Akisy. 17:11 - Ebaibul

¹¹ Kileŋera ikes toruwor ŋol emacar ŋolo ka acamunet kaŋ ka iyes.

Akisy. 17:11 Iomraidhean Croise

Akisy. 9:12

Tema Akuj, “Erae lo emacar ŋolo ka acamunet a ŋina alosi ayoŋ akiwuakin kidiŋ ayoŋ ka iyes ka ibore daadaŋ ŋini eyari ŋini iya ka iyes nakwap, ido eruwor acamunet na ŋina a ŋanyameta a daadaŋ a ŋuna eponito aloŋaren.

2 Sam. 3:14

Kiyakiya nai Daudi ŋituŋa neni a Isiboses alokoku a Saul ebala, “Inakinae ayoŋ aberu kaŋ Mikal, ŋina aponi ekeikin ayoŋ akiit erae kaar Ŋipilistin amiat, eleŋer ikes, oyau ŋamunyin kec oinak Saul.”

Awos. 12:48

Itemokino igelaanot daadaŋ ŋini iboiyete ka iyes ŋini ecamit akitiya ŋasuban ŋun, kileŋer ŋisapa alokal keŋ daadaŋ, tosodi kitiya ŋasuban ŋun esibit ituŋanan ŋini ka akwap kus. Nai nyemaikina ituŋanan ŋini nyileŋeritae enyami ŋasuban ŋun.

Awos. 4:25

Nai abu Sipora tolemu amoru ŋina akwanan kileŋerya lokoku keŋ, ido totapak amuny ŋina atubun nakejen a Moses tema, “Kire jik, irae iyoŋ ekile kaŋ ŋolo irae a ŋaokot!”

Ŋitic. 7:8

Abu Akuj inak Aburaam Acamunet ŋina arae emacar keŋ akileŋer. Toruwor nai Aburaam papa a Isaka, kileŋer iŋes Isaka kelunyar esabit epei. Ekaku, toruwor Isaka papa a Yakobo, ido touru Yakobo atapapaa yok ŋulutomon ka ŋiarei.

Ŋirom. 4:11

Eleŋeryo iŋes ekaku, ido toruwor akileŋeryo keŋ emacar ŋolo itoodiunit atemar aŋuna ka anupit keŋ, aris Akuj kecamu iŋes erae ŋolo iyookino eriŋa nyileŋera. Aŋun, erae Aburaam papaa a daadaŋ a ŋulu enupito Akuj ka ŋulu adau iŋes acamun erae ŋulu iyookino, tari pa kileŋeritae.

Ŋikis. 10:16

Aŋun tokona, kilocokisi ŋipitesyo kus, tojoŋoto jik arakau ŋituŋa ŋulu egogoŋ ŋakyes;

Yos. 5:3

Kitiyau nai Yosua ŋileŋia ŋulu arae ŋamoru kileŋerya Ŋisirael alomukura a ŋolo enyaritae Gibeas-Aralos.