Akisy. 14:20 - Ebaibul

²⁰ Erereŋ Akuj ŋina alokidiama nooi, ŋina abu tobuko ŋimoe kon, ido ibu iyoŋ kilou ikes.” Inak Aburam iŋes atutubet apei anatomon aloboro a daadaŋ a ŋulu enyakuni iŋes.

Akisy. 14:20 Iomraidhean Croise

Akisy. 14:21

Tolimok erwosit ŋolo a Sodoma Aburam tema, “Inakinae iyoŋ ayoŋ ŋituŋa kaŋ daadaŋ, ya ŋiboro toruwor ŋulu kon.”

Akisy. 24:27

tema, “Toyai arereŋu neni ke Ekapolon, Akuj ka Aburaam a ekapolon kaŋ, a ŋolo eriŋa eyakar amina keŋ ŋina nyiryaŋiryaŋa ka akikinyomit keŋ neni ke Ekapolon kaŋ. Ani eruwor ayoŋ, adau ekapolon akitenun ayoŋ kai a eyenet a ekapolon kaŋ.”

Akisy. 28:22

Tosodi eruwor amoru na ŋina etowoik ayoŋ ne neni ilipere Akuj; ibore daadaŋ ŋini ikiinakini iyoŋ ayoŋ Akuj, akainakini ayoŋ iyoŋ atutubet apei anatomon.”

Akisy. 47:24

Ani edoli apaki ŋina ilemyata iyes, itemokino inakis Parao atutubet apei alotooma ŋakan, kidoŋo ŋatutubeta ŋaomwon alotooma ŋakan neni kus ikwapei ŋikinyom ŋulu eekinio ka akimuj ŋina inyamete iyes ka ŋikalya kus ta ŋidwe kus ŋulu cicik.”

Akisy. 47:26

Aŋun, abu Yosepu kituruwo ŋakiro ŋun ekisil a akwap a Ijipit, ido eriŋa tari tokona eyai ekisil ŋol ebe, atutubet apei alotooma ŋakan alokinyom a daadaŋ, erae ŋina a Parao. Ŋalup a ŋisacaradotin bon apotu nyeruwor ŋuna a Parao.

Akisy. 9:26

Tema nabo, “Erereŋ Ekapolon Akuj ŋina a Sem; emaikina Kanaan toruwor epito a Sem.

2 Sam. 18:28

Kiworou Aimas neni ke erwosit tema, “Ejokak ŋakiro daadaŋ.” Toryedik iŋes alokiŋaren erwosit kijuuru todol ereet kwap, ido tema, “Kipuroe Ekapolon Akuj kon, ŋina ikiinak iyoŋ akiloun ŋituŋa ŋulu ikimanito iyoŋ erwosit ekapolon kaŋ.”

2 Ŋakiro a ŋirwa 31:12

Aponi nai anakiwuapit ŋakiro a erwosit, yaunae nen ŋainakineta, ŋatutubeta ŋuna alemyo alotooma ŋitomon a ŋinibore ka ŋainakineta ŋace ŋuna apotu ikes inakis neni ke Ekapolon; aponi toseunae Elepait ŋolo anyaritae Canania apolokin ŋainakineta ŋun ka lokaato keŋ Simei akiwuap iŋes alotic a ŋol.

Neem. 10:37

Eyaununuyo daŋ isua amurat kosi ŋina esyaunan ka ŋainakineta kosi, ŋaraito ŋuna a ŋikito a daadaŋ ŋuna esyaunak a epiini ka akimyet. Eyaununio isua ŋul neni a ŋisacaradotin ka nagulei ŋuna iŋadao ŋiboro alo Kai ka Akuj kosi, acamun daŋ isua ayaunun neni a ŋilepi atutubet apei alotooma ŋitomon a ŋiboro a ŋulu itaunio isua, anerae ŋilepi ikes iriraete atutubet apei alotooma ŋitomon a ŋiboro alotaunio kosi a ŋulu cicik a daadaŋ.

Neem. 13:12

Tosodi, apotu ŋituŋa a Yudaya daadaŋ yaut nakais ŋuna iŋadao ŋiboro ŋatutubeta ŋapeipei alotooma ŋitomon a ŋikinyom, a epiini ka akimyet.

Ŋikiru. 144:1

kipuroe Ekapolon ŋolo erae ataaba kaŋ ŋina aiunor ayoŋ, ŋolo abu eketatam ayoŋ epite ŋolo ejiere.

Ŋikiru. 44:3

Pa apotu ikes kikamasi akwap aŋuna ka ajionu kec, meere tari aŋuna ka agogoŋu kec aponiata ikes kilouniata; nai arae aŋuna ka apedor ka agogoŋu kon ka arae aŋuna iteyenikinitor iyoŋ ikes atemar iyai iyoŋ ka ikes, anerae imina iyoŋ ikes.

Ŋikiru. 68:19

Arereŋu toyai neni ke Ekapolon, a ŋolo jwi jwi ikiunit iwon; Akuj iŋes erae akaiunan yok.

Awos. 18:10

Tema Yesiro, “Kipuroe Ekapolon ŋolo abu itoiu iyes aneni a Ŋijipitian ka aneni a Parao.

Amos 4:4

“Toloto Besel, ido tosecesecata a nen, toloto Gilgal, ido kitalalata ŋasecisya kus, yaununutu a ŋina taparacu ŋamuronisya kus, yaununutu atutubet apei alotooma ŋitomon a ŋiboro kus a ŋinapaki erae ainakinet epete ŋirwauni,

Mal. 3:10

Yautu atututbet apei alotooma ŋatomon aloboro kus Kai ka Akuj, ikotere tolalaar akimuj a nen. Kikatakisi mono iyes akitiya ŋun neni kaŋ, iŋolikinete iyes aŋauni ayoŋ ajokis daadaŋ ŋina anakuj, ido obuk neni kus ŋiboro daadaŋ ŋulu ajokak.

Mal. 3:8

“Ekeŋisit ayoŋ iyes ebe, ‘Ejok mono ituŋanan akoko Akuj a?’ Mam nyejok, nai ikikokoyete iyes ayoŋ, ido iŋitasi ibasi, ‘Alipite ikikokoya isua iyoŋ?’ Ikikokoyete iyes ayoŋ aŋuna nyiyaununiyata atutubet apei alotooma ŋatomon aloboro kus ka aŋuna nyikiinanakiniata ayoŋ ŋainakineta.

Ekim. 28:26

Akoloŋit ŋina iyauniata iyes ŋaraito ŋuna eŋarenok, apaki ŋina iyauniata iyes neni ke Ekapolon ainakinet ŋina a ŋikinyom aŋuna a ŋasuban a ŋisabito, emaikina iyes tocunakinos kilipa, nyilot loticisyo kus kitiyata.

Luk. 18:12

Aroneene ayoŋ ŋaroniet ŋaarei a ŋolosabit, nabo akalemianakini iyoŋ atutubet apei ŋina kitomonet a ŋinibore a daadaŋ aryamuni ayoŋ.’

Ŋirom. 15:16

Aruwor ayoŋ eketiyan ŋolo a Yesu akitiya aŋuna a ŋituŋa a ŋulu nyerae Ŋiyudayan. Etiyae ayoŋ ikwa esacaradoti analimonokin Ŋakiro ŋuna Ajokak ŋuna eponito aneni ka Akuj, ikotere nai ŋulu nyerae Ŋiyudayan eruworosi amuronot ŋina ecamunit Akuj, ŋina etojok Akuj nooi alotooma Etau ŋolo Asegan.

Ŋiep. 1:3

Olakaros neni ka Akuj a ŋina erae daŋ Papa ke Ekapolon yok Yesu Kristo! Anerae anakimorikina yok ka Kristo, ikiterereŋ iŋes iwon anainakin ŋarereŋisyo daadaŋ ŋuna ke Etau ŋuna anakuj.

Ŋikis. 12:17

Nyemaikina daŋ iyes tonyama alotaunio kus atutubet apei alotooma ŋitomon a ŋikinyom kus, a epiini kus, a akimyet kus, a ŋikiyae a ŋaatuk kus ka ŋamesekin kus, ŋainakineta daadaŋ ŋuna ikoŋito iyes ainakin neni ka Akuj, ŋainakineta kus ŋuna iyaunete iyes ka acamit kus, kori ŋainakineta kus ca daadaŋ.

Ŋikis. 14:23

Tonyama atutubet apei alotooma ŋitomon a ŋikinyom kus, a epiini kus, a akimyet kus kaapei ka ŋikiyae a ŋaatuk ka a ŋamesekin kus, tonyama ikes alokiŋaren Ekapolon Akuj kus, anakibois a ŋina ebuni iŋes aseun aruwor neni ilipere enyaritae ekiro keŋ, kitiyata ŋun ikotere iyenuniata akitopoloorit Ekapolon Akuj kus jwi jwi.

Ŋikis. 14:28

Ŋinapaki daadaŋ epete ŋikaru ŋiuni, emaikina iyes yaut atutubet apei alotooma ŋitomon a ŋinibore kus a daadaŋ a ŋini iryamunete iyes alokaru a ŋol, ido kiŋadakis lotaunio kus,

Yos. 10:42

Kilou Yosua ŋirwosi ŋul daadaŋ ka ŋakwapin kec alotooma akitijikinet apei bon, anerae eŋarakinit Ekapolon ŋolo erae Akuj a Ŋisirael ŋituŋa keŋ.