Akisy. 14:19 - Ebaibul

¹⁹ Ikiterereŋ Melekisedek Aburam tema, “Ikiterereŋ iyoŋ Aburam Akuj ŋina alokidiama nooi, ŋina asubi nakuj ka akwap;

Akisy. 14:19 Iomraidhean Croise

Akisy. 14:22

Nai tolimok Aburam erwosit ŋolo a Sodoma ŋol tema, “Adau ayoŋ akikoŋ neni ke Ekapolon ka Akuj a ŋina alokidiama nooi a ŋina asubi nakuj ka akwap,

Akisy. 24:3

ido ekesikoŋ ayoŋ iyoŋ alokiro ke Ekapolon a Akuj a ŋina erae nakuj ka akwap ŋuna keŋ, kikoŋ ebe, nyiitakini iyoŋ lokoku kaŋ aberu anapesur a ŋuna eurito ŋituŋa a Kanaan, ŋulu tokona eboi ayoŋ aneni kec.

Akisy. 27:4

ani kiar, iyau ikipoki ayoŋ akimuj ŋina ajokan ŋina sek amina ayoŋ, iyau emuj, ikotere eketerereŋ ayoŋ iyoŋ eriŋa ayoŋ nyetwana.”

Akisy. 47:10

Kiterereŋ nai Yakob Parao, torotok aneni a Parao.

Akisy. 47:7

Ekaku a ŋun, yau Yosepu papa keŋ kitoodiya neni a Parao, kiterereŋ Yakob Parao.

Akisy. 49:28

Erae ŋul daadaŋ ŋikabilae ŋitomon ka ŋiarei ŋulu a Ŋisirael, ido ŋakiro ŋun abu Yakob tolimok ŋidwe keŋ apaki ŋina eterereŋio ikes. Inak ŋinituŋanan kec arereŋu ŋina etemokino aŋuna keŋ.

2 Sam. 2:5

Kiyakiya Daudi ŋituŋa neni a ŋituŋa a Yabes-Gilead, tema neni kec, “Ikiterereŋ iyes Ekapolon, anerae ipotu iyes kitoodiut akitopoloorit kus Saul ekapolon kus, ido ipotu tonuka iŋes.

1 Ŋakiro a ŋirwa 29:11

Okoe Ekapolon, irae iyoŋ ŋolo ipol nooi, iyakar apedor, apolou, akiloun ka ailiil; anerae ibore daadaŋ ŋini eyai nakuj ka kwap; erae ŋini kon; okoe Ekapolon, erae apukan ŋina kon; ikitopolooritae iyoŋ irae Ekapolon a daadaŋ.

2 Ŋakiro a ŋirwa 31:8

Ani epote Esekia ka ŋikapolok akiŋolikin ŋatukon ŋun, apotu kipuro Ekapolon ka kiterereŋo ŋituŋa a Ekapolon Ŋisirael.

Ŋikiru. 115:15

Elipi ikiterereŋ iyes Ekapolon, ŋolo abu tosub nakuj ka akwap.

Ŋikiru. 115:16

Erae kidiama nooi neni ke Ekapolon, nai ainaki iŋes ŋituŋa akwap.

Ŋikiru. 24:1

Erae akwap daadaŋ ka ibore daadaŋ ŋini eyai nakwap ŋulu ke Ekapolon, akwap ka ŋituŋa daadaŋ ŋulu eyakasi nen erae ŋulu ke Ekapolon;

Ŋikiru. 50:10

anerae erae ŋityaŋ daadaŋ ŋulu ka ariet ŋulu kaŋ, ido erae ŋaatuk daadaŋ ŋuna eyakasi; lokamukumukui tari ŋalipyo ŋuna kaŋ.

Mika 6:6

“Nyo emaikina ayoŋ oyau neni ke Ekapolon a Akuj a ŋina alokidiama, apaki ŋina abunio akilip neni keŋ? Emaikina mono ayoŋ oyau ŋainakineta ŋuna epeyo, kaapei ka ŋitak ŋulu erae apolou kec ekaru epei a?

Mat. 11:25

Apaki ŋin, kirwor Yesu tema, “Alakara ayoŋ neni kon Papa, Ekapolon ŋolo anakuj ka nakwap, anerae ibu iyoŋ kiwua ŋakiro ŋun aneni a ŋikaosok ka ŋipiiryanotin, nai kisileereu neni a ŋidwe a ŋulu cicik.

Mar. 10:16

Totun iŋes ŋidwe, kidokok ŋakeekan neni kec, kiterereŋ.

Luk. 10:21

Esaa ŋolopei kilelebun Etau ŋolo Asegan neni a Yesu, tolelyan iŋes nooi, tolimu tema, “Alakara ayoŋ neni kon, Papa, Ekapolon ŋolo anakuj ka nakwap, anerae ibu iyoŋ kiwua ŋakiro nu aneni a ŋikaosok ka ŋipiiryanotin; nai kisileereu neni a ŋidwe a ŋulu cicik. Ee, Papa, itiyak iyoŋ ŋun daadaŋ ikwaŋina icamitor iyoŋ elope.

Ŋitic. 16:17

Kiwuapu iŋes Paulo ka isua ecela ebala, “Erae ŋikilyok lu ŋiketiyak ŋulu ka Akuj a ŋina alokidiama nooi! Iseraete ikes epite ŋolo ipedoryata iyes aiuno!”

Ŋiep. 1:3

Olakaros neni ka Akuj a ŋina erae daŋ Papa ke Ekapolon yok Yesu Kristo! Anerae anakimorikina yok ka Kristo, ikiterereŋ iŋes iwon anainakin ŋarereŋisyo daadaŋ ŋuna ke Etau ŋuna anakuj.

Ŋiep. 1:6

Ikotere iwon ikipuri iŋes aŋuna ka ajokis keŋ a ŋina apolon, a ŋina erae ainakinet keŋ ŋina a Lokoku keŋ a ŋolo minat!

Ŋikis. 10:14

Tari kerae nakuj ka kidiama daadaŋ ka akwap ta ŋiboro daadaŋ ŋulu eya nen ŋulu a Ekapolon Akuj kus,

Rus. 3:10

Tolimok Boas Rus tema, “Ikiterereŋ Akuj iyoŋ nakoku, anerae itoodiu iyoŋ ejok nooi arimao kon apaki na akilo ŋina ibunio iyoŋ kimiidikin neni a tata kon, kimyek ibore daadaŋ. Nyeloto iyoŋ neni a ŋisorok, kekulyakaka kori kebarito.

1 Sam. 15:13

Ani edoli Samuel neni a Saul, tema Saul, “Ikiterereŋ iyoŋ Ekapolon; adau ayoŋ akiwuap ŋuna ekecikit ayoŋ Ekapolon.”