Akisy. 17:7 - Ebaibul

⁷ Ewuakini ayoŋ acamunet kaŋ ka iyoŋ ka ŋiletok kon ŋulu a ŋanyameta a daadaŋ, eruwor acamunet ŋin ŋina a ŋikaru ka ŋikaru. Arubakini ayoŋ arae Akuj kon ka ŋina a ŋiletok kon.

Akisy. 17:7 Iomraidhean Croise

Akisy. 15:18

Akoloŋit ŋin, tocamun Akuj ka Aburam tema Akuj, “Ainak ayoŋ akwap na neni a ŋiletok kon, anyoun anaŋolol a ŋina alo Ijipit tari naŋolol ŋina apolon nooi ŋina enyaritae Eupurate,

Akisy. 17:13

Kire jik, ŋisapa daadaŋ ŋulu idounio alorerya kus ka ŋulu igyelunete iyes, itemokino kileŋerae. Ŋun iturubakinete acamunet kaŋ ka iyes eyai neni kus erae ŋina a ŋikaru ka ŋikaru.

Akisy. 17:19

Tema Akuj, “Mam, euruuni aberu kon Sara ikoku ŋinisapat aŋuna kon, ido ilimokini iyoŋ ekiro keŋ Isaka. Ewuak ayoŋ acamunet kaŋ ka iŋes erae ŋina a ŋikaru ka ŋikaru a ŋuna a ŋiletok keŋ.

Akisy. 26:24

Nakwaare akoloŋit ŋinapei alomya Isaka nakwap ŋin, totakanu Ekapolon neni a Isaka tema, “Arae ayoŋ Akuj a papa kon Aburaam, nyikuryaniar, anerae ikiruki ayoŋ ka iyoŋ, eketerereŋi ayoŋ iyoŋ ka etalalauni ŋiletok kon nooi aŋuna a eketiyan kaŋ Aburaam.”

Akisy. 28:13

Towo Ekapolon alodiyete keŋ tema, “Arae ayoŋ Ekapolon, Akuj ŋina ka Aburaam a papaa kon, Akuj ŋina ka Isaka. Akwap na ŋina iperyo iyoŋ, akainakini ayoŋ iyoŋ ka ŋiletok kon;

Akisy. 6:18

Nai ewuakini ayoŋ acamunet kaŋ ka iyoŋ; ilomarete iyoŋ nataker ka aberu kon ka ŋidwe kon ŋulusapa ta ŋaberu kec.

Akisy. 9:16

Ani emini alokakinet lodouwon, eŋolikini ayoŋ iŋes, ido otamu acamunet ŋina a ŋikaru ka ŋikaru ŋina ikiyakar ayoŋ ka ibore daadaŋ ŋini eyari, ŋini eyai nakwap.”

2 Sam. 7:24

Ituruwo iyoŋ Ŋisirael kire jik ŋituŋa kon a alope ŋikaru ka ŋikaru, okoe Ekapolon, idau iyoŋ aruwor Akuj kec.

1 Ŋakiro a ŋirwa 16:13

Totamunito ŋun, iyes ŋiletok ka Aburaam a ŋolo arae eketiyan keŋ, totamunito ŋun, iyes ŋidwe a Yakob a ŋolo abu iŋes toseu.

1 Ŋakiro a ŋirwa 16:14

Erae iŋes Ekapolon Akuj yok; erae ŋatubonokineta keŋ ŋuna ka akwap a daadaŋ.

Ŋikiru. 81:10

Arae ayoŋ Ekapolon Akuj kus, ŋina abu okoyau iyes eketipeunio anakwap a ŋina a Ijipit; toruworos ŋulu ikinyoma, ido akainakini ayoŋ iyes ŋiboro ŋulu ajokak.

Awos. 3:15

Tema nabo Akuj neni a Moses, “Tolimok iyoŋ Ŋisirael ebe, ‘ekeyakuu ayoŋ neni kus Ekapolon Akuj atapapaa kus, Akuj ka Aburaam, Akuj a Isaka ka Akuj a Yakob.’ ” Ekiro kaŋ ŋol ŋikaru ka ŋikaru. Akanyaraete ayoŋ ŋanyameta daadaŋ a ekiro a ŋol.

Awos. 3:6

Tema nabo Akuj, “Arae ayoŋ Akuj a papaa kon, Akuj ka Aburaam, Akuj a Isaka ka Akuj a Yakob.” Kiwua Moses ereet keŋ, anerae abu iŋes tokuryaniar akitere Akuj.

Awos. 6:4

Abu daŋ ayoŋ ewuak Acamunet kaŋ ka ikes, iŋes ainakin ikes akwap ŋina a Kanaan, akwap ŋina eboitotor ikes erae ŋigelaanotin.

Awos. 6:7

Akayai ayoŋ iyes irae ŋituŋa kaŋ ka aruwor ayoŋ Akuj kus. Iyenunete iyes atemar arae ayoŋ Ekapolon Akuj kus, ŋolo akalaku iyes anakisicaneta a Ŋijipitian.

Isa. 61:8

Alimu Ekapolon ebe, “Amina ayoŋ akiyookino aŋerit ayoŋ ademanar ŋuluce ŋiboro kec ka akitiya ŋuna aronok. Ataci ayoŋ ikes aŋuna a ŋiticisyo kec itemokino, ido ewuakini ayoŋ acamunet ŋina a ŋikaru ka ŋikaru ka ikes.

Yer. 31:1

Alimu Ekapolon ebe, “Apaki ŋin aruwor ayoŋ Akuj a ŋikalya a daadaŋ a ŋulu a ŋituŋa a Isirael, ido eruworosi ikes ŋituŋa kaŋ.

Esek. 28:26

Iboikinosi ikes nen emam awasya, edukokinete ikes ŋakais nen ka itakinete ŋikito a epiini nen. Iboikinosi ikes nen emam awasya apaki ŋina esicania ayoŋ ŋikidunyet kec daadaŋ ŋulu apotu kinyasa ikes imanito. Eyenunete nai Ŋisirael apaki ŋin atemar arae ayoŋ Ekapolon Akuj kec.”

Ŋilep. 11:45

Arae ayoŋ Ekapolon ŋolo abu okoyau iyes eketipeunio anakwap a Ijipit, ikotere oruwor Akuj kus; aŋun, toruworos ŋulu isegak, anerae aseg ayoŋ.

Ŋilep. 25:38

Arae ayoŋ Ekapolon Akuj kus, ŋina abu akoyau iyes alo Ijipit ainakin akwap ŋina a Kanaan, ikotere aruwor Akuj kus.’

Ŋilep. 26:12

Ikirukori ayoŋ kaapei ka iyes, aruwor Akuj kus, iruworosi iyes ŋituŋa kaŋ.

Ŋilep. 26:44

Tari daŋ kikote ŋakiro nen, ani apaki ŋina eyakatar ikes nakwapin a ŋimoe kec, nyawouni ayoŋ ikes, oŋer ikes ikotere amunyarya ikes daadaŋ, todaunor acamunet kaŋ ka ikes. Arae ayoŋ Ekapolon Akuj kec.

Ŋilep. 26:45

Nai aŋuna kec, atamuni ayoŋ acamunet kaŋ ka atapapaa kec ŋulu abu ayoŋ oyau alo Ijipit iteete ŋituŋa a ŋakwapin, ikotere oruwor Akuj kec. Arae ayoŋ Ekapolon.’ ”

Ŋilep. 26:9

Eketodikini ayoŋ iyes arimao kaŋ, ido eketipituni iyes eataki ekimar kus, erici ayoŋ acamunet kaŋ ka iyes.

Mika 7:20

Itoodikini iyoŋ ŋituŋa kon akikinyoma kon ka amina kon ŋina nyiryaŋiryaŋa, itoodikini iyoŋ ŋun neni a ŋipapae ka Aburaam ka Yakob, lopite ŋolo ibunio iyoŋ koloŋ sek kiikinia atapapaa kosi.

Mat. 22:32

‘Arae ayoŋ Akuj ŋina ka Aburaam, ka Isaka, ta ŋina a Yakobo’ a? Meere iŋes Akuj a ŋikatwak, nai Akuj a ŋulu eyarete.”

Mar. 10:14

Ani iŋolikini Yesu ŋikasyomak keŋ itiyaete ŋun, toŋo nooi tolimok ikes tema, “Kimyekisi ŋidwe potu neni kaŋ! Nyiretakis ikes, anerae erae Apukan ka Akuj ŋina a ŋulu ikote lu.

Ŋitic. 2:39

Anerae arae akiikinet ka Akuj ŋina kus ka ŋikusidwe ta neni a ŋituŋa a daadaŋ a ŋulu elwaka a ŋulu enyaraunit Ekapolon yok Akuj neni keŋ.”

Ŋirom. 9:4

Ikes erae ŋituŋa ŋulu a Isirael ŋulu eseunit Akuj kituruwo ŋidwe keŋ ka kitoodik apolou keŋ neni kec. Abu iŋes bu neni kec inak ikes Acamunet ka Ŋikisila daŋ. Eyenete ikes kire epite ŋolo kilipet; aryamut ikes ŋakiikineta ŋuna ka Akuj.

Ŋiep. 2:2

Apaki ŋin ipotu iyes kiwuapa ŋipitesyo ŋulu ka akwap ŋulu aronok; ipotu iyes kisipukas ekepukan ŋolo epolokinit ŋipyan ŋulu eyakasi kidiama, ekipye ŋolo tokona epolokinit ŋituŋa ŋulu nyiwuapito ŋakiro ka Akuj.

Ŋikis. 29:13

ikotere ikituruwori iŋes iyes nakoloŋit na ŋituŋa keŋ ka toruwor iŋes Akuj kus, lopite ŋolo eikinitor ka ekoŋitor neni atapapaa kus Aburaam, Isaka ka Yakob.

Ŋibur. 11:16

Nai arae akibois ŋina ajokan akilo eitanito ikes, akibois ŋina eyai nakuj. Aŋun, nyirumito Akuj ŋileec enyarito ikes iŋes Akuj kec, anerae etemok etaun aŋuna kec.

Ŋibur. 8:10

Tokona erae na Acamunet ŋina ikicamunor ayoŋ ka ŋituŋa a Isirael alorwa a ŋulu eponito: Ewuakini ayoŋ Ŋikisila kaŋ natameta kec, egirakini daŋ ikes lotai kec. Aruwor ayoŋ Akuj kec ka eruworosi ikes ŋituŋa kaŋ.

Ŋikat. 2:1

Abu emalaika ŋolo ke Ekapolon kitipeiyo alo Gilgal tari Bokim, tosodi tema, “Abu ayoŋ okoyau iyes alo Ijipit ka okoyau iyes nakwap ŋina abu ayoŋ eik neni atapapaa kus. Abu ayoŋ otema, ‘Erici ayoŋ jik acamunet kaŋ ka iyes.