Akisy. 17:4 - Ebaibul

⁴ “Aneni kaŋ, erae na acamunet kaŋ ka iyoŋ; iruwor iyoŋ papa a ŋakwapin a ŋuna alalak.

Akisy. 17:4 Iomraidhean Croise

Akisy. 12:2

Eketipituni ayoŋ iyoŋ anakwap ka eketerereŋi, ido eturuwo ekiro kon ŋolo eyenen anakwap, ikotere iyoŋ iruwor ŋolo ka arereŋu.

Akisy. 13:16

Etipituni ayoŋ ŋiletok kon tolalata ikwa apuwa ŋina ka akwap, ani kepedori ituŋanan akimar apuwa, iŋes atemar epedor ŋiletok kon daŋ akimarun.

Akisy. 16:10

Tolimok daŋ emalaika ke Ekapolon iŋes tema, “Epituni ayoŋ ŋiletok kon nooi, nyepedoryo akimarun ikes, anerae elalaketa.”

Akisy. 22:17

eketerereŋi ayoŋ iyoŋ kire jik, ido akainakini ayoŋ iyoŋ kire jik ŋipapae ŋulu alalak ikwa ŋikacer alokidiama ka elalata ikwa asinyon alokipetot a anam. Ikamarete ŋiletok kon ŋitaunio daadaŋ a ŋimoe kec,

Akisy. 25:23

Tolimok Ekapolon iŋes tema, “Eyakasi ŋituŋa a ŋakwapin a ŋaarei nakook kon, ido ŋituŋa a ŋakwapin ŋulu ŋiarei ŋulu idouni iyoŋ, etyakasi, egogoŋioto ŋituŋa ka akwap a apei akilo ŋinace, eruwor edya ŋolo apolon eketiyan a ŋolo cici.”

Akisy. 28:3

Elipi Akuj ŋina Etiron ikiterereŋ iyoŋ ikiinak ŋiletok ŋulu alalak, ikotere toruwor papa a ŋituŋa a ŋakwapin.

Akisy. 32:12

Nai idau iyoŋ Akuj atemar itiyae ŋuna ajokak neni kaŋ, ido italalauni ŋiletok kaŋ ikwa asinyon ŋina ananam ŋina nyepedor akimarun.”

Akisy. 35:11

Tema Akuj neni keŋ, “Arae ayoŋ Akuj ŋina Etiron: Topit, tolalata ŋituŋa kon; elomunete aneni kon ŋituŋa ŋulu ka akwap a apei ka ŋituŋa ŋulu a ŋakwapin a ŋuna alalak, elomunete ŋirwosi aneni kon.

Akisy. 48:19

Nai towou papa keŋ, tema, “Ayeni ayoŋ lokoku, ayeni ayoŋ; eruwor iŋes daŋ ateker ka ŋolo epol. Kikote neni daŋ, eruwor lokaato keŋ ŋolo cici ŋolo epol akilo iŋes, ido elalaketa ŋiletok keŋ eruwor ŋituŋa a ŋakwapin.”

Awos. 6:4

Abu daŋ ayoŋ ewuak Acamunet kaŋ ka ikes, iŋes ainakin ikes akwap ŋina a Kanaan, akwap ŋina eboitotor ikes erae ŋigelaanotin.