Akisy. 15:13 - Ebaibul

¹³ Kirworik Ekapolon neni ka Aburam tema, “Toyenu nu kire atemar, erikoryo ŋiletok kon nakwap ŋinagela, neni eruworotor ŋipi ka isicanio nooi ŋikaru ŋamiae ŋaomwon.

Akisy. 15:13 Iomraidhean Croise

Akisy. 15:16

ido eboŋunete ŋiletok kon ne edoli anyamet ŋina a ŋaomwon; anerae eriŋa aronis ŋina a Ŋiamori nyedauna.”

Akisy. 17:8

Akainakini ayoŋ iyoŋ ka ŋiletok kon akwap na ŋina tokona iraakatar iyes ŋigelaanotin, akwap ŋina a Kanaan daadaŋ, toruwor ŋina kus jik, ido aruwor ayoŋ Akuj a ŋiletok kon.”

Akisy. 47:4

Temasi nabo ikes neni a Parao, “Ikiponit isua akiboi anakwap a na ikirae ŋigelae; isua ŋiketiyak kon, ikimamukar ŋinya a ŋamesekin kosi, anerae epol nooi eron anakwap a ŋina a Kanaan. Ikiŋisit tokona isua iyoŋ itocamak isua ŋiketiyak kon tolomae nakwap ŋina a Gosen.”

Ŋikiru. 105:42

anerae abu Akuj totamu akiikinet keŋ ŋina asegan, neni ka Aburaam a eketiyan keŋ.

Awos. 1:11

Aŋun, apotu ikes toseut ŋikapolok ŋulu epolokinete ŋipi alotic a ŋolo ereikinio ŋipi kitiyata. Kituduko ŋikapolok ŋul Ŋisirael ŋitaunio ŋiarei Pisom ka Ramases ŋulu ewuanakini Parao ŋamuja ŋuna ka akwap keŋ.

Awos. 1:13

Apotu ŋun inakis Ŋijipitian aryenyaanikin Ŋisirael nooi kitiŋanakis etic.

Awos. 1:14

Kitakadakis Ŋijipitian Ŋisirael nooi aŋuna aponiata kitiŋakis ikes etic ŋolo agogoŋon nooi; ikwapei amuna ecoto ka akiram ŋamatapali ta ŋiticisyo ŋice ŋulu a ŋimanikorin. Aryanyaaka Ŋijipitian nooi isitiyaete Ŋisirael ŋiticisyo ŋuluce daadaŋ.

Awos. 2:24

Kiira Akuj aryeba kec, ido abu totamu Acamunet keŋ ka Aburaam, Isaka ka Yakob.

Awos. 22:21

“Nyemaikina iyes tobolyatar, kori kisiyaloloŋo ituŋanan ŋinigela ŋini iboiyete ka iyes; anerae iraakasi paaran iyes daŋ ŋigelae anakwap a Ijipit.

Awos. 23:9

“Kimyekisi akisiyaloloŋ ŋituŋa ŋulugelae ŋulu iboiyoto iyes; iyenete iyes ŋuna eya lotai a ŋituŋa a ŋulu erae ŋigelae, anerae iraakasi paaran iyes daŋ ŋigelae alo Ijipit.”

Awos. 3:10

Ekeyakiyari ayoŋ iyoŋ tokona neni a Parao iyau ŋituŋa kaŋ, Ŋisirael anakwap a Ijipit.”

Awos. 3:17

Adau ayoŋ atubun atemar akayauni ayoŋ iyes eketipeunio anakwap a Ijipit a ŋina iryamunitotor ŋican, okoyau nakwap a Ŋikanaani, a Ŋiitaiti, a Ŋiamori, a Ŋiperisi ka a Ŋiipi ta a Ŋiyebusi, nakwap ŋina elelyaata ŋakile ka ao.’

Awos. 3:8

ka adau ayoŋ abunore kwap ne aiun ikes anakan a Ŋijipitian ka ayaun ikes anakwap a ŋin, toloto nakwap ŋina ajokan ŋina aloloman, nakwap ŋina elelyaata ŋakile ka ao, nakwap ŋina a Ŋikanaani, a Ŋiitaiti, a Ŋiamori, a Ŋiperisi ka a Ŋiipi ta a Ŋiyebusi.

Ŋilep. 19:34

Emaikina iyes totiŋito ituŋanan ŋin esibit erae ŋini a ekabila kus pei. Tominas iŋes ikwa imininia iyes make, anerae iraakasi paaran iyes daŋ ŋigelaanotin alo Ijipit. Arae ayoŋ Ekapolon Akuj kus.

Ekim. 20:15

Iyeni iyoŋ epite ŋolo atiyaarotor atapapaa kosi Ijipit, kiboi isua alo Ijipit apaki ŋina aoyan ka apotu Ŋijipitian ikisicana isua ka atapapaa kosi,

Ŋitic. 7:17

“Ani eapuuni apaki ŋinakisiyookinet akiikinet ŋina eikinit Akuj Aburaam, kiyatakin ekimar ŋolo a ŋituŋa yok alo Ijipit, tolalata nooi.

Ŋigal. 3:17

Ŋuna alimunit ayoŋ ikes nu ebe, abu Akuj tocamunos ka Aburaam, kiik akiric Acamunet ŋin. Nyepedorete Ŋikisila ŋulu koloŋ ayauni Akuj kelunyarosi ŋikaru ŋamiae ŋaomwon ka ŋatomoniuni akibil Acamunet ŋin ka akikisar akiikinet ŋina ka Akuj.

Ŋikis. 10:19

Emaikina nai iyes daŋ tominas ŋituŋa ŋulugelae, anerae irae paaran iyes daŋ ŋigelae anakwap a Ijipit.

Ŋikis. 5:15

Totamunito atemar irae koloŋ iyes ŋipi anakwap a Ijipit, ido abu Ekapolon Akuj kus ikiyau iyes anakwap a ŋin ka apedor keŋ a ŋina etiron ka agogoŋ. Aŋun, abu Ekapolon ikicik iyes atamunit akoloŋit ŋina a Sabato.