋolo iuri topit, eketuruwori ayoŋ iyoŋ ŋituŋa ŋulu alalak, ainakini ayoŋ akwap na neni a ŋiletok kon a ŋulu ikiwuapete iyoŋ, toruwor ŋina kec jik.’

2 Sam. 23:5

“Nyiyookino mono ŋituŋa a ekal kaŋ aneni ka Akuj a? Nyikicamuna mono Akuj ka ayoŋ anacamunet a ŋina a ŋikaru ka ŋikaru, a ŋina etemokin ka emam ituŋanan elemari a? Mam mono nyisiyookini iŋes aiuno kaŋ, ido okoinak ayoŋ ŋuna eitanit daadaŋ a?

1 Ŋakiro a ŋirwa 16:18

Tema Ekapolon neni a Yakob, “Akainakini ayoŋ iyoŋ akwap ŋina a Kanaan, ikwapei atutubet ŋina eruwor ŋina kon.”

Ŋikiru. 103:17

Nai ani eruwor ŋulu itopoloorito Ekapolon, erubakini aneni kec amina ŋina ke Ekapolon ŋina nyiryaŋiryaŋa ŋikaru ka ŋikaru. Erubakini akiyookino ŋina ke Ekapolon aneni a ŋipapae kec ŋanyameta daadaŋ,

Ŋikiru. 105:11

Tema Ekapolon neni a Yakob, “Akainakini ayoŋ iyoŋ akwap ŋina a Kanaan, ikwapei atutubet ŋina eruwor ŋina kon.”

Ŋikiru. 105:9

Etamunit iŋes acamunet ŋina abu iŋes tocamunos ka Aburaam ka akiikinet keŋ ŋina abu kikoŋ neni ka Isaka.

Awos. 13:11

“Ani kedau Ekapolon ayaun iyes nakwap a Ŋikanaani, ikiinak iyes akwap ŋin lopite ŋolo adaunia iŋes akikoŋ ainakin atapapaa kus ka iyes,

Awos. 21:6

emaikina nai ekapolon ŋol ya epito keŋ neni ka Akuj. Emaikina iŋes yaarae lopuke a Akibois a ŋina ilipere, kori kitowuae anakito a ŋuna ke epuke, ido topedoi akit keŋ ke emutu; toruwor nai epito ŋol eketiyan ke ekapolon keŋ ŋikaru ŋulu ka akiyar keŋ daadaŋ.

Awos. 29:45

Ayakaun ayoŋ neni eyakasi Ŋisirael, oruwor Akuj kec.

Awos. 32:13

Totamu ŋituŋa kon ke elope lu: Aburaam, Isaka ka Isirael, ŋulu arae ŋiketiyak kon. Totamu ŋuna ibu iyoŋ elope kikoŋ neni kec ibala, ‘Etipituni ayoŋ ŋiletok kus tolalata ikwa ŋikacer ŋulu alokidiama, ido ainakini ayoŋ ŋiletok kus akwap na daadaŋ ŋina adau ayoŋ akiikin iyes; eruwor ŋina kec ŋikaru ka ŋikaru.’ ”

Awos. 40:15

ido kiosak akimyet neni kec lopite ŋolo ibunio kiosakinia neni a papa kec, ikotere ikes eketiyanakis ayoŋ ikwapei ŋisacaradotin. Akiosakino kec akimyet ŋin, ituruwori ikes ŋisacaradotin ka eruwor ŋiletok kec ananyameta daadaŋ ŋisacaradotin.”

Awos. 6:4

Abu daŋ ayoŋ ewuak Acamunet kaŋ ka ikes, iŋes ainakin ikes akwap ŋina a Kanaan, akwap ŋina eboitotor ikes erae ŋigelaanotin.

Awos. 6:7

Akayai ayoŋ iyes irae ŋituŋa kaŋ ka aruwor ayoŋ Akuj kus. Iyenunete iyes atemar arae ayoŋ Ekapolon Akuj kus, ŋolo akalaku iyes anakisicaneta a Ŋijipitian.

Yer. 25:5

apaki ŋina ikilimokiniata ŋikadwarak iyes ebe, “Kilocokisi ŋipitesyo kus ŋulu aronok tokona, iyes ŋituŋa daadaŋ, kimyekisi akitiya ŋuna aronok, ido ipote iyes akiboi jik anakwap a ŋina abu Ekapolon ikiinak iyes ka neni atapapaa kus ŋinapei koloŋ sek tari ŋikaru ka ŋikaru,

Yer. 31:1

Alimu Ekapolon ebe, “Apaki ŋin aruwor ayoŋ Akuj a ŋikalya a daadaŋ a ŋulu a ŋituŋa a Isirael, ido eruworosi ikes ŋituŋa kaŋ.

Esek. 11:20

ikotere nai ikes ikiwuapeta alotooma anupit ŋikisila kaŋ ka iwuapete ŋuna atubunit ayoŋ. Eruworosi ikes ŋituŋa kaŋ ka aruwor ayoŋ Akuj kec.

Esek. 33:24

“Lokoku a ituŋanan, erubakinito ŋituŋa iboiyete anakiboisyo aŋuna emunaara anakwap a Isirael a ŋun ebasi, ‘Arae Aburaam ituŋanan ipei bon, ido aponi inakinae iŋes akwap ŋina abu toruwor ŋina keŋ. Nai ikilalak iwon, ikinakin kire jik iwon akwap na toruwor ŋina yok.’

Ŋilep. 14:34

“Ani kidaut iyes alomar nakwap a Kanaan ŋina akainakini ayoŋ iyes toruwor ŋina kus, ido ewuak ayoŋ ibore ŋini ikunoikinit kai adio ŋina a ituŋanan a ŋini anakwap kus,

Ŋilep. 16:34

Emaikina iyes torubakis iwuapito ŋakiro ŋuna etubunitoe ŋun ŋikaru ka ŋikaru. Emaikina iyes tomookete Ŋisirael a ŋolokaru aŋuna a ŋasecisya kec amookunet epei.” Abu nai Moses kitiya ŋun lopite ŋolo ecikitor Ekapolon iŋes.

Ŋilep. 26:12

Ikirukori ayoŋ kaapei ka iyes, aruwor Akuj kus, iruworosi iyes ŋituŋa kaŋ.

Sakar 8:8

Enyakuni ayoŋ ikes kiboikinos Yerusalem; toruwor ŋituŋa kaŋ, ido aruwor ayoŋ ŋolo ekinyoma ka eyookino aneni kec ikwapei Akuj kec.

Ekim. 10:29

Kirwor Moses neni ka Obab a lokoku a Reuel a ŋolo arae lokamuran a Moses a ŋolo abunit anakwap a Midian tema, “Awotokin tokona isua nakwap ŋina ikilimokinit isua Ekapolon ebe, ‘Akainakini ayoŋ iyes,’ bua orukosi ka isua, itiyao isua ejok neni kon; anerae iikinit Ekapolon ajokis neni a Ŋisirael.”

Ekim. 25:13

Eruwor aneni keŋ ka aneni a ŋiletok keŋ acamunet ŋin ŋina ka asacaradotonu ŋinaruba, anerae ainakina iŋes aŋuna ka Akuj keŋ, ido amooku iŋes Ŋisirael anasecit.’ ”

Ekim. 27:12

Tolimok Ekapolon Moses tema, “Kitipeiyo kidiama lomoru ŋol, ŋolo enyaritae Abiram, ido kiŋolik akwap ŋina adau ayoŋ ainakin neni a Ŋisirael.

Ŋitic. 7:5

Tari kikote neni, abu Akuj apaki ŋin nyeinak iŋes tari atutubet adio ŋina ka akwap a na; nai kiik iŋes ka ŋiletok keŋ akwap na, tari eriŋa iŋes nyeuruuna idiokoku.

Ŋikis. 14:2

anerae irae iyes ŋituŋa ŋulu asegak aneni ke Ekapolon Akuj kus, iyes ikiseu Ekapolon alotuŋa a ŋakwapin a daadaŋ aruwor ŋulu keŋ, ŋituŋa keŋ ŋulu emina iŋes nooi.

Ŋikis. 26:18

Nakoloŋit na, icamunosi iyes ke Ekapolon, iruworosi iyes ŋituŋa keŋ ŋulu emina iŋes nooi, lopite ŋolo ikiikinia iŋes iyes ka iwuapete iyes ŋakiciketa keŋ;

Ŋikis. 29:13

ikotere ikituruwori iŋes iyes nakoloŋit na ŋituŋa keŋ ka toruwor iŋes Akuj kus, lopite ŋolo eikinitor ka ekoŋitor neni atapapaa kus Aburaam, Isaka ka Yakob.

Ŋikis. 32:49

“Kitipeiyo lomoru ŋulu ka Abarim, todoka lomoru Nebo ŋolo eyai nakwap a Moab ŋolo iteosi ka Yeriko, torou akwap a Kanaan ŋina abuni ayoŋ ainakin neni a Ŋisirael aruwor ŋina kec,

Ŋikis. 32:8

Apaki ŋina akorya Akuj ŋina alokidiama nooi akwap a Ŋisirael, apaki ŋina atyakatyakaa iŋes Ŋisirael, abu kiwuak ŋikukorin a ŋakwapin a Ŋisirael iwuapit ekimar a ŋidwe a ŋulusapa a ŋulu a Isirael.

Ŋikis. 34:4

Tolimok Ekapolon Moses tema, “Erae ŋin akwap ŋina abu ayoŋ ekoŋ neni ka Aburaam, a Isaka ka Yakob abala, ‘Ainakini ayoŋ iŋes neni a ŋiletok kus’; ekesiŋolik ayoŋ iyoŋ iŋes, nai nyidoli iyoŋ ama.”

Ŋikis. 4:37

Tosodi aŋuna amina Akuj atapapaa kus, abu ekaku toseu ŋiletok kec. Abu ikiyau iyes alo Ijipit irukito ka iŋes a apedor keŋ a alope,

Ŋikis. 9:5

Meere aŋuna ka akiyookino kus, kori aŋuna ka akiyookino a ŋitai kus iŋes ilosyoto iyes akituruwor akwap kec ŋina kus, nai erae aŋuna ka aronis a ŋituŋa a ŋakwapin a ŋun, iŋes eritarya Ekapolon ikes alokiŋaren kus, ikotere isiyookinio akiikinet ŋina abu iŋes kikoŋ neni atapapaa kus Aburaam ka Isaka ta Yakob.

Ŋibur. 9:15

Aŋuna a ŋakiro a ŋun, Kristo eyaunit akimorikina a ŋituŋa ka Akuj a Nacamunet a ŋina Kitete, ikotere nai toanyuniata ŋituŋa ŋulu adau Akuj anyarare arereŋu ŋina a jik ŋina ikiik Akuj. Epedor ŋun, anerae abu Kristo totwan ikotere elacakinia ŋituŋa anaronis kec a ŋina etiyaete ikes eriŋa Acamunet ŋina ke ekiŋaren eyai.

Yos. 1:2

“Atwana eketiyan kaŋ Moses. Aŋun, tonyoutu tokona ka Ŋisirael todoka aŋolol Yorodan, tolomasi nakwap ŋina ainakinit ayoŋ Ŋisirael.

Akis. 21:7

Ŋini ilouni, eryamuni ŋun aneni kaŋ, aruwor ayoŋ Akuj keŋ ka eruwor iŋes lokoku kaŋ.