Akisy. 17:12 - Ebaibul

¹² Ananyameta kus a daadaŋ, itemokino kileŋerae ŋidwe ŋulusapa daadaŋ apaki ŋina edolio ŋinikoku ŋirwa ŋikanikauni, itemokino kileŋerae tari ŋidwe a ŋipi ŋulu idounio alorerya kus ka ŋulu igyelunete iyes alotuŋa a ŋulugelae, a ŋulu nyerae ŋidwe a ŋiletok kus.

Akisy. 17:12 Iomraidhean Croise

Akisy. 17:23

Ya nai Aburaam lokoku keŋ Isimael ka ŋidwe daadaŋ ŋulupi ŋulu auruunio alokal keŋ ka ŋulu agyelunio a ŋisiliŋa keŋ; ya ŋisapa daadaŋ ŋulu eboiyete alokal keŋ, kileŋer ikes akoloŋit ŋinapei ŋin ŋina erworotor iŋes ka Akuj; ikwapei alimokinitor Akuj iŋes.

Akisy. 21:4

Ani edolete ŋirwa a Isaka ŋikanikauni, kileŋer Aburaam iŋes ikwapei sek ecikitor Akuj iŋes.

Awos. 12:44

Nai epito daadaŋ ŋolo adaun akigyel ka akileŋer epedori akinyam.

Awos. 22:30

Kitiyata ŋun anaatuk ka anamesekin daŋ. Kimyekisi ŋitak ka ŋikaalei toruko ka atatoto kec ŋirwa ŋikanikaarei bon, ido ikiinakis ayoŋ edolete ŋirwa kec ŋikanikauni.

Ŋilep. 12:3

Ani epete ŋirwa ŋikanikauni, emaikina idya ŋin kileŋerae.

Luk. 1:59

Ani edoli ŋirwa ŋikanikauni ŋulu kileŋeret ikoku, kiitana ŋituŋa alimokin iŋes ekiro ŋolo anyaritae Sakariya, ekiro a papa keŋ.

Luk. 2:21

Ani edoli ŋirwa ŋikanikauni ŋulu kileŋeret ikoku, tolimokinae ekeekiro Yesu, ekiro ŋolo alimori emalaika eriŋa nyepotiuno iŋes.

Ŋitic. 7:8

Abu Akuj inak Aburaam Acamunet ŋina arae emacar keŋ akileŋer. Toruwor nai Aburaam papa a Isaka, kileŋer iŋes Isaka kelunyar esabit epei. Ekaku, toruwor Isaka papa a Yakobo, ido touru Yakobo atapapaa yok ŋulutomon ka ŋiarei.

Ŋirom. 2:28

Iŋes atemar, nyerae ituŋanan Eyudayat alotakane keŋ kori aŋuna ileŋeritere iŋes.

Ŋipil. 3:5

Aponi ekeleŋeri ayoŋ akoloŋit ŋina a ŋakanikauni kelunyar akidouno kaŋ. Arae ayoŋ Esiraelit ŋolo anateker a Benjamin, ŋolo arae Eburaniyat kire. Alotooma akiwuapit Ŋikisila ŋulu a Ŋiyudayan, arae ayoŋ Eparisayot