Akisy. 17:13 - Ebaibul

¹³ Kire jik, ŋisapa daadaŋ ŋulu idounio alorerya kus ka ŋulu igyelunete iyes, itemokino kileŋerae. Ŋun iturubakinete acamunet kaŋ ka iyes eyai neni kus erae ŋina a ŋikaru ka ŋikaru.

Akisy. 17:13 Iomraidhean Croise

Akisy. 14:14

Ani iirari Aburam atemar ariko ŋimoe lokoku alokaato keŋ, ya ŋikilyok ŋamiae ŋauni ka ŋitomon ka ŋikanikauni ŋulu etatamitae epite ŋolojiet, ŋulu arae ŋiyeneta keŋ; toloto kiwuapakis ŋimoe ŋul, todolo tari Dan.

Akisy. 15:3

Tolimu nabo Aburam tema, “Kiira, emam ikoku ikiinak iyoŋ ayoŋ, aŋun, eruwor epito ŋolo alokal kaŋ irumi ŋiboro kaŋ.”

Akisy. 17:7

Ewuakini ayoŋ acamunet kaŋ ka iyoŋ ka ŋiletok kon ŋulu a ŋanyameta a daadaŋ, eruwor acamunet ŋin ŋina a ŋikaru ka ŋikaru. Arubakini ayoŋ arae Akuj kon ka ŋina a ŋiletok kon.

Akisy. 37:27

Potu, ogyelasi iŋes neni a Ŋisimael, akilo iwon akiar iŋes, anerae erae iŋes lokaato yok ŋolo ikirae ka iwon akuwan apei.” Tocamut ŋikaitotoi keŋ ŋun.

Akisy. 37:36

Kepotu Ŋimidian togyelasi Yosepu neni a Potipar, a Ejipitanoit a ŋolo arae epei a ŋikepukak a Parao, ŋolo apolokinit ŋisigarya.

Akisy. 39:1

Keponi Yosepu yae totiyaarere nakwap ŋina a Ijipit. Togyel Ejipitanoit ŋolo anyaritae Potipar Yosepu aneni a Ŋisimael a ŋulu ayaunete iŋes Ijipit. Arae Potipar epei a ŋikepukak a Parao ŋolo apolokinit ŋisigarya.

Akisy. 9:16

Ani emini alokakinet lodouwon, eŋolikini ayoŋ iŋes, ido otamu acamunet ŋina a ŋikaru ka ŋikaru ŋina ikiyakar ayoŋ ka ibore daadaŋ ŋini eyari, ŋini eyai nakwap.”

Neem. 5:5

Ikirae isua ŋituŋa ŋipei ka ŋiyeneta kosi ka ejokak ŋidwe kosi aneni kosi lopite ŋolo ejokyata ŋidwe kec aneni kec, nai kitiŋakinitetei bo isua ŋidwe kosi ŋulusapa ka ŋulupesur aruwor ŋipi ka ŋapi, adaun akituruwor ŋidwe kosi ŋice ŋulupesur ŋapi, adaun isua apedor ka aruworosi ŋimanikorin kosi ŋulu a ŋikinyom ka ŋulu ke epiini ŋulu a ŋituŋa a ŋice.”

Neem. 5:8

abu ayoŋ olimok ikes otema, “Alopite a ŋolo ikipedorya isua, ikidau isua agyelun ŋiyeneta yok ŋulu erae Ŋiburaniyae ŋulu keponi togyelarae nakwapin ŋace, nai tokona igyelanarete iyes ŋiyeneta kus pei, ikotere ikitegyelakinio nabo isua.” Apotu ikes daadaŋ kililiŋa, todaun ŋakiro ŋuna elimunete.

Awos. 12:44

Nai epito daadaŋ ŋolo adaun akigyel ka akileŋer epedori akinyam.

Awos. 21:16

“Ituŋanan ŋini ekokoiyari ituŋanan ŋinice, kegyelarit iŋes ituŋanan ŋin, kori keriŋa eyai neni keŋ, emaikina toarae.

Awos. 21:2

“Ani igyelunete iyes epito ŋolo erae Eburaniyait, emaikina kitiya neni kus ŋikaru ŋikanikapei bon erae epito. Nai ani epete ŋikaru ŋikanikaarei, emaikina tojoŋo araakau epito, toruwor ŋini emam ŋuna imicao.

Awos. 21:4

Ani kiitakinit ekapolon ke epito a ŋol epito ŋol aberu, ido tourite aberu ŋin ŋidwe ŋulusapa, kori ŋulupesur, idoŋete aberu ŋin ka ŋidwe neni ke ekapolon a epito a ŋol, ido toboŋo epito ŋol bon.

Ŋilep. 22:11

Nai ani kegyelu esacaradoti epito, kori apito, kori keuritae epito ŋol, kori apito ŋin alokal keŋ, enyami epito ŋol, kori apito ŋin akimuj ŋin.

Mat. 18:25

Aŋuna pa apedorya eketiyan ŋol akitac eden, abu ekapolon tolimu atemar togyelarae iŋes, akeeberu, ŋikeedwe ka ŋinibore ayakar iŋes daadaŋ, totacere eden.